ರಕ್ತದಲ್ಲಿ ಸಕ್ಕರೆ ಪ್ರಮಾಣ ಹೆಚ್ಚಾದಾಗ ಏನು ಮಾಡಬೇಕು, ಯಾವ ರೀತಿ ನಿಯಂತ್ರಣದಲ್ಲಿಟ್ಟುಕೊಳ್ಳಬೇಕೆಂದು ಸಾಕಷ್ಟು ಮಾಹಿತಿ ನಿಮಗೆ ಗೊತ್ತಿರಬಹುದು. ಅದೇ ರೀತಿ ರಕ್ತದಲ್ಲಿ ಸಕ್ಕರೆ ಪ್ರಮಾಣ ಕಡಿಮೆಯಾದಾಗ ಏನು ಆಗುತ್ತದೆ ಎಂದು ನಿಮಗೆ ಗೊತ್ತೆ..? ಇಲ್ಲಿದೆ ನೋಡಿ.
ರಕ್ತದಲ್ಲಿ ಸಕ್ಕರೆ ಪ್ರಮಾಣ ಕಡಿಮೆಯಾದರೂ ಅನೇಕ ರೀತಿಯ ತೊಂದರೆಗಳು ಕಾಣಿಸಿಕೊಳ್ಳಲಿವೆ. ಕಡಿಮೆ ರಕ್ತದ ಸಕ್ಕರೆ ಮಟ್ಟಗಳನ್ನು ವೈದ್ಯಕೀಯ ಪದದಲ್ಲಿ ಹೈಪೊಗ್ಲಿಸಿಮಿಯಾ ಎಂದು ಕರೆಯಲಾಗುತ್ತದೆ.
ಸಕ್ಕರೆ ಕಾಯಿಲೆ ಇರುವವರು ಮತ್ತು ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಔಷಧಗಳನ್ನು ತೆಗೆದುಕೊಳ್ಳುವವರಿಗೆ ರಕ್ತದಲ್ಲಿ ನವೆಯ ಸಮಸ್ಯೆ ಹೆಚ್ಚು. ಹೈಪೋಗ್ಲಿಸಿಮಿಯಾ ಎಂಬುದು ಒಂದು ಕಾಯಿಲೆಯಲ್ಲ, ಆದರೆ ಇದು ಹಲವಾರು ಆರೋಗ್ಯ ಸಮಸ್ಯೆಗಳನ್ನು ಸೂಚಿಸುತ್ತದೆ.
ಹೈಪೊಗ್ಲಿಸಿಮಿಯಾ ಎಂದರೇನು? : ಮೆದುಳು ಸೇರಿದಂತೆ ದೇಹದ ಎಲ್ಲಾ ಜೀವಕೋಶಗಳು ಕಾರ್ಯನಿರ್ವಹಿಸಲು ಶಕ್ತಿಯ ಅಗತ್ಯವಿದೆ. ಗ್ಲುಕೋಸ್ ಮಾತ್ರ ದೇಹಕ್ಕೆ ಶಕ್ತಿ ನೀಡುವ ಕೆಲಸ ಮಾಡುತ್ತದೆ. ಇನ್ಸುಲಿನ್ ಎಂಬುದು ಜೀವಕೋಶಗಳು ಗ್ಲೂಕೋಸ್ ಅನ್ನು ಹೀರಿಕೊಳ್ಳಲು ಸಹಾಯ ಮಾಡುವ ಒಂದು ಹಾರ್ಮೋನ್ ಆಗಿದೆ. ರಕ್ತಪ್ರವಾಹದಲ್ಲಿ ಗ್ಲುಕೋಸ್ ಪ್ರಮಾಣ ವು ಕಡಿಮೆಯಾದಾಗ, ಅದನ್ನು ಹೈಪೊಗ್ಲೈಸೀಮಿಯಾ ಎಂದು ಕರೆಯಲಾಗುತ್ತದೆ.
ರಕ್ತದಲ್ಲಿ ಗ್ಲೂಕೋಸ್ ಕಡಿಮೆಯಾದಾಗ ಏನಾಗುತ್ತದೆ – ಆಯಾಸದ ಅನುಭವ -ಕಾರಣವಿಲ್ಲದೆ, ಹೆಚ್ಚು ಕೆಲಸವಿಲ್ಲದೆ ಅತಿಯಾದ ಆಯಾಸ -ಚರ್ಮ ಹಳದಿ ಬಣ್ಣಕ್ಕೆ -ದೃಷ್ಟಿ ದೋಷ, ದೃಷ್ಟಿ ಮಂದವಾಗುವುದು. -ಹೃದಯ ಬಡಿತ ತೀವ್ರವಾಗುತ್ತದೆ -ಹಠಾತ್ ಮೂಡ್ ಬದಲಾವಣೆ -ತಲೆನೋವು ಅನುಭವ -ಹಠಾತ್ ಹಸಿವು – ತಲೆಸುತ್ತುವಿಕೆ – ತುಂಬಾ ಬೆವರುವಿಕೆ – ನಿದ್ರಾಹೀನತೆ
ರಕ್ತದಲ್ಲಿ ಸಕ್ಕರೆ ಅಂಶ ಕಡಿಮೆಯಾಗದಂತೆ ನೋಡಿಕೊಳ್ಳುವುದು ಹೇಗೆ?
-ವ್ಯಾಯಾಮ ಮಾಡುವ ಮುನ್ನ ಕಾರ್ಬೋಹೈಡ್ರೇಟ್ ಯುಕ್ತ ತಿಂಡಿಯನ್ನು ಸೇವಿಸಿ ಮತ್ತು ವ್ಯಾಯಾಮವು ರಕ್ತದ ಸಕ್ಕರೆಯ ಮಟ್ಟಗಳ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದರ ಬಗ್ಗೆ ತಜ್ಞರೊಂದಿಗೆ ಮಾತನಾಡಿ.
-ಕಡಿಮೆ ರಕ್ತದ ಸಕ್ಕರೆಯ ಅಪಾಯದಲ್ಲಿದ್ದರೆ, ಸಕ್ಕರೆ, ಹಣ್ಣಿನ ರಸಗಳು ಅಥವಾ ಕ್ಯಾಂಡಿ ಬಾರ್ ಗಳನ್ನು ಯಾವಾಗಲೂ ನಿಮ್ಮೊಂದಿಗೆ ಇರಿಸಿಕೊಳ್ಳಿ, ಇದರಿಂದ ರೋಗಲಕ್ಷಣಗಳು ಕಂಡುಬಂದರೆ ಸೇವಿಸಬಹುದು.
– ಸಂಕೀರ್ಣ ಕಾರ್ಬೋಹೈಡ್ರೇಟ್ಗಳನ್ನು ಒಳಗೊಂಡಿರುವ ನಿಯಮಿತವಾದ ಊಟವನ್ನು ಮಾಡಿ. ಹೀಗೆ ಮಾಡುವುದರಿಂದ ಹೈಪೊಗ್ಲೈಸಿಮಿಯಾ ಅಂದರೆ ಕಡಿಮೆ ರಕ್ತದ ಸಕ್ಕರೆಯ ಸಮಸ್ಯೆಯನ್ನು ತಪ್ಪಿಸಬಹುದು.
– ಮಧುಮೇಹ ಇರುವವರು ನಿಯಮಿತವಾಗಿ ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಪರೀಕ್ಷಿಸಿಕೊಳ್ಳಬೇಕು ಮತ್ತು ರಕ್ತದ ಸಕ್ಕರೆಯು ಅಧಿಕವಾಗದಂತೆ ತಡೆಯಲು ರೋಗಲಕ್ಷಣಗಳ ಮೇಲೆ ಕಣ್ಣಿಡಬೇಕು.
ಈ ಮೇಲಿನ ಲೇಖನವು ಟಿವಿ9ನ ಅಧಿಕೃತ ಮಾಹಿತಿಯಾಗಿರುವುದಿಲ್ಲ, ಸಾಮಾನ್ಯ ಮಾಹಿತಿಯನ್ನು ಒಳಗೊಂಡಿರುತ್ತದೆ.
