ಇತ್ತೀಚಿನ ದಿನಗಳಲ್ಲಿ ಟೆಕ್ನಾಲಜಿ ಕಂಪನಿಗಳಲ್ಲಿ ಬಹಳಷ್ಟು ಬದಲಾವಣೆಗಳಾಗಿದೆ. ಅದ್ರಲ್ಲೂ ಇಂಟರ್ನೆಟ್ ಬಳಕೆ ಕೂಡ ಹೆಚ್ಚಾಗಿದೆ. ಟೆಕ್ನಾಲಜಿಯಲ್ಲಿ ದೊಡ್ಡ ಕಂಪನಿಯೆಂದರೆ ಅದು ಗೂಗಲ್. ಈ ಕಂಪನಿ ತಮ್ಮ ಬಳಕೆದಾರರಿಗಾಗಿ ಈ ಹಿಂದೆ ಅನೇಕ ಫೀಚರ್ಸ್ಗಳನ್ನು ಬಿಡುಗಡೆ ಮಾಡಿದೆ. ಇದರ ಜೊತೆಗೆ ಗೂಗಲ್ ಫೋಟೋಗಳು, ವಿಡಿಯೋಗಳು, ಅಪ್ಲಿಕೇಶನ್‌ಗಳು ಮತ್ತು ಇತರ ಪ್ರಮುಖ ಡೇಟಾವನ್ನು ಸಂಗ್ರಹಿಸಲು ಕ್ಲೌಡ್ ಸ್ಟೋರೇಜ್ನಂತಹ ಹಲವು ಸೇವೆಗಳನ್ನು ಲಭ್ಯ ಮಾಡಿದೆ. ಈ ಮೂಲಕ ಬಳಕೆದಾರರು ತಮ್ಮ ಗೂಗಲ್ ಅಕೌಂಟ್ ಸೈನ್‌ ಇನ್ ಆಗುವ ಮೂಲಕ ತಮ್ಮಲ್ಲಿರುವ ಡಾಕ್ಯುಮೆಂಟ್ಗಳನ್ನು ಆ್ಯಡ್ ಮಾಡಬಹುದು. ಹಾಗೆಯೇ ಗೂಗಲ್‌ಗೆ ಫೋನ್‌ನಲ್ಲಿರುವ ಕಾಂಟ್ಯಾಕ್ಟ್‌ಗಳನ್ನು ಸಹ ಬ್ಯಾಕ್‌ಅಪ್‌ ಮಾಡಬಹುದು.
ಫೋನ್ ಬದಲಾಯಿಸಿದ ಸಂದರ್ಭ ಕಾಂಟೆಕ್ಟ್ಗಳು ಡಿಲೀಟ್ ಆಗುವ ಸಾಧ್ಯತೆ ಹೆಚ್ಚು. ಅಥವಾ ಕಾಂಟೆಕ್ಟ್ ಅನ್ನು ವರ್ಗಾಯಿಸುವಾಗ, ಆಕಸ್ಮಿಕವಾಗಿ ಕೆಲವು ಕಾಂಟೆಕ್ಟ್ಗಳು ಅಳಿಸುತ್ತೇವೆ. ನಿಮಗುಕೂಡ ಹೀಗೆ ಸಂಭವಿಸಿದ್ದರೆ, ಭಯಪಡುವ ಅಗತ್ಯವಿಲ್ಲ. ನಾವು ನಿಮಗೆ ಕೆಲವು ಸುಲಭ ಸೆಟ್ಟಿಂಗ್‌ಗಳನ್ನು ಹೇಳುತ್ತೇವೆ ಅದರ ಮೂಲಕ ನೀವು ಡಿಲೀಟ್ ಆದ ಕಾಂಟೆಕ್ಟ್ಗಳನ್ನು ಕ್ಷಣಾರ್ಧದಲ್ಲಿ ಮರುಪಡೆಯಬಹುದು.
ಆಂಡ್ರಾಯ್ಡ್ ಸ್ಮಾರ್ಟ್ ಫೋನ್ ಬಳಕೆದಾರರ ಫೋನ್ ಕಾಂಟೆಕ್ಟ್ಗಳು ಅವರ ಜಿ ಮೇಲ್ ಖಾತೆಗೆ ಲಿಂಕ್ ಆಗಿರುತ್ತವೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ನಿಮ್ಮ ಫೋನ್ ಅನ್ನು ಬದಲಾಯಿಸುತ್ತಿದ್ದರೆ, ನೀವು ನಿಮ್ಮ ಜಿ ಮೇಲ್ ಖಾತೆಗೆ ಲಾಗ್ ಇನ್ ಆಗಬೇಕು. ಇದರ ನಂತರ ನಿಮ್ಮ ಹಳೆಯ ಫೋನ್‌ನ ಕಾಂಟೆಕ್ಟ್ಗಳು ಹೊಸ ಫೋನ್‌ಗೆ ಬರುತ್ತವೆ.
ಆದರೆ ಇದಕ್ಕೂ ಮುನ್ನ ನೀವು ಹಳೆಯ ಫೋನ್‌ನ ಸೆಟ್ಟಿಂಗ್‌ಗಳಿಗೆ ಹೋಗಬೇಕಾಗುತ್ತದೆ ಮತ್ತು ಅಕೌಂಟ್ ಬ್ಯಾಕಪ್ ಮತ್ತು ಸಿಂಕ್ ಆಯ್ಕೆಯನ್ನು ಆನ್ ಮಾಡಬೇಕಾಗುತ್ತದೆ. ಇದನ್ನು ಮಾಡುವುದರಿಂದ, ನಿಮ್ಮ ಫೋನ್‌ನ ಕಾಂಟೆಕ್ಟ್ಗಳು ಸ್ವಯಂಚಾಲಿತವಾಗಿ ನಿಮ್ಮ ಜಿ ಮೇಲ್ ಖಾತೆಯಲ್ಲಿ ಬ್ಯಾಕಪ್ ಆಗುತ್ತವೆ. ನೀವು ಹೊಸ ಫೋನ್‌ಗೆ ಲಾಗ್ ಇನ್ ಮಾಡಿದ ತಕ್ಷಣ, ಈ ಕಾಂಟೆಕ್ಟ್ಗಳು ಅದರಲ್ಲಿ ಕಾಣಿಸಿಕೊಳ್ಳುತ್ತವೆ.
ನಿಮ್ಮ ಫೋನ್‌ನಿಂದ ನೀವು ಆಕಸ್ಮಿಕವಾಗಿ ಕಾಂಟೆಕ್ಟ್ಗಳನ್ನು ಅಳಿಸಿದರೆ, ಅದು ಹೇಗೆ ರಿಕವರಿ ಮಾಡುತ್ತದೆ ಎಂದು ನಿಮಗೆ ಆಶ್ಚರ್ಯ ಆಗಬಹುದು. ಗೂಗಲ್ ಖಾತೆಯಿಂದ ಕಾಂಟೆಕ್ಟ್ಗಳನ್ನು ನೇರವಾಗಿ ಡಿಲೀಟ್ ಮಾಡಲು ಸಾಧ್ಯವಿಲ್ಲ. ಈ ಕಾಂಟೆಕ್ಟ್ಗಳು ಜಿ ಮೇಲ್ನ ರಿಸೈಕಲ್ ಬಿನ್‌ಗೆ ಹೋಗುತ್ತವೆ, ಅಲ್ಲಿಂದ ನೀವು ಅವುಗಳನ್ನು ಸುಲಭವಾಗಿ ಮರುಪಡೆಯಬಹುದು. ಇದಕ್ಕಾಗಿ ನೀವು ಕೆಳಗೆ ನೀಡಲಾದ ಹಂತಗಳನ್ನು ಅನುಸರಿಸಬೇಕು.
ಮೊದಲಿಗೆ ನೀವು ಪಿಸಿ ಅಥವಾ ಲ್ಯಾಪ್‌ಟಾಪ್‌ನಲ್ಲಿ ನಿಮ್ಮ ಜಿ ಮೇಲ್ ಖಾತೆಗೆ ಲಾಗ್ ಇನ್ ಆಗಬೇಕು.
ಇದರ ನಂತರ ನೀವು https://contacts.google.com/ ವೆಬ್‌ಸೈಟ್ ತೆರೆಯಬೇಕಾಗುತ್ತದೆ.
ನೀವು ವೆಬ್‌ಸೈಟ್ ಅನ್ನು ತೆರೆದ ತಕ್ಷಣ, ನಿಮಗೆ ಅನುಪಯುಕ್ತ ಆಯ್ಕೆಯನ್ನು ನೋಡಲಾಗುತ್ತದೆ.
ಅದರ ಮೇಲೆ ಕ್ಲಿಕ್ ಮಾಡಿದ ನಂತರ, ನಿಮ್ಮ ಇತ್ತೀಚೆಗೆ ಡಿಲೀಟ್ ಆದ ಕಾಂಟೆಕ್ಟ್ಗಳು ಗೋಚರಿಸುತ್ತವೆ.
ನೀವು ನಿಮಗೆ ಬೇಕದ ಕಾಂಟೆಕ್ಟ್ಗಳನ್ನು ಆಯ್ಕೆ ಮಾಡುವ ಮೂಲಕ ಅವುಗಳನ್ನು ಮರುಪಡೆಯಬಹುದು.
ಈ ರೀತಿಯಾಗಿ ನಿಮ್ಮ ಡಿಲೀಟ್ ಆದ ಕಾಂಟೆಕ್ಟ್ಗಳು ನಿಮ್ಮ ಮೊಬೈಲ್ ಫೋನ್‌ನಲ್ಲಿ ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತವೆ. ಈ ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ ನಿಮ್ಮ ಕಾಂಟೆಕ್ಟ್ಗಳನ್ನು ನೀವು ಸುಲಭವಾಗಿ ನಿರ್ವಹಿಸಬಹುದು
