ಭಾರತೀಯ ಸಮಾಜದಲ್ಲಿ ಅನೇಕ ನಂಬಿಕೆಗಳು ಪ್ರಚಲಿತದಲ್ಲಿವೆ ಮತ್ತು ಈ ನಂಬಿಕೆಗಳು ಶಕುನ ಮತ್ತು ಅಪಶಕುನಕ್ಕೆ ಸಂಬಂಧಿಸಿವೆ. ನಾವು ಕೆಲವು ಕೆಲಸಕ್ಕಾಗಿ ಮನೆಯಿಂದ ಹೊರಗೆ ಹೋಗುವಾಗ ಯಾರಾದರೂ ಸೀನುವುದನ್ನು ಅಪಶಕುನವೆಂದು ಪರಿಗಣಿಸಲಾಗುತ್ತದೆ. ಯಾರಾದರೂ ನಾವು ಹೊರಡುವಾಗ ಸೀನಿದರೆ ಆ ಕೆಲಸ ಪೂರ್ಣಗೊಳ್ಳದು ಎಂದು ನಮ್ಮ ಹಿರರಿಯರು ಹೇಳಿದ ಮಾತು ನಿಮಗೆಲ್ಲಾ ನೆನಪಿರಬಹುದು. ಆದರೆ ಸೀನುವುದು ವೈದ್ಯಕೀಯ ವಿಜ್ಞಾನದಲ್ಲಿ ಸಾಮಾನ್ಯ ಅಭ್ಯಾಸವಾಗಿದೆ. ಶೀತ ಅಥವಾ ಇತರ ಕಾಯಿಲೆಯಿಂದ ವ್ಯಕ್ತಿಯು ಆಗಾಗ್ಗೆ ಸೀನುತ್ತಾನೆ. ಆದರೆ ಕೆಲವೊಮ್ಮೆ ಸೀನುವುದು ಕೆಟ್ಟದ್ದಲ್ಲ ಆದರೆ ಕೆಲವೊಮ್ಮೆ ಅದು ಶುಭವಾಗಿರುತ್ತದೆ. ಸೀನುವಿಕೆಗೆ ಸಂಬಂಧಿಸಿದ ಶಕುನ ಮತ್ತು ಬಗ್ಗೆ ನಾವಿಂದು ತಿಳಿದುಕೊಳ್ಳೋಣ..
ಹಿಂದೂ ಧರ್ಮದಲ್ಲಿ ಅನೇಕ ರೀತಿಯ ನಂಬಿಕೆಗಳಿದ್ದು, ಅವುಗಳನ್ನು ಶತಮಾನಗಳಿಂದಲೂ ನಂಬಿಕೊಂಡು ಬರಲಾಗುತ್ತಿದೆ. ಇಂದಿಗೂ ಜನರು ಇಂತಹ ನಂಬಿಕೆಗಳನ್ನು ಅನುಸರಿಸಿಕೊಂಡು ಬರುತ್ತಿದ್ದಾರೆ. ಅವುಗಳಲ್ಲಿ ಸೀನುವುದು ಕೂಡ ಒಂದು. ಪ್ರಾಚೀನ ಕಾಲದಿಂದಲೂ ಕೆಲವೊಂದು ಸಂದರ್ಭಗಳಲ್ಲಿ ಸೀನುವುದನ್ನು ಅಶುಭವೆಂದು ನಂಬಿಕೊಂಡು ಬರಲಾಗಿದೆ. ಯಾವುದೋ ಒಂದು ಪ್ರಮುಖ ಕೆಲಸಕ್ಕಾಗಿ ಹೊರಗೆ ಹೋಗುವಾಗ ಯಾರಾದರೂ ಸೀನಿದರೆ ಅದನ್ನು ಅಶುಭವೆಂದು ಪರಿಗಣಿಸಲಾಗುತ್ತದೆ. ಹಾಗೂ ಯಾವುದಾದರೂ ಹೊಸ ಕೆಲಸವನ್ನು ಪ್ರಾರಂಭಿಸುವ ಮೊದಲು ಯಾರಾದರೂ ಸೀನಿದರೂ ಅದನ್ನು ಅಶುಭವೆಂದು ಪರಿಗಣಿಸಲಾಗುತ್ತದೆ. ಆದರೆ, ಇನ್ನು ಕೆಲವೊಂದು ಸಂದರ್ಭಗಳಲ್ಲಿ ಸೀನುವುದು ಕೆಟ್ಟ ಶಕುನವಲ್ಲ. ಕೆಲವೊಂದು ಸಂದರ್ಭಗಳಲ್ಲಿ ಸೀನುವುದು ಮಂಗಳಕರವಾಗಿದೆ. ಸೀನಿಗೆ ಸಂಬಂಧಿಸಿದ ಶುಭ ಮತ್ತು ಅಶುಭ ಸೂಚನೆಗಳ ಕುರಿತು ನಾವಿಂದು ತಿಳಿದುಕೊಳ್ಳೋಣ.
ಶಕುನ ಶಾಸ್ತ್ರದ ಪ್ರಕಾರ, ನೀವು ಮನೆಯಿಂದ ಹೊರಗೆ ಹೋಗುವಾಗ ಸೀನಿದರೆ ಅದನ್ನು ಅಶುಭವೆಂದು ಪರಿಗಣಿಸಲಾಗುತ್ತದೆ. ಆದರೆ ನೀವು ಅದು ಒಂದಕ್ಕಿಂತ ಹೆಚ್ಚು ಬಾರಿ ಸೀನಿದರೆ ಮಾತ್ರ ಅದನ್ನು ಶುಭವೆಂದು ಪರಿಗಣಿಸಲಾಗುತ್ತದೆ. ಒಂದಕ್ಕಿಂತ ಹೆಚ್ಚು ಬಾರಿ ಸೀನುವುದು ಎಂದರೆ ನೀವು ಮಾಡಲು ಹೊರಟ ಕೆಲಸದಲ್ಲಿ ನೀವು ಸುಲಭವಾಗಿ ಯಶಸ್ಸನ್ನು ಪಡೆದುಕೊಳ್ಳುತ್ತೀರಿ ಎಂಬುದಾಗಿದೆ. ಮತ್ತೊಂದೆಡೆ, ನೀವು ಸಂಬಂಧಿಕರ ಮನೆ ಅಥವಾ ಕೆಲಸದ ಕಾರಣದಿಂದ ಹೊರಗೆ ಹೋಗುತ್ತಿದ್ದರೆ, ಆ ಸಮಯದಲ್ಲಿ ನೀವು ಎಡಭಾಗದಿಂದ ಯಾರೋ ಸೀನುವ ಶಬ್ದವನ್ನು ಕೇಳಿದರೆ, ನೀವು ಏನಾದರೂ ಸಮಸ್ಯೆಯನ್ನು ಎದುರಿಸುತ್ತೀರಿ ಎಂಬುದಾಗಿದೆ.
ಒಬ್ಬ ವ್ಯಕ್ತಿಯು ಸ್ಮಶಾನದಲ್ಲಿ ಅಥವಾ ಯಾವುದೇ ಅಪಘಾತ ಸ್ಥಳದಲ್ಲಿ ಸೀನಿದರೆ ಅದನ್ನು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಮತ್ತೊಂದೆಡೆ, ನೀವು ಯಾವುದಾದರೂ ಶುಭ ಕಾರ್ಯಕ್ಕಾಗಿ ಹೊರಗೆ ಹೋಗುವ ಸಮಯದಲ್ಲಿ ಹಸುವೊಂದು ಸೀನಿದರೆ, ನಿಮ್ಮ ಕೆಲಸ ಖಂಡಿತವಾಗಿಯೂ ಯಶಸ್ವಿಯಾಗಲಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಬೇಕು.
ನೀವು ಸ್ನಾನ ಮಾಡುವಾಗ ಸೀನಿದರೆ, ನಿಮ್ಮ ಇಡೀ ದಿನವು ತುಂಬಾ ಉತ್ತಮವಾಗಿರಲಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಿ. ಮತ್ತೊಂದೆಡೆ, ಹಣವನ್ನು ಎಣಿಸುವಾಗ ನೀವು ಒಂದಕ್ಕಿಂತ ಹೆಚ್ಚು ಬಾರಿ ಸೀನಿದರೆ, ಇದರಿಂದ ನೀವು ಹೆಚ್ಚಿನ ಹಣವನ್ನು ಗಳಿಸಲಿದ್ದೀರಿ ಎಂಬುದನ್ನು ಅರ್ಥಮಾಡಿಕೊಳ್ಳಬೇಕು.
ನೀವು ತಿನ್ನುವಾಗ ಅಥವಾ ಆಹಾರ ಸೇವಿಸುವಾಗ ಸೀನಿದರೆ ಅದನ್ನು ಅಶುಭವೆಂದು ಪರಿಗಣಿಸಲಾಗುತ್ತದೆ. ಒಂದು ವೇಳೆ ಈ ರೀತಿಯಾದರೆ, ಸ್ವಲ್ಪ ಸಮಯ ಊಟ ಮಾಡುವುದನ್ನು ನಿಲ್ಲಿಸಿ ನಂತರ ಆಹಾರವನ್ನು ಸೇವಿಸಿ. ಮತ್ತೊಂದೆಡೆ, ರೋಗಿಯು ಔಷಧಿಯನ್ನು ತೆಗೆದುಕೊಳ್ಳುವ ಸಮಯದಲ್ಲಿ ಆ ವ್ಯಕ್ತಿ ಸೀನಿದರೆ, ಅದನ್ನು ಮಂಗಳಕರ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಇದರಿಂದ ಆ ರೋಗಿಯು ಶೀಘ್ರದಲ್ಲೇ ಗುಣಮುಖನಾಗುತ್ತಾನೆ ಎಂಬರ್ಥವನ್ನು ನೀಡುತ್ತದೆ.
ನಾವು ಸೀನುವಾಗ ಶುಭ ಮತ್ತು ಅಶುಭ ಶಕುನಗಳ ಬಗ್ಗೆ ನಮ್ಮ ಹಿರಿಯರ ಬಾಯಿಂದ ಕೇಳಿರುತ್ತೇವೆ. ಆದರೆ, ಶಕುನ ಶಾಸ್ತ್ರದ ಪ್ರಕಾರ, ಎಲ್ಲಾ ರೀತಿಯ ಸೀನುಗಳು ಅಶುಭವಲ್ಲ, ಮತ್ತು ಶುಭವಲ್ಲ. ಅವುಗಳಲ್ಲಿ ಕೆಲವೊಂದು ಸೀನುಗಳನ್ನು ಮಾತ್ರ ನಾವು ಅಶುಭವೆಂದು ಪರಿಗಣಿಸಲಾಗುತ್ತದೆ.
