ನಟರಾಕ್ಷಸ ಡಾಲಿ ಧನಂಜಯ್‌ ಪತ್ನಿ ಧನತ್ಯಾ ಜೊತೆ ಮೊದಲ ಬಾರಿಗೆ ಅರಸೀಕೆರೆ ಜೇನುಕಲ್ಲು ಸಿದ್ದೇಶ್ವರ ಸ್ವಾಮಿ ದರ್ಶನ ಪಡೆದಿದ್ದಾರೆ. ಇದೇ ವೇಳೆ ಅವರು ತಮ್ಮ ಡಾಲಿ ಪಿಕ್ಚರ್ಸ್‌ ನಡಿ ಮುಡಿ ಬಂದಿರುವ ವಿದ್ಯಾಪತಿ ಸಿನಿಮಾದ ಪೋಸ್ಟರ್‌ ಹಿಡಿದು ಪ್ರಚಾರ ಮಾಡಿದ್ದಾರೆ. ಅಂದಹಾಗೇ ಏಪ್ರಿಲ್‌ 10ಕ್ಕೆ ವಿದ್ಯಾಪತಿ ತೆರೆಗೆ ಬರ್ತಿದೆ.
ಡಾಲಿ ಸಿಂಪ್ಲಿಸಿಟಿ
ಡಾಲಿ ಧನಂಜಯ್‌, ಪತ್ನಿ ಧನ್ಯತಾ ಹಾಗೂ ಇಡೀ ಕುಟುಂಬ ಇಂದು ಜೇನುಕಲ್ಲು ಸಿದ್ದೇಶ್ವರ ಸ್ವಾಮಿ ದರ್ಶನ ಪಡೆದಿದ್ದಾರೆ. ಸಿಕ್ಕಾಪಟ್ಟೆ ಬಿಸಿಲು ಇರೋದ್ರಿಂದ ಡಾಲಿ ಅಲ್ಲಿಯೇ ನೆರಳಿದ್ದ ಕಲ್ಲಿನ ಮೇಲೆ ಮಲಗಿ ವಿಶ್ರಾಂತಿ ಪಡೆದಿದ್ದಾರೆ. ಡಾಲಿ ಸರಳತೆ ನೋಡಿ ಫ್ಯಾನ್ಸ್‌ ಸೋ ಕ್ಯೂಟ್‌ ಎನ್ನುತ್ತಿದ್ದಾರೆ. ಧನಂಜಯ್‌ ಭತ್ತಳಿಕೆಯಲ್ಲಿ ಸಾಕಷ್ಟು ಸಿನಿಮಾಗಳಿವೆ. ಅಣ್ಣ ಫ್ರಮ್‌ ಮೆಕ್ಸಿಕೋ, ಜಿಂಗೋ , ಉತ್ತರಕಾಂಡ ಚಿತ್ರಗಳಲ್ಲಿ ಡಾಲಿ ಬ್ಯುಸಿಯಾಗಿದ್ದಾರೆ.
ಏ.10ಕ್ಕೆ ವಿದ್ಯಾಪತಿ ತೆರೆಗೆ
ಡಾಲಿ ಪಿಕ್ಚರ್ಸ್‌ ಈಗಾಗಲೇ ಸಾಕಷ್ಟು ಸದಾಭಿರುಚಿ ಸಿನಿಮಾಗಳನ್ನು ಪ್ರೇಕ್ಷಕರಿಗೆ ನೀಡಿತ್ತಾ ಬಂದಿದೆ. ಈ ಹಿಂದೆ ಟಗರು ಪಲ್ಯ ಮೂಲಕ ಮೋಡಿ ಮಾಡಿದ್ದ ಧನು-ನಾಗಭೂಷಣ್ ವಿದ್ಯಾಪತಿಗಾಗಿ ಮತ್ತೆ ಕೈ ಜೋಡಿಸಿದ್ದಾರೆ. ವಿದ್ಯಾಪತಿ’ ಚಿತ್ರಕ್ಕೆ ಇಶಾಂ ಹಾಗೂ ಹಸೀಂ ಖಾನ್ ಅವರು ನಿರ್ದೇಶನ ಮಾಡಿದ್ದಾರೆ. ಕಥೆ ಬರೆದು, ಸಂಕಲನವನ್ನೂ ಅವರೇ ಮಾಡುತ್ತಿದ್ದಾರೆ. ಪ್ರೇಕ್ಷಕರಿಗೆ ಕಾಮಿಡಿ ಕಿಕ್ ಕೊಡ್ತಿದ್ದ ನಾಗಭೂಷಣ್ ವಿದ್ಯಾಪತಿಯಲ್ಲಿ ಆಕ್ಷನ್ ಸ್ಟಾರ್ ಆಗಿ ಬದಲಾಗಿದ್ದಾರೆ. ಅಂದರೆ ಕರಾಟೆ ಕಿಂಗ್ ಗೆಟಪ್ ನಲ್ಲಿ ನಾಗಭೂಷಣ್ ಕಾಣಿಸಿಕೊಂಡಿದ್ದಾರೆ. ಸೂಪರ್ ಸ್ಟಾರ್ ವಿದ್ಯಾ ಪಾತ್ರದಲ್ಲಿ ಮಲೈಕಾ ವಸುಪಾಲ್ ಮಿಂಚಿದ್ದು, . ರಂಗಾಯಣ ರಘು ಪಾತ್ರವೂ ಇಲ್ಲಿ ವಿಶೇಷವಾಗಿಯೇ ಇದೆ.
