ಸಲ್ಲು, ಶಾರುಖ್, ಅಲ್ಲು ಅಲ್ಲ..ಈ ಹೀರೋಗಳಿಗಿಂತ ಅಧಿಕ ಸಂಭಾವನೆ ಪಡೆಯೋದು ಯಾರು ಗೊತ್ತಾ?

ಅಲ್ಲು ಅರ್ಜುನ್, ಸಲ್ಮಾನ್ ಖಾನ್ ಹಾಗೂ´ ಶಾರುಖ್ ಖಾನ್..ಈ ಮೂವರು ಭಾರತೀಯ ಚಿತ್ರರಂಗದ ಸೂಪರ್ ಸ್ಟಾರ್ಸ್. ಈ ಬಿಗೆಸ್ಟ್ ಸ್ಟಾರ್ಸ್ ತಮ್ಮ ಚಿತ್ರಗಳಿಗೆ ಕೋಟಿ ಕೋಟಿ ಸಂಭಾವನೆ ಪಡೆಯುತ್ತಾರೆ. ಆದ್ರೆ ಅವರೆಲ್ಲರೂ ಮೀರಿಸಿ ಅಧಿಕ ಮೊತ್ತವನ್ನು ಜೇಬಿಗಿಳಿಸಿಕೊಳ್ಳೋದು ಆ ಸ್ಟಾರ್ ಡೈರೆಕ್ಟರ್.ಭಾರತೀಯ ಚಿತ್ರರಂಗದಲ್ಲಿ ಸೋಲೇ ಕಾಣದ ನಿರ್ದೇಶಕ ಎನಿಸಿಕೊಂಡಿರುವ ರಾಜಮೌಳಿ ಸಂಭಾವನೆ ವಿಷಯವಾಗಿ ಈಗ ಸುದ್ದಿಯಲ್ಲಿದ್ದಾರೆ.

ಬಾಲಿವುಡ್ ಸೂಪರ್ ಸ್ಟಾರ್ಸ್ ಗಳನ್ನೇ ಸಂಭಾವನೆ ವಿಚಾರದಲ್ಲಿ ಜಕ್ಕಣ್ಣ ಬೀಟ್ ಮಾಡಿದ್ದಾರೆ. ಒಂದು ಸಿನಿಮಾಗೆ ಮೌಳಿ ಬರೋಬ್ಬರಿ 200 ಕೋಟಿ ಹಣವನ್ನು ಜೇಬಿಗಿಳಿಸಿಕೊಳ್ಳುತ್ತಾರಂತೆ. ಸಿನಿಮಾದ ಶೇರ್, ಸಿನಿಮಾದ ರೈಟ್ಸ್ ಹೀಗೆ ಎಲ್ಲದರಲ್ಲಿಯೂ ಹಣ ಪಡೆಯುತ್ತಾರಂತೆ.

ಶಾರುಖ್ ಖಾನ್, ಸಲ್ಮಾನ್ ಖಾನ್ ಒಂದು ಸಿನಿಮಾಗೆ 150ರಿಂದ 180 ಕೋಟಿ ಹಣ ಪಡೆಯುತ್ತಾರೆ. ಆದರೆ ರಾಜಮೌಳಿ 200 ಕೋಟಿ ಸಂಭಾವನೆ ಪಡೆಯುತ್ತಾರಂತೆ. ರಾಜಮೌಳಿ ಬಳಿಕ ಸಂದೀಪ್ ರೆಡ್ಡಿ ವಂಗಾ, ಪ್ರಶಾಂತ್ ನೀಲ್ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಿರ್ದೇಶಕರ ಪಟ್ಟಿಯಲ್ಲಿದ್ದಾರೆ.

ಸದ್ಯ‌ ಮಹೇಶ್ ಬಾಬು ಜೊತೆ ರಾಜಮೌಳಿ ಹೊಸ ಸಿನಿಮಾ ಕೈಗೆತ್ತಿಕೊಂಡಿದ್ದು, ಚಿತ್ರದ ಶೂಟಿಂಗ್ ಭರದಿಂದ ಸಾಗುತ್ತಿದೆ. 1000 ಕೋಟಿಯಲ್ಲಿ ನಿರ್ಮಾಣವಾಗುತ್ತಿರುವ ಈ ಪ್ರಾಜೆಕ್ಟ್ ನಲ್ಲಿ ಪ್ರಿಯಾಂಕಾ ಚೋಪ್ರಾ ಕೂಡ ನಟಿಸುತ್ತಿದ್ದಾರೆ.