ಹೆಚ್ಚಿನ ವಿಷಯಗಳಂತೆ, ಧಾರ್ಮಿಕ ಗ್ರಂಥಗಳು ಉಗುರುಗಳನ್ನು ಕತ್ತರಿಸುವ ನಿಯಮಗಳನ್ನು ಉಲ್ಲೇಖಿಸುತ್ತವೆ. ಈ ನಿಯಮಗಳನ್ನು ಅನುಸರಿಸುವುದು ನಿಮಗೆ ಉತ್ತಮ ಫಲಿತಾಂಶಗಳನ್ನು ತರುತ್ತದೆ ಮತ್ತು ಆದ್ದರಿಂದ ನೀವು ಅವುಗಳನ್ನು ಅನುಸರಿಸುವುದು ಮುಖ್ಯವಾಗಿದೆ. ಸಂಜೆ ಹೊತ್ತು ಉಗುರು ತೆಗೆದುಕೊಳ್ಳಬಾರದು ಮುಂತಾದ ಮಾತುಗಳನ್ನು ನಾವು ಕೇಳುತ್ತಲೇ ಇರುತ್ತೇವೆ.
ಉಗುರುಗಳನ್ನು ನಿಯಮಿತವಾಗಿ ಸ್ವಚ್ಛಗೊಳಿಸುವುದು, ಕತ್ತರಿಸುವುದು ಬಹಳ ಮುಖ್ಯ. ಇನ್ನು ವಿಜ್ಞಾನದ ಪ್ರಕಾರ ಉಗುರುಗಳನ್ನು ಕತ್ತರಿಸದೆ ಹಾಗೇ ಬಿಡುವುದರಿಂದ ಅನೇಕ ರೀತಿ ರೋಗಗಳು ನಮ್ಮನ್ನು ಬಾಧಿಸುತ್ತದೆ ಎಂದು ಹೇಳಲಾಗುತ್ತದೆ. ಅದೇ ರೀತಿ ಉಗುರುಗಳನ್ನು ಕತ್ತರಿಸುವುದರ ಬಗ್ಗೆ ಸಾಕಷ್ಟು ಧಾರ್ಮಿಕ ನಂಬಿಕೆಗಳು, ಕಾರಣಗಳು ಇವೆ.
ವಿದ್ಯುತ್ ಅಥವಾ ಯಾವುದೇ ಮೂಲವಿಲ್ಲದ ಸಮಯದಲ್ಲಿ ಜನರು ಕತ್ತಲೆಯಲ್ಲಿ ತಮ್ಮ ಉಗುರುಗಳ ನಿಖರವಾದ ಉದ್ದವನ್ನು ಅರಿತುಕೊಳ್ಳುವುದು ಕಷ್ಟಕರವಾಗಿತ್ತು, ಇದರಿಂದಾಗಿ ಅವುಗಳನ್ನು ಕತ್ತರಿಸುವುದು, ಸಂಗ್ರಹಿಸುವುದು ಮತ್ತು ಹೊರಗೆ ಹಾಕುವುದು ತಿಳಿಯುತ್ತಿರಲಿಲ್ಲ. ಇದರ ಜೊತೆಗೆ ಕತ್ತರಿಸಿದ ಉಗುರು ತುಂಡುಗಳು ಅನೈರ್ಮಲ್ಯದಿಂದ ಕೂಡಿರುತ್ತವೆ. ಸಂಜೆ ನಾವು ಕಾಣಿಸಿದೆ ತುಂಡು ಉಗುರುಗಳನ್ನು ನಮ್ಮ ಬೆರಳುಗಳಲ್ಲೇ ಬಿಡುವುದರಿಂದ ನಾವು ಆಹಾರ ಸೇವಿಸುವಾಗ ಆ ತುಂಡು ಉಗುರುಗಳಲ್ಲಿದ್ದ ಕೊಳಕು ನಮ್ಮ ದೇಹವನ್ನು ಸೇರಬಹುದು ಎನ್ನುವ ಕಾರಣವಾಗಿದೆ.
ಈ 3 ರಾಶಿಯವರು ತಾಮ್ರದ ಉಂಗುರ ಧರಿಸುವುದರಿಂದ ಬದಲಾಗುತ್ತೆ ಅದೃಷ್ಟ: ಹಣದ ರಾಶಿಯೇ ಹರಿದು ಬರುತ್ತಂತೆ!
ಪ್ರಸ್ತುತ ನಾವು ಉಗುರು ಕತ್ತರಿಸಲು ಬಳಸುವಂತಹ ವಸ್ತುಗಳನ್ನು ಹಿಂದಿನ ದಿನಗಳಲ್ಲಿ ಜನರು ಬಳಸುತ್ತಿರಲಿಲ್ಲ. ಬದಲಾಗಿ, ಜನರು ತಮ್ಮ ಉಗುರುಗಳನ್ನು ಕತ್ತರಿಸಲು ಬ್ಲೇಡ್‌ಗಳನ್ನು ಬಳಸುತ್ತಿದ್ದರು. ಜನರು ಮುಸ್ಸಂಜೆ ವೇಳೆ ಉಗುರು ಕತ್ತರಿಸುವಾಗ ಕೈ ಅಥವಾ ಕಾಲು ಬೆರಳಿಗೆ ಬ್ಲೇಡ್‌ ತಗುಲಬಹುದು, ಇದರಿಂದ ಗಾಯವಾಗಬಹುದು ಎನ್ನುವ ಕಾರಣಕ್ಕಾಗಿ ಅವರು ಮುಸ್ಸಂಜೆ ವೇಳೆ ಉಗುರು ಕತ್ತರಿಸುವುದನ್ನು ನಿಷೇಧಿಸಿದ್ದರು.
ಇದರ ಹಿಂದೆ ಧಾರ್ಮಿಕ ಉದ್ದೇಶವೂ ಇದೆ. ಧಾರ್ಮಿಕ ಉದ್ದೇಶದ ಪ್ರಕಾರ, ಮುಸ್ಸಂಜೆಯಾಗುತ್ತಿದ್ದಂತೆ ಲಕ್ಷ್ಮಿ ದೇವಿಯು ಮನೆಯನ್ನು ಆಗಮಿಸುತ್ತಾಳೆ. ಮನೆಗೆ ಸಮೃದ್ಧಿ ಮತ್ತು ಸಂಪತ್ತನ್ನು ನೀಡಲು ಅವಳು ರಾತ್ರಿಯಲ್ಲಿ ಮನೆಯಲ್ಲಿಯೇ ಇರುತ್ತಾಳೆ ಎಂದು ಜನರು ನಂಬುತ್ತಾರೆ. ಆದ್ದರಿಂದ, ಈ ಸಮಯದಲ್ಲಿ ಕಸವನ್ನು ಮನೆಯಿಂದ ಹೊರಗೆ ಹಾಕುವುದು, ಹಣವನ್ನು ಹಸ್ತಾಂತರಿಸುವುದು, ಸಾಲವನ್ನು ಪಾವತಿಸುವುದು ಮತ್ತು ಉಗುರುಗಳು ಮತ್ತು ಕೂದಲನ್ನು ಕತ್ತರಿಸುವುದು ಮುಂತಾದ ಕಾರ್ಯಗಳನ್ನು ಮಾಡಬಾರದು, ಇದು ಲಕ್ಷ್ಮಿ ದೇವಿಯನ್ನು ಅಗೌರವಗೊಳಿಸುತ್ತದೆ ಎಂದು ನಂಬುತ್ತಿದ್ದರು.
ನಾವು ಉಗುರುಗಳನ್ನು ಕತ್ತರಿಸಿದ ನಂತರ, ಅದರ ತುಂಡುಗಳು ನೆಲದ ಮೇಲೆ ಬೀಳಬಹುದು ಮತ್ತು ಕತ್ತಲೆಯಲ್ಲಿ ನಾವು ಅದನ್ನು ಗಮನಿಸದೇ ಹೋಗಬಹುದು. ರಾತ್ರಿಯಲ್ಲಿ ಬೆಳಕಿನ ಮೂಲವಿಲ್ಲದ ಕಾರಣ, ರಾತ್ರಿಯಲ್ಲಿ ಚೂಪಾದ ತುಣುಕುಗಳು ಗಾಳಿಯ ಮೂಲಕ ನಮ್ಮ ಆಹಾರವನ್ನು ಸೇರಿಕೊಳ್ಳಬಹುದು. ಇದರ ಮೂಲಕ ಅವುಗಳು ನಮ್ಮ ಉದರವನ್ನು ಸೇರಿ ಆರೋಗ್ಯ ಸಮಸ್ಯೆಗಳನ್ನು ಸೃಷ್ಟಿಸಬಹುದು ಎಂಬುದು ಒಂದು ಕಾರಣವಾಗಿದೆ.
ಇನ್ನು ಕೆಲವೊಂದು ಸಿದ್ಧಾಂತದ ಪ್ರಕಾರ, ಇದು ನಮ್ಮಲ್ಲಿ ಶಿಸ್ತನ್ನು ಬೆಳೆಸುವ ಒಂದು ಮಾರ್ಗವೂ ಆಗಿರಬಹುದು. ಉದಾಹರಣೆಗೆ, ನಾವು ನಿರ್ದಿಷ್ಟ ಕೆಲಸವನ್ನು ಮಾಡಲು ಸಮಯ ಮತ್ತು ದಿನಾಂಕವನ್ನು ಹೊಂದಿಸಿದರೆ, ನಾವು ನಮ್ಮ ಜೀವನಕ್ಕೆ ದಿನಚರಿಯನ್ನು ರೂಪಿಸಬಹುದು. ಉಗುರುಗಳನ್ನು ಯಾವಾಗ ಕತ್ತರಿಸಬೇಕು ಎಂಬಂತಹ ಸಣ್ಣ ಕೆಲಸಗಳಿಗೆ ನಿರ್ದಿಷ್ಟ ಸಮಯವನ್ನು ಮೀಸಲಿಡುವುದು ದಿನಚರಿಯನ್ನು ಸರಿಯಾಗಿ ಹೊಂದಿಸಲು ಸಹಾಯ ಮಾಡುತ್ತದೆ.
