ಹ್ಯಾಟ್ರಿಕ್ ಗೆಲುವು ಸಾಧಿಸಿದ್ದ ಗುಜರಾತ್ ಗೆ ಲಕ್ನೋ ಶಾಕ್ ಕೊಟ್ಟಿದ್ದು, GT ವಿರುದ್ಧ ಲಕ್ನೋ ಜಯ ಸಾಧಿಸಿದೆ. ಐಡೆನ್ ಮಾರ್ಕ್ರಾಮ್ ಮತ್ತು ನಿಕೋಲಸ್ ಪೂರನ್ ಅವರ ಅರ್ಧಶತಕಗಳ ಸಹಾಯದಿಂದ ಲಕ್ನೋ ಸೂಪರ್ ಜೈಂಟ್ಸ್ ತಂಡ ಗುಜರಾತ್ ಟೈಟನ್ಸ್ ತಂಡವನ್ನು ಆರು ವಿಕೆಟ್‌ಗಳಿಂದ ಸೋಲಿಸಿತು. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಲಕ್ನೋ ತಂಡ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿತು. ಹೀಗಾಗಿ ಮೊದಲು ಬ್ಯಾಟ್ ಮಾಡಿದ ಗುಜರಾತ್ ಪರ ಸಾಯಿ ಸುದರ್ಶನ್ ಮತ್ತು ಶುಭಮನ್ ಗಿಲ್ ಅರ್ಧಶತಕ ಸಿಡಿಸಿ ತಂಡವನ್ನು 20 ಓವರ್ಗಳಲ್ಲಿ 180 ರನ್ಗಳಿಗೆ ಕೊಂಡೊಯ್ದರು. ಇದಕ್ಕೆ ಉತ್ತರವಾಗಿ ಲಕ್ನೋ ತಂಡ 19.3 ಓವರ್ಗಳಲ್ಲಿ ನಾಲ್ಕು ವಿಕೆಟ್ ಕಳೆದುಕೊಂಡು 186 ರನ್ ಗಳಿಸುವ ಮೂಲಕ ಪಂದ್ಯವನ್ನು ಗೆದ್ದುಕೊಂಡಿತು.
ಗೋಲ್ಡ್ ಪ್ರಿಯರಿಗೆ ಶಾಕಿಂಗ್ ಮ್ಯಾಟರ್: ಚಿನ್ನದ ಬೆಲೆ ದಿಢೀರ್ ಏರಿಕೆ!
ಪಂದ್ಯದಲ್ಲಿ ಗುಜರಾತ್ ತಂಡ ಲಕ್ನೋ ತಂಡಕ್ಕೆ 181 ರನ್ಗಳ ಗುರಿಯನ್ನು ನೀಡಿತ್ತು. ಈ ಮೊತ್ತವನ್ನ ಲಖನೌ ಸೂಪರ್ ಜೈಂಟ್ಸ್ 19.3 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ತಲುಪಿತು. ನಿಕೋಲಸ್ ಪೂರನ್ ಹಾಗೂ ಐಡೆನ್ ಮಾರ್ಕ್ರಾಮ್ ಅರ್ಧಶತಕ ಸಿಡಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟರು.
ಟಾಸ್ ಗೆದ್ದ ಲಕ್ನೋ ಕ್ಯಾಪ್ಟನ್ ರಿಷಭ್ ಪಂತ್ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡರು. ಎದುರಾಳಿ ಗುಜರಾತ್ ತಂಡದವರನ್ನು ಬ್ಯಾಟಿಂಗ್ಗೆ ಆಹ್ವಾನ ಮಾಡಿದರು. ಅದರಂತೆ ಬ್ಯಾಟಿಂಗ್ಗೆ ಆಗಮಿಸಿದ ಗುಜರಾತ್ ಪರ ನಾಯಕ ಶುಭ್ಮನ್ ಗಿಲ್ ಹಾಗೂ ಸಾಯಿ ಸುದರ್ಶನ್ ಅತ್ಯದ್ಭುತ ಇನ್ನಿಂಗ್ಸ್ ಕಟ್ಟಿದರು.
ಇದರಿಂದ ತಂಡದ ಮೊತ್ತ 120 ಆಗಿದ್ದಾಗ ಗಿಲ್ ಹಾಫ್ ಸೆಂಚುರಿ ಸಿಡಿಸಿದ ಬಳಿಕ ಪೂರನ್ಗೆ ಕ್ಯಾಚ್ ಕೊಟ್ಟರು. ನಾಯಕನ ಬೆನ್ನಲ್ಲೇ ಸುದರ್ಶನ್ ಕೂಡ 60 ರನ್ ಗಳಿಸಿ ಆಡುವಾಗ ಆವೇಶ್ಖಾನ್ ಬೌಲಿಂಗ್ನಲ್ಲಿ ಔಟ್ ಆಗಿ ನಡೆದರು. ಜೋಶ್ ಬಟ್ಲರ್ 16, ಸುಂದರ್ 2 ಬೇಗನೇ ಕ್ರೀಸ್ ಖಾಲಿ ಮಾಡಿದರು. ಶೆರ್ಫೇನ್ ರುದರ್ಫೋರ್ಡ್ 22 ಹಾಗೂ ಶಾರುಖ್ ಖಾನ್ ಅವರ 11 ರನ್ಗಳಿಂದ ಗುಜರಾತ್ ತಂಡ 181 ರನ್ಗಳ ಗುರಿಯನ್ನ ಲಕ್ನೋಗೆ ನೀಡಿತ್ತು.
ತವರಲ್ಲಿ ಈ ಟಾರ್ಗೆಟ್ ಚೇಸ್ ಮಾಡಲು ಶುರು ಮಾಡಿದ ಲಕ್ನೋ ಆರಂಭದಲ್ಲೇ ಬಲಿಷ್ಠ ಬ್ಯಾಟಿಂಗ್ ಮಾಡಿತು. ತಂಡದ ಮೊತ್ತ 65 ಆಗಿದ್ದಾಗ ಕ್ಯಾಪ್ಟನ್ ಪಂತ್, ಸುಂದರ್ಗೆ ಕ್ಯಾಚ್ ಕೊಟ್ಟು ಹೊರ ನಡೆದರು. ಮಿಚೆಲ್ ಮಾರ್ಷ್ ಅನುಪಸ್ಥಿತಿಯಲ್ಲಿ ಪಂತ್ ಆರಂಭಿಕರಾಗಿ ಕಣಕ್ಕೆ ಇಳಿದು ಬ್ಯಾಟಿಂಗ್ನಲ್ಲಿ ಕೊಂಚ ಸುಧಾರಣೆ ಕಂಡರು. ಪಂತ್ ಬಳಿಕ ಕ್ರೀಸ್ಗೆ ನಿಕೋಲಸ್ ಪೂರನ್ ಆಗಮಿಸಿದರು.
ಆದರೆ ಪಂತ್ ಜೊತೆ ಓಪನರ್ ಆಗಿ ಬಂದಿದ್ದ ಮಾರ್ಕ್ರಾಮ್ ಅಬ್ಬರದ ಬ್ಯಾಟಿಂಗ್ ಮುಂದುವರೆಸಿದ್ದರು. ಹೀಗಾಗಿಯೇ 31 ಎಸೆತದಲ್ಲಿ ಮಾರ್ಕ್ರಾಮ್ 9 ಬೌಂಡರಿ, 1 ಸಿಕ್ಸರ್ನಿಂದ ಭರ್ಜರಿ ಅರ್ಧಶತಕ ಸಿಡಿಸಿ ಬ್ಯಾಟ್ ಮೇಲೆತ್ತಿದರು. 58 ರನ್ಗಳಿಸಿ ಆಡುವಾಗ ಗಿಲ್ಗೆ ಕ್ಯಾಚ್ ಕೊಟ್ಟು ನಡೆದರು. ಒಬ್ಬರು ಹೋದರು ಎನ್ನುವಷ್ಟರಲ್ಲಿ ಹೊಡಿಬಡಿ ಬ್ಯಾಟಿಂಗ್ ಅನ್ನು ಪೂರನ್ ಆಗಲೇ ಆರಂಭಿಸಿದ್ದರು
ಟೂರ್ನಿಯಲ್ಲಿ ಅಮೋಘ ಬ್ಯಾಟಿಂಗ್ ಮಾಡುತ್ತಿರುವ ನಿಕೋಲಸ್ ಪೂರನ್ ಕೇವಲ 24 ಎಸೆತಗಳಲ್ಲಿ 1 ಫೋರ್ 6 ಸಿಕ್ಸರ್ ಸಮೇತ ಅದ್ಭುತವಾದ ಅರ್ಧಶತಕ ಸಿಡಿಸಿದರು. ಈ ಟೂರ್ನಿಯಲ್ಲಿ ಇದು ಪೂರನ್ ಅವರ 4ನೇ ಅರ್ಧಶತಕವಾಗಿದೆ. 61 ರನ್ ಗಳಿಸಿರುವಾಗ ರಶೀದ್ ಖಾನ್ ಬೌಲಿಂಗ್ನಲ್ಲಿ ವಿಕೆಟ್ ಒಪ್ಪಿಸಿ ಬೇಸರದಲ್ಲೇ ಹೆಜ್ಜೆ ಹಾಕಿದರು. ಬಳಿಕ ಬ್ಯಾಟಿಂಗ್ಗೆ ಬಂದ ಆಯುಷ್ ಬದೋನಿ ತಂಡ ಗೆಲ್ಲುವವರೆಗೆ ತಾಳ್ಮೆಯ ಆಟ ಆಡಿದರು. ಆಯುಷ್ ಬದೋನಿ 20 ಎಸೆತಕ್ಕೆ 28 ರನ್ಗಳಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು. 19.3 ಓವರ್ನಲ್ಲಿ ಲಕ್ನೋ ತಂಡ 4 ವಿಕೆಟ್ಗೆ 186 ರನ್ ಗಳಿಸುವ ಮೂಲಕ ವಿಜಯ ಸಾಧಿಸಿತು.
