ದೇಹದ ಪ್ರಮುಖ ಭಾಗದಲ್ಲಿ ಒಂದಾಗಿರುವಂತಹ ಲಿವರ್ ನ ಆರೋಗ್ಯ ಕಾಪಾಡಿಕೊಳ್ಳುವುದು ಅತೀ ಅಗತ್ಯ. ಲಿವರ್ ಆರೋಗ್ಯವು ಸರಿಯಾಗಿ ಇಲ್ಲದೆ ಇದ್ದರೆ ಆಗ ಇದರಿಂದ ಸಮಸ್ಯೆಗಳು ಬರಬಹುದು. ಲಿವರ್ ಯಾವಾಗಲೂ ದೇಹವನ್ನು ನಿರ್ವಿಷಗೊಳೀಸಲು, ಚಯಾಪಚಯಗೊಳಿಸಲು ಮತ್ತು ಪೋಷಕಾಂಶಗಳನ್ನು ಸಂಗ್ರಹಿಸಲು ಅಗತ್ಯವಾಗಿ ಕೆಲಸ ಮಾಡುವುದು.
ಅನೇಕ ಜನರು ಲಿವರ್ ಬಗ್ಗೆ ಗಮನ ಹರಿಸುವುದಿಲ್ಲ. ಆರಂಭದಲ್ಲಿಯೇ ಲಿವರ್ ಸಮಸ್ಯೆಯನ್ನು ಗುರುತಿಸಿಕೊಂಡರೆ ಹೆಚ್ಚಿನ ಅಪಾಯ ಆಗುವುದನ್ನು ತಪ್ಪಿಸಬಹುದು. ಇದಕ್ಕಾಗಿ ಲಿವರ್ ಕಾಯಿಲೆಯ ಆರಂಭಿಕ ಚಿಹ್ನೆಗಳನ್ನು ನಾವು ಗುರುತಿಸಿಕೊಳ್ಳಬೇಕು. ಲಿವರ್ ಕಾಯಿಲೆಯ ಆರಂಭಿಕ ಸಂಕೇತಗಳು ಮುಖ, ಕುತ್ತಿಗೆ ಮತ್ತು ಗಂಟಲಿನಲ್ಲಿಯೂ ಕಾಣಿಸಿಕೊಳ್ಳುತ್ತದೆ.
ಹೆಚ್ಚಿನ ಜನರು ದೇಹದ ಸೂಕ್ಷ್ಮ ಸಂಕೇತಗಳನ್ನು ನಿರ್ಲಕ್ಷಿಸುತ್ತಾರೆ. ಕೇವಲ “ಒತ್ತಡ” ಅಥವಾ “ವಯಸ್ಸಿನ ಕಾರಣದಿಂದ ಹೀಗಾಗುತ್ತದೆ ಎಂದು ಭಾವಿಸಿ ಸುಮ್ಮನಾಗುತ್ತಾರೆ. ಆದರೆ ಈ ಆರಂಭಿಕ ಸಂಕೇತಗಳು ನಿಮ್ಮ ಯಕೃತ್ತು ನಿರ್ವಿಷಗೊಳಿಸಲು, ಹಾರ್ಮೋನುಗಳನ್ನು ನಿಯಂತ್ರಿಸಲು ಮತ್ತು ಚಯಾಪಚಯ ಸಮತೋಲನವನ್ನು ಕಾಪಾಡಿಕೊಳ್ಳಲು ಹೆಣಗಾಡುತ್ತಿದೆ ಎಂದು ಅರ್ಥೈಸಬಹುದು. ಲಿವರ್ ನ ಯಾವೆಲ್ಲಾ ಅಪಾಯಕಾರಿ ಲಕ್ಷಣಗಳನ್ನು ಹೆಚ್ಚಾಗಿ ಕಡೆಗಣಿಸಲಾಗುತ್ತದೆ ಎನ್ನುವ ಮಾಹಿತಿ ಇಲ್ಲಿದೆ.
1. ಹಸಿವಿನ ಕೊರತೆ ಅಥವಾ ಆಗಾಗ ವಾಕರಿಕೆ :
ನಿರಂತರವಾಗಿ ಊಟ ಮಾಡಲು ಸಾಧ್ಯವಾಗದೇ ಇದ್ದರೆ, ಯಾವುದೇ ಸ್ಪಷ್ಟ ಕಾರಣವಿಲ್ಲದೆ ವಾಕರಿಕೆ ಬಂದರೆ, ಅದು ಯಕೃತ್ತಿನ ಸಮಸ್ಯೆಯಾಗಿರಬಹುದು.
2. ಹೊಟ್ಟೆಯ ಕೊಬ್ಬು :
“ತೂಕ ಹೆಚ್ಚಾಗುವುದು, ವಿಶೇಷವಾಗಿ ಹೊಟ್ಟೆಯ ಸುತ್ತ ಕೊಬ್ಬು ಬೆಳೆಯುತ್ತಿದ್ದರೆ ನಿಮ್ಮ ಯಕೃತ್ತು ಕೊಬ್ಬನ್ನು ಸರಿಯಾಗಿ ಚಯಾಪಚಯಗೊಳಿಸುತ್ತಿಲ್ಲ ಎಂದರ್ಥ.
3. ಮುಖ, ಕುತ್ತಿಗೆ ಅಥವಾ ತೋಳುಗಳ ಮೇಲೆ ಕಪ್ಪು ಕಲೆಗಳು :
“ಈ ಪ್ರದೇಶಗಳಲ್ಲಿ ಕಾಣಿಸಿಕೊಳ್ಳುವ ಪಿಗ್ಮೆನ್ ಟೆಶನ್ ಲಿವರ್ ನೀಡುತ್ತಿರು ಎಚ್ಚರಿಕೆಯಾಗಿರಬಹುದು.ಇದು ಯಕೃತ್ತಿನ ಒತ್ತಡಕ್ಕೆ ಸಂಬಂಧಿಸಿದ ಇನ್ಸುಲಿನ್ ಪ್ರತಿರೋಧದ ಸಾಮಾನ್ಯ ಸಂಕೇತವಾಗಿದೆ.
4. ನಿಮ್ಮ ಹೊಟ್ಟೆಯ ಬಲಭಾಗದಲ್ಲಿ ಕಿರಿಕಿರಿ :
“ನಿಮ್ಮ ಹೊಟ್ಟೆಯ ಮೇಲಿನ ಬಲಭಾಗದಲ್ಲಿ, ಅಂದರೆ ವೈದ್ಯಕೀಯವಾಗಿ ರೈಟ್ ಹೈಪೋಕಾಂಡ್ರಿಯಾಕ್ ರೀಜನ್ ಎಂದು ಕರೆಯಲ್ಪಡುವ ಜಾಗದಲ್ಲಿ ಯಾವುದೇ ನೋವು ಅಥವಾ ಬಿಗಿತ ಕಂಡು ಬಂದರೆ ಅದು ಯಕೃತ್ತಿನ ಉರಿಯೂತವನ್ನು ಸೂಚಿಸುತ್ತದೆ.
5.ವಿಶ್ರಾಂತಿ ಪಡೆದರೂ ಹೋಗದ ಆಯಾಸ :
ಪೂರ್ಣ ರಾತ್ರಿಯ ನಿದ್ರೆ ಅಥವಾ ವಿಶ್ರಾಂತಿ ನಂತರವೂ ದಣಿವಾಗುತ್ತಿರುವುದು. ನಿಮ್ಮ ಎನರ್ಜಿ ಲೆವೆಲ್ ಕಡಿಮೆಯಿದ್ದರೆ, ಅದಕ್ಕೆ ನಿಮ್ಮ ಯಕೃತ್ತು ಮೂಲ ಕಾರಣವಾಗಿರಬಹುದು.
