ಬಾಲಿವುಡ್‌ ಮಿಸ್ಟರ್‌ ಫರ್ಪೆಕ್ಷನಿಸ್ಟ್‌ ಅಂತಾ ಕರೆಸಿಕೊಳ್ಳುವ ಆಮೀರ್ ಖಾನ್ ಮಾಜಿ ಪತ್ನಿ ಕಿರಣ್‌ ರಾವ್‌ ವಿರುದ್ಧ ಭಾರೀ ಟೀಕೆ ವ್ಯಕ್ತವಾಗುತ್ತಿದೆ. ಅದಕ್ಕೆ ಕಾರಣ ಆಸ್ಕರ್‌ ಅಂಗಳಕ್ಕೆ ಹೋಗಿದ್ದ ಲಾಪತಾ ಲೇಡೀಸ್ ಎಂಬ ಚಿತ್ರ. ಇದು ಕಿರಣ್‌ ರಾವ್‌ ನಿರ್ದೇಶನದ ಚಿತ್ರ. 2024ರಲ್ಲಿ ಪ್ರೇಕ್ಷಕರು ಹಾಗೂ ವಿಮರ್ಷಕರ ವಲಯದಿಂದಲೂ ಭಾರೀ ಮೆಚ್ಚುಗೆ ಪಡೆದಿದ್ದ ಸಿನಿಮಾ ಲಾಪತಾ ಲೇಡೀಸ್. ಆದ್ರೆ ಇದು ಕದ್ದ ಮಾಲು ಅನ್ನೋದು ಈಗ ಬಹಿರಂಗವಾಗಿದೆ.
ಮದುವೆ ಮಾಡಿಕೊಂಡು ಗಂಡನ ಮನೆಗೆ ಹೋಗುವಾಗ ಮಾರ್ಗಮಧ್ಯದಲ್ಲಿ ಇಬ್ಬರು ಹುಡುಗಿಯರು ಕಾಣೆಯಾಗುತ್ತಾರೆ. ಬೇರೊಬ್ಬ ಮಹಿಳೆಯನ್ನು ಕಥಾನಾಯಕ ತನ್ನ ಮನೆಗೆ ಕರೆದುಕೊಂಡು ಬಂದಿರುತ್ತಾನೆ. ಕಾರಣ, ಮಹಿಳೆಯರು ಅದರಲ್ಲಿ ಬುರ್ಖಾ ಧರಿಸಿರುತ್ತಾರೆ. ಮುಂದೆ ಪೊಲೀಸ್‌, ಕಂಪ್ಲೇಂಟ್.. ಎಲ್ಲವೂ ಮಾಮೂಲಿ. ಈ ಸಾಗುವ ರೋಚಕ ಕಥೆಯೇ ಲಾಪತಾ ಲೇಡೀಸ್.
‘ಲಾಪತಾ ಲೇಡೀಸ್’ ಸಿನಿಮಾದ ಕಥೆಯನ್ನು 2019ರಲ್ಲಿ ಈ ಕಿರುಚಿತ್ರ ಬಿಡುಗಡೆಯಾಗಿದ್ದ ಅರೇಬಿಕ್ ಭಾಷೆಯ ‘ಬುರ್ಕಾ ಸಿಟಿ’ ಕಿರುಚಿತ್ರದಿಂದ ಕದಿಯಲಾಗಿದೆ ಎಂಬ ಆರೋಪ ಕೇಳಿ ಬರುತ್ತಿದೆ. ಎರಡೂ ಸಿನಿಮಾದಲ್ಲೂ ಒಂದೇ ರೀತಿಯ ಸಂದೇಶವಿದೆ. . ಪುರುಷ ಪ್ರಧಾನ ವ್ಯವಸ್ಥೆ, ಮಹಿಳಾ ಸಬಲೀಕರಣ, ಮಹಿಳಾ ಶಿಕ್ಷಣದ ಪ್ರಾಮುಖ್ಯತೆ.. ಹೀಗೆ ಒಳ್ಳೊಳ್ಳೆ ಅಂಶಗಳೇ ಇದ್ದ ‘ಲಾಪತಾ ಲೇಡೀಸ್’ ಆಸ್ಕರ್‌ ಪ್ರಶಸ್ತಿಗೆ ನಾಮಿನೇಟ್‌ ಆಗಿತ್ತು. ಆದ್ರೀಗ ಇದು ಕದ್ದ ಮಾಲು ಎಂಬ ಆರೋಪ ಕೇಳಿ ಬರುತ್ತಿದ್ದು, ಇದಕ್ಕೆ ಆಮೀರ್ ಮಾಜಿ ಪತ್ನಿ ಕಿರಣ್‌ ರಾವ್‌ ಏನು ಸ್ಪಷ್ಟನೆ ಕೊಡಲಿದ್ದಾರೆ ಎಂಬ ನಿರೀಕ್ಷೆ ಹೆಚ್ಚಿದೆ. ಇನ್ನು, ಈ ಚಿತ್ರವನ್ನು ಆಮೀರ್ ಖಾನ್ ನಿರ್ಮಾಣ ಮಾಡಿದ್ದರು.
