ಅಹಮದಾಬಾದ್‌ ಏರ್ ಇಂಡಿಯಾ ವಿಮಾನ ಅಪಘಾತದಲ್ಲಿ ಮೃತಪಟ್ಟವರ ಒಂದೊಂದು ಕಥೆಯೋ ಮನ ಮಿಡಿಯುವಂತಿದೆ. ಒಬ್ರು ಅಪ್ಪನ ತಿಥಿ ಕಾರ್ಯ ಮಾಡಕ್ಕೆ ಬಂದವರು ಸಾವಿನ ಮನೆ ಸೇರಿದ್ರೆ, ಲಂಡನ್‌ನಲ್ಲಿ ಸುಂದರ ಬದುಕು ಕಟ್ಟಿಕೊಳ್ಳೋದಿಕ್ಕೆ ಫ್ಯಾಮಿಲಿ ಸಮೇತ ಹೊರಟಿದ್ದ ಕುಟುಂಬ ಕೂಡ ಘೋರ ಅಂತ್ಯಕಂಡಿದೆ.
ಲಂಡನ್ಗೆ ಹೊರಟಿದ್ದ ಬೋಯಿಂಗ್ ಡ್ರೀಮ್ಲೈನರ್ ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದ ಬೆಳಗಾವಿ ಕೆಎಲ್ಇ ಹಳೇ ವಿದ್ಯಾರ್ಥಿಯಾಗಿದ್ದ ಪ್ರತೀಕ್ ಜೋಶಿ ಇಡೀ ಕುಟುಂಬ ಜೀವಬಿಟ್ಟಿದ್ದಾರೆ.
ಪ್ರತೀಕ್ ಜೋಶಿ ಲಂಡನ್‌ನಲ್ಲಿ ವೈದ್ಯರಾಗಿ ಕೆಲಸ ಮಾಡುತ್ತಿದ್ದರು. ಅವರ ಪತ್ನಿ ಡಾ. ಕೋನಿ ವ್ಯಾಸ್ ರಾಜಸ್ಥಾನದ ಬನ್ಸ್ವಾರಾದ ಖಾಸಗಿ ಆಸ್ಪತ್ರೆಯಲ್ಲಿ ರೋಗಶಾಸ್ತ್ರಜ್ಞೆಯಾಗಿ ಕೆಲಸ ಮಾಡುತ್ತಿದ್ದರು.
ಕಳೆದ ತಿಂಗಳಷ್ಟೇ ಕೋನಿ ತಮ್ಮ ಕೆಲಸ ರಾಜೀನಾಮೆ ಕೊಟ್ಟು ಪತಿ ಜೊತೆ ಲಂಡನ್ ಗೆ ತೆರಳು ಉತ್ಸುಕರಾಗಿದ್ದರು. ಅದರಂತೆ ನಿನ್ನೆ ಅವರು ಮೂವರು ಮಕ್ಕಳಾದ ಐದು ವರ್ಷದ ಅವಳಿ ಗಂಡು ಮಕ್ಕಳಾದ ಪ್ರದ್ಯುತ್ ಮತ್ತು ನಕುಲ್ ಮತ್ತು ಎಂಟು ವರ್ಷದ ಮಗಳು ಮಿರಾಯಾ ಹಾಗೂ ಪತಿ ಪ್ರತೀಕ್ ಅವರೊಟ್ಟಿಗೆ ಕೋನಿ ವಿಮಾನ ಏರಿದ್ದಾರೆ. ವಿಮಾನ ಏರಿದ ತಕ್ಷಣ ಕುಟುಂಬವು ಸೆಲ್ಫಿ ಕ್ಲಿಕ್ಕಿಸಿಕೊಂಡಿದೆ. ವಿಮಾನದ ಒಂದು ಬದಿಯಲ್ಲಿ ಪೋಷಕರು ಮತ್ತು ಇನ್ನೊಂದು ಬದಿಯಲ್ಲಿ ಮಕ್ಕಳು ಕುಳಿತಿದ್ದರು. ವಿಮಾನ ಟೇಕಾಫ್‌ ಆದ ಕೆಲ ನಿಮಿಷಗಳ ನಂತರ, ದುರಂತವು ಸಂಭವಿಸಿದೆ.
