ವಾಷಿಂಗ್ಟನ್: ಅಮೆರಿಕದ ಟೆಕ್ಸಾಸ್ ರಾಜ್ಯದಾದ್ಯಂತ ಮಳೆಯ ಅರ್ಭಟದಿಂದ ಉಂಟಾದ ಹಠಾತ್ ಪ್ರವಾಹ ಮಾನವತೆಯ ಮೇಲೆ ತೀವ್ರ ಹೊಡೆತ ಹೇರಿದ್ದು, ಸಾವಿಗೀಡಾದವರ ಸಂಖ್ಯೆ 78ಕ್ಕೆ ಏರಿಕೆಯಾಗಿದೆ. ದುರಂತದಲ್ಲಿ ಪ್ರಾಣ ಕಳೆದುಕೊಂಡವರ ಪೈಕಿ 28 ಮಕ್ಕಳು ಸೇರಿದ್ದು, ಈ ದೌರ್ಭಾಗ್ಯವನ್ನು ಇನ್ನೂ ದುಃಖದಾಯಕವನ್ನಾಗಿಸಿದೆ.
ಇನ್ನು 41 ಮಂದಿ ಪ್ರವಾಹದಲ್ಲೇ ಕಣ್ಮರೆ ಆಗಿದ್ದು, ಅವರಿಗಾಗಿ ರಕ್ಷಣಾ ತಂಡಗಳು ಶೋಧ ಕಾರ್ಯ ಮುಂದುವರೆಸಿವೆ. ಈ ಪ್ರವಾಹವನ್ನು ಕಳೆದ 100 ವರ್ಷಗಳಲ್ಲೇ ಟೆಕ್ಸಾಸ್ ನುಡಿದ ದುರಂತಗಳ ಪೈಕಿ ಅತ್ಯಂತ ಭೀಕರವೆಂದು ಹವಾಮಾನ ಇಲಾಖೆ ವರದಿಯೊಂದು ಘೋಷಿಸಿದೆ.
ಈ ಹಣ್ಣಿಗೆ ಹೃದಯಾಘಾತ ತಡೆಯೋ ಶಕ್ತಿ ಇದೆ.. ವಾರದಲ್ಲಿ ಒಮ್ಮೆಯಾದರೂ ತಪ್ಪದೇ ಸೇವಿಸಿ!
ಹವಾಮಾನ ಇಲಾಖೆ ಇನ್ನೂ ಮುಂದಿನ 48 ಗಂಟೆಗಳವರೆಗೆ ಬಿರುಗಾಳಿ ಹಾಗೂ ಮಳೆಯ ಅಬ್ಬರ ತೀವ್ರಗೊಳ್ಳಲಿದೆ ಎಂಬ ಎಚ್ಚರಿಕೆಯನ್ನು ಹೊರಡಿಸಿದೆ. ಇದರ ಜೊತೆಗೆ, ವಿಷಪೂರಿತ ಹಾವುಗಳ ಸಂಚಾರ ಹೆಚ್ಚಾಗಿರುವುದರಿಂದ ರಕ್ಷಣಾ ಕಾರ್ಯಾಚರಣೆಗೇ ತೊಂದರೆ ಉಂಟಾಗುತ್ತಿದೆ.
ಅಂತೆಯೇ, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮೃತರ ಕುಟುಂಬಗಳಿಗೆ ತೀವ್ರ ಸಂತಾಪ ವ್ಯಕ್ತಪಡಿಸಿದ್ದು, “ಇದು ಒಂದು ಭೀಕರ ದುರಂತ. ದೇವರು ಜನರಿಗೆ ಈ ನೋವು ಸಹಿಸುವ ಶಕ್ತಿ ಕೊಡಲಿ,” ಎಂದು ಹೇಳಿದ್ದಾರೆ. ಅವರು ಶುಕ್ರವಾರ ಪ್ರವಾಹ ಪೀಡಿತ ಪ್ರದೇಶಕ್ಕೆ ಭೇಟಿ ನೀಡಲಿದ್ದಾರೆ. ಟೆಕ್ಸಾಸ್‌ನ ಹಲವು ಭಾಗಗಳಲ್ಲಿ 15 ಇಂಚು (38 ಸೆಂ.ಮೀ) ಮಳೆಯಾದ ಪರಿಣಾಮ ಪ್ರವಾಹ ಉಂಟಾಗಿದೆ. ಈಗಾಗಲೇ 850ಕ್ಕೂ ಹೆಚ್ಚು ಜನರನ್ನು ರಕ್ಷಿಸಲಾಗಿದ್ದು, ರಕ್ಷಣಾ ಪಡೆಗಳು ನಿಸ್ಸೀಮ ಸೇವೆಯಲ್ಲಿ ನಿರತರಾಗಿವೆ.
