ಹೃದಯ ನಮ್ಮ ದೇಹದಲ್ಲಿ ರಕ್ತ ಸಂಚಾರವನ್ನು ಪ್ರತಿಯೊಂದು ಅಂಗಾಂಗಗಳಿಗೆ ಕಳುಹಿಸಿ ಕೊಡುವ ಕೆಲಸ ಮಾಡುವುದು. ಆದರೆ ನಮ್ಮ ದೈನಂದಿನ ಒತ್ತಡದಿಂದಾಗಿ ಹೃದಯದ ಮೇಲೆ ಅತಿಯಾದ ಒತ್ತಡ ಹಾಕುತ್ತೇವೆ. ಇದರಿಂದ ಹೃದಯದ ಸಮಸ್ಯೆಗಳು ಆಗಾಗ ಕಾಡುತ್ತಲೇ ಇರುತ್ತದೆ. ಇದಕ್ಕೆ ಮುಖ್ಯ ಕಾರಣ ನಮ್ಮ ಆಧುನಿಕ ಜೀವನ ಶೈಲಿ ಮತ್ತು ಆಹಾರ ಪದ್ಧತಿ ಆಗಿದೆ.
ಮೊದಲೆಲ್ಲಾ ವಯಸ್ಸಾದವರಿಗೆ ಮಾತ್ರ ಕಾಡುತ್ತಿದ್ದ ಈ ಕಾಯಿಲೆ ಇದೀಗ ಯುವ ಜನತೆಯಲ್ಲೂ ಕಾಣಿಸಿಕೊಳ್ಳುತ್ತಿದೆ. ಆದರೆ ಹೃದಯಾಘಾತಕ್ಕೂ ಮುನ್ನ ದೇಹದಲ್ಲಿ ಕೆಲ ಲಕ್ಷಣಗಳು ಕಾಣಿಸಿಕೊಳ್ಳುತ್ತದೆ. ಅಷ್ಟೇ ಅಲ್ಲ ಮನುಷ್ಯರಿಗೆ ಮಾತ್ರವಲ್ಲ. ಪ್ರಾಣಿಗಳಿಗೂ ಅನ್ವಯ ಆಗತ್ತೆ. ಅದರಲ್ಲಿ ಬೆಕ್ಕು ಕೂಡ.
ಎಸ್, ಮನುಷ್ಯರಿಗೆ ಮಾತ್ರವಲ್ಲ ಬೆಕ್ಕಿಗೂ ಹೃದಯಾಘಾತವಾಗುತ್ತೆ ಎಂದರೆ ನಂಬುತ್ತೀರಾ? ಹೌದು ಇದು ನಿಜ. ಇದೊಂದು ಕೊರೊನರಿ ಅಪಧಮನಿ ಕಾಯಿಲೆಯಾಗಿದೆ. ಇದು ಬಹಳ ಅಪರೂಪವಾಗಿದ್ದರೂ ಕೂಡ ಇದು ಕಂಡು ಬಂದರೆ ಬೆಕ್ಕು ಬದುಕುವುದು ಬಹಳ ಕಷ್ಟ. ಹಾಗಾದರೆ ಇದು ಕಂಡು ಬರಲು ಕಾರಣವೇನು? ಲಕ್ಷಣಗಳು ಯಾವ ರೀತಿಯಲ್ಲಿ ಇರುತ್ತದೆ? ಈ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಮಯೋಕಾರ್ಡಿಯಂನಿಂದ ರಕ್ತದ ಹರಿವು ಕಡಿತಗೊಂಡಾಗ ಹೃದಯಾಘಾತ ಸಂಭವಿಸುತ್ತದೆ. ಇದು ರಕ್ತ ಹೆಪ್ಪುಗಟ್ಟುವಿಕೆ ಅಥವಾ ಹೃದಯ ಸ್ನಾಯು ಕಾಯಿಲೆ ಗಳಿಂದ ಸಂಭವಿಸುತ್ತದೆ.
ಮೊದಲು ಪಶುವೈದ್ಯರಿಗೆ ಬೆಕ್ಕಿನ ಸಂಪೂರ್ಣ ಆರೋಗ್ಯ ಇತಿಹಾಸದ ಅಗತ್ಯವಿರುತ್ತದೆ. ಹಾಗಾಗಿ ಆ ಬಗ್ಗೆ ಮಾಹಿತಿ ನೀಡಿ. ಹೃದ್ರೋಗಕ್ಕೆ ಸಂಬಂಧಿಸಿದಂತೆ ಅದರ ಇತಿಹಾಸ, ರೋಗಲಕ್ಷಣಗಳ ವಿವರವಾದ ಪಟ್ಟಿ ಮತ್ತು ರೋಗಲಕ್ಷಣಗಳು ಮೊದಲು ಪ್ರಾರಂಭವಾದ ದಿನ ಮತ್ತು ಸಮಯ ನಿಮಗೆ ತಿಳಿದಿರಬೇಕಾಗುತ್ತದೆ. ನಂತರ ಪಶುವೈದ್ಯರು ಬೆಕ್ಕನ್ನು ದೈಹಿಕವಾಗಿ ಪರೀಕ್ಷಿಸುತ್ತಾರೆ, ಅದರ ಹೃದಯ ಬಡಿತ, ನಾಡಿಮಿಡಿತ ಮತ್ತು ರಕ್ತದೊತ್ತಡವನ್ನು ಪರೀಕ್ಷಿಸುತ್ತಾರೆ. ಇದಕ್ಕೆ ಸಂಬಂಧ ಪಟ್ಟಂತೆ ಕೆಲವು ಪ್ರಯೋಗಗಳನ್ನು ವೈದ್ಯರು ಮಾಡುತ್ತಾರೆ. ಇದು ಹೃದಯಾಘಾತಕ್ಕೆ ಕಾರಣವಾಗಬಹುದಾದ ಪರಿಸ್ಥಿತಿಗಳನ್ನು ಗುರುತಿಸಲು ಪಶುವೈದ್ಯರಿಗೆ ಸಹಾಯ ಮಾಡಬಹುದು.
ಬೆಕ್ಕಿನ ಮೇಲೆ ಎಲೆಕ್ಟ್ರೋಕಾರ್ಡಿಯೋಗ್ರಾಮ್ ಮತ್ತು ಎಕೋಕಾರ್ಡಿಯೋಗ್ರಾಮ್ ನಡೆಸಲಾಗುತ್ತದೆ. ಇಕೆಜಿ ಹೃದಯದ ಚಟುವಟಿಕೆಗಳನ್ನು ಗಮನಿಸುತ್ತದೆ ಮತ್ತು ಹೃದಯ ಬಡಿತ ಅಸಹಜವಾಗಿದ್ದರೆ ಅದನ್ನು ಗುರುತಿಸಲು ಸಹಾಯ ಮಾಡುತ್ತದೆ. ಕೆಲವೊಮ್ಮೆ ಪಶುವೈದ್ಯರು ಬೆಕ್ಕಿನ ಎದೆಯ ಎಕ್ಸ್-ರೇ ತೆಗೆದುಕೊಳ್ಳಬಹುದು.
ಬೆಕ್ಕಿನ ರೋಗನಿರ್ಣಯವು ಹೃದಯಾಘಾತದ ತೀವ್ರತೆ ಮತ್ತು ಅದಕ್ಕೆ ಕಾರಣವಾದ ಮೂಲ ಸ್ಥಿತಿಯ ಚಿಕಿತ್ಸೆಯನ್ನು ಅವಲಂಬಿಸಿರುತ್ತದೆ. ಇಕೆಜಿ ಪರೀಕ್ಷೆಗಳ ಮೂಲಕ ಹೃದಯ ಬಡಿತವನ್ನು ಮೇಲ್ವಿಚಾರಣೆ ಮಾಡಬೇಕಾಗುತ್ತದೆ. ಪಶುವೈದ್ಯರು ಬೆಕ್ಕನ್ನು ಹೋಲ್ಟರ್ ಅಥವಾ ಈವೆಂಟ್ ಮಾನಿಟರ್ ನೊಂದಿಗೆ ಮನೆಗೆ ಕಳುಹಿಸಿದರೆ, ಸ್ಥಿತಿಯನ್ನು ಸರಿಯಾಗಿ ಪತ್ತೆಹಚ್ಚಲು ಸೂಚನೆಗಳನ್ನು ಅನುಸರಿಸಬೇಕಾಗುತ್ತದೆ. ಹೃದಯಾಘಾತದ ನಂತರ ಚೇತರಿಸಿಕೊಳ್ಳುವಾಗ ಬೆಕ್ಕು ವಿಶ್ರಾಂತಿ ಪಡೆಯಬೇಕಾಗುತ್ತದೆ.
ಹಾಗಾಗಿ ನಿಮ್ಮ ಮನೆಗಳಲ್ಲಿ ಬೆಕ್ಕು ಕುಸಿದು ಬಿದ್ದರೆ, ಸಾಕುಪ್ರಾಣಿ ಸಿಪಿಆರ್ನಲ್ಲಿ ನಿರ್ದಿಷ್ಟವಾಗಿ ತರಬೇತಿ ಪಡೆದುಕೊಳ್ಳದ ಹೊರತು ಸಿಪಿಆರ್ ಅನ್ನು ಎಂದಿಗೂ ನೀಡದಿರುವುದು ಒಳ್ಳೆಯದು ಏಕೆಂದರೆ ಇದು ಬೆಕ್ಕಿಗೆ ಹೆಚ್ಚುವರಿ ಗಾಯವನ್ನು ಉಂಟುಮಾಡಬಹುದು. ಹಾಗಾಗಿ ಯಾವುದೇ ರೀತಿಯ ಅಸಹಜ ಲಕ್ಷಣಗಳು ಕಂಡು ಬಂದರೆ ಮೊದಲು ಪಶುವೈದ್ಯರಿಗೆ ವರದಿ ಮಾಡಿ, ಸರಿಯಾದ ಕಾರಣಗಳನ್ನು ತಿಳಿದುಕೊಳ್ಳಿ ಎನ್ನಲಾಗಿದೆ.
