ಹಿಂದಿನ ಕಾಲದಲ್ಲೆಲ್ಲಾ ಮಡಕೆ ನೀರನ್ನು ಬಳಸುತ್ತಿದ್ದ ಬಗ್ಗೆ ನೀವು ಕೇಳಿರುವಿರಿ. ಈಗಿನ ಕಾಲದಲ್ಲೂ ಕೆಲವರು ಮಣ್ಣಿನ ಮಡಕೆಯ ನೀರನ್ನು ಕುಡಿಯಲು ಇಷ್ಟಪಡುತ್ತಾರೆ. ಮಣ್ಣಿನ ಮಡಕೆಯಲ್ಲಿಟ್ಟ ನೀರು ಬಹಳ ತಂಪಾಗಿರುತ್ತದೆ, ಜೊತೆಗೆ ಉತ್ತಮ ರುಚಿಯನ್ನೂ ಹೊಂದಿರುತ್ತದೆ. ಇನ್ನು ಬೇಸಿಗೆಯಲ್ಲಿ ಎಷ್ಟು ನೀರು ಕುಡಿದರೂ ಸಾಕಾಗುವುದಿಲ್ಲ. ಅಂತಹ ಸಂದರ್ಭದಲ್ಲಿ ಮಡಕೆಯ ನೀರು ನಿಮಗೆ ಉತ್ತಮ ಆಯ್ಕೆಯಾಗಿದೆ.
ಬೇಸಿಗೆಯ ಬಿರು ಬಿಸಿಲು ಜನರ ನೆತ್ತಿ ಸುಡುತ್ತದೆ, ಮನೆಯೊಳಗಿದ್ದರೂ ಧಗೆ ಬೇಗೆ ಹೆಚ್ಚಾಗುತ್ತದೆ. ಹೀಗಾಗಿ ಜನರು ಬಿಸಿಲಿನಿಂದ ತಪ್ಪಿಸಿಕೊಳ್ಳಲು ಹಲವು ಮಾರ್ಗಗಳನ್ನು ಹುಡುಕುತ್ತಿರುತ್ತಾರೆ. ಇಂತಹ ಸಮಯದಲ್ಲಿ ಜನರಿಗೆ ಮೊದಲು ನೆನಪಾಗುವುದು ಮೊದಲು ತಣ್ಣನೆಯ ಆಹಾರ ಪದಾರ್ಥ. ಅದರಲ್ಲೂ ಸುಡುವ ಬಿಸಿಲಿನಲ್ಲಿ ಕೋಲ್ಡ್ ಆಗಿರುವ ನೀರು ಕುಡಿದಾಗ ಗಂಟಲು ಮತ್ತು ದೇಹಕ್ಕೆ ಅದೆಷ್ಟೋ ತಂಪೆನಿಸುತ್ತದೆ.
ಇಂತಹ ವಾತಾವರಣದಲ್ಲಿ ಅನೇಕ ಮಂದಿ ಫ್ರಿಡ್ಜ್‌ನ ತಣ್ಣೀರನ್ನು ಕುಡಿಯಲು ಬಯಸುವುದಿಲ್ಲ. ಆದರೆ ವಾಸ್ತವವಾಗಿ ಇದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಹೀಗಾಗಿ ಅನೇಕ ಮಂದಿ ಮಡಿಕೆ ಖರೀದಿಸಿ ಅದರಲ್ಲಿ ನೀರು ತುಂಬಿಸಿ ಕುಡಿಯುತ್ತಾರೆ. ಆದರೆ ಎಷ್ಟೋ ಬಾರಿ ಹೊಸ ಮಡಿಕೆಯಲ್ಲಿನ ನೀರು ತಣ್ಣಗಿರುವುದಿಲ್ಲ. ಅಷ್ಟಕ್ಕೂ ಇದಕ್ಕೆ ಕಾರಣವೇನು ಎಂದು ತಿಳಿಯೋಣ ಬನ್ನಿ.
ಈ ಆವಿಯಾಗುವಿಕೆ ಪ್ರಕ್ರಿಯೆಯು ಪಾತ್ರೆಯಲ್ಲಿರುವ ನೀರನ್ನು ತಂಪಾಗಿರಿಸುತ್ತದೆ. ಆದರೆ ಹೊಸ ಮಡಿಕೆ ಸಂಪೂರ್ಣವಾಗಿ ಒಣಗಿರುವುದಿಲ್ಲ ಮತ್ತು ಅದರ ರಂಧ್ರಗಳು ಸರಿಯಾಗಿ ತೆರೆದುಕೊಳ್ಳದ ಕಾರಣ ನೀರು ತಕ್ಷಣ ತಣ್ಣಗಾಗುವುದಿಲ್ಲ.
ಮಣ್ಣಿನ ತೇವಾಂಶ ಮತ್ತು ನೀರಿನ ಸಮತೋಲನ: ಹೊಸ ಪಾತ್ರೆಯಲ್ಲಿರುವ ಮಣ್ಣಿನಲ್ಲಿ ಇನ್ನೂ ಸ್ವಲ್ಪ ತೇವಾಂಶ ಇರುತ್ತದೆ. ಆದ್ದರಿಂದ, ಇದು ನೀರನ್ನು ಬೇಗನೆ ಹೀರಿಕೊಳ್ಳುವುದಿಲ್ಲ ಮತ್ತು ಆವಿಯಾಗುವಿಕೆ ಪ್ರಕ್ರಿಯೆಯು ನಿಧಾನವಾಗಿ ಸಂಭವಿಸುತ್ತದೆ. ಹಳೆಯ ಅಥವಾ ಬಳಸಿದ ಮಡಿಕೆಯಲ್ಲಿ ಮಣ್ಣಿನ ಮಟ್ಟವು ಸಮತೋಲಿತವಾಗಿರುತ್ತದೆ. ಇದು ಉತ್ತಮವಾಗಿ ಕೆಲಸ ಮಾಡುತ್ತದೆ
ಮಡಿಕೆ ಸಿದ್ಧವಾಗಿಲ್ಲ: ಹೊಸ ಮಡಿಕೆಯನ್ನು ಕೆಲವು ದಿನಗಳವರೆಗೆ ನೀರಿನಲ್ಲಿ ನೆನೆಸಿದಾಗ ಅಥವಾ ಸಾಂದರ್ಭಿಕವಾಗಿ ಬಳಸಿದಾಗ, ಅದು ಉತ್ತಮವಾಗಿ ಸಿದ್ಧವಾಗುತ್ತದೆ. ಇದರರ್ಥ ಇದರ ಮಣ್ಣು ನೀರಿನೊಂದಿಗೆ ಸರಿಯಾದ ಸಮತೋಲನದಲ್ಲಿದೆ ಮತ್ತು ರಂಧ್ರಗಳಿಂದ ಆವಿಯಾಗುವಿಕೆ ಉತ್ತಮವಾಗಿರುತ್ತದೆ.
ಪರಿಹಾರವೇನು?: ಹೊಸ ಮಡಿಕೆಯಲ್ಲಿ ಕುಡಿಯುವ ನೀರನ್ನು ತಂದ ತಕ್ಷಣ ತುಂಬಬೇಡಿ. ಮೊದಲು 1-2 ದಿನಗಳವರೆಗೆ ಇದನ್ನು ನೀರಿನಿಂದ ತುಂಬಿಸಿ. ನಂತರ ನೀರನ್ನು ತ್ಯಜಿಸಿ. ಮಡಿಕೆಯನ್ನು ನೆರಳಿನಲ್ಲಿ ಒಣಗಿಸಿ, ನಂತರ ನೀರಿನಿಂದ ತುಂಬಿಸಿ.
ನೀವು ಹೀಗೆ 2-3 ಬಾರಿ ಮಾಡಿದರೆ, ಪಾತ್ರೆಯಲ್ಲಿರುವ ನೀರು ತಣ್ಣಗಾಗಲು ಪ್ರಾರಂಭವಾಗುತ್ತದೆ
