ಮೌತ್ ಅಲ್ಸರ್ ಎಂದರೆ ಬಾಯಿಯೊಳಗೆ ಬೆಳೆಯುವ ಸಣ್ಣ ಹುಣ್ಣುಗಳಾಗಿವೆ. ಬಾಯಲ್ಲಿ, ಒಸಡುಗಳ ತಳದಲ್ಲಿ ಬೆಳೆಯುವ ಸಣ್ಣ ಹುಣ್ಣುಗಳು ನೋವಿನಿಂದ ಕೂಡಿರುತ್ತವೆ. ಬಾಯಲ್ಲಿ ಹುಣ್ಣಾದಾಗ ಏನನ್ನಾದರೂ ತಿನ್ನುವುದಿರಲಿ ನೀರು ಕುಡಿಯುವುದು ಕೂಡ ನರಕಯಾತನೆ ಎಂದೆನಿಸಿಬಿಡುತ್ತದೆ.
ತಾಂತ್ರಿಕ ಸಮಸ್ಯೆ: ನವದೆಹಲಿಗೆ ಬರುತ್ತಿದ್ದ ಏರ್‌ಇಂಡಿಯಾ ಹಾಂಕಾಂಗ್‌ಗೆ ವಾಪಸ್‌!
ಸಾಮಾನ್ಯವಾಗಿ ಕೆಲವರಿಗೆ ಬಾಯಲ್ಲಿ ಆಗಾಗ್ಗೆ ಹುಣ್ಣು ಉಂಟಾಗುತ್ತದೆ. ಕೆಲವರು ದೇಹದ ಉಷ್ಣತೆ ಹೆಚ್ಚಾಗಿರಬಹುದು ಹಾಗಾಗಿ ಈ ರೀತಿ ಆಗುತ್ತದೆ ಎಂದು ಭಾವಿಸುತ್ತಾರೆ. ಇನ್ನೂ ಕೆಲವರು ಕೆಲವು ಜೀವಸತ್ವಗಳ ಕೊರತೆಯಿಂದ ಈ ಸಮಸ್ಯೆ ಉಂಟಾಗಿರಬಹುದು ಎಂದುಕೊಳ್ಳುತ್ತಾರೆ. ಆದರೆ, ಬಾಯಲ್ಲಿ ಹುಣ್ಣಾಗಲು ನಿಮ್ಮ ಜೀವನಶೈಲಿ ಮತ್ತು ಕೆಟ್ಟ ಆಹಾರ ಪದ್ದತಿಯೂ ಕಾರಣವಾಗಿರಬಹುದು
ಬಾಯಿ ಹುಣ್ಣು ತುಂಬಾ ನೋವನ್ನು ಉಂಟು ಮಾಡುವ ಸಮಸ್ಯೆ. ಇದು ಸಾಮಾನ್ಯವಾಗಿ ಅತಿಯಾದ ದೇಹ ಉಷ್ಣತೆಯಿಂದ ಮೂಡುವುದು ಎಂದು ಹೇಳಲಾಗುತ್ತದೆ. ಇದು ತುಟಿಯ ಕೆಳಭಾಗ, ಒಸಡು, ನಾಲಗೆ ಕೆಳಭಾಗ, ಮೇಲ್ಭಾಗ, ಗಂಟಲು, ಬಾಯಿಯ ಮೇಲ್ಭಾಗದಲ್ಲಿ ಮೂಡಬಹುದು. ಬಾಯಿ ಹುಣ್ಣು ಇದ್ದರೆ ಆಗ ಯಾವುದೇ ಆಹಾರ ತಿನ್ನಲು ತುಂಬಾ ಕಷ್ಟವಾಗುವುದು.
ಇದನ್ನು ಬಾಯಿಯ ಅಲ್ಸರ್ ಎಂದು ಕೂಡ ಕರೆಲಾಗುತ್ತದೆ. ಬಾಯಿಯ ವಿಚಾರವಾದ ಕಾರಣ ಯಾವುದೇ ಸಾಮಾನ್ಯ ಔಷಧಿಗಳನ್ನು ಬಳಸಿದರೆ ಅದು ಹೊಟ್ಟೆ ಸೇರಿ ಮತ್ತೊಂದು ಸಮಸ್ಯೆ ಹುಟ್ಟುಹಾಕಬಹುದು. ಇದರ ಬದಲಿಗೆ ಬಾಯಿಯ ಸಮಸ್ಯೆ ನಿವಾರಣೆ ಮಾಡಲು ಕೆಲವು ಮನೆಮದ್ದುಗಳನ್ನು ಬಳಸಿದರೆ ಅದು ತುಂಬಾ ಪರಿಣಾಕಾರಿ ಆಗಿರುವುದು. ಅಂತಹ ಕೆಲವು ಮನೆಮದ್ದುಗಳ ಬಗ್ಗೆ ತಿಳಿಯಿರಿ.
ಬಾಯಿಯ ಹುಣ್ಣಿ ಸಮಸ್ಯೆಗೆ ನಿಖರ ಕಾರಣವೇನೆಂದು ತಿಳಿಯದೇ ಇದ್ದರೂ ಕೆಲವು ಕಾರಣಗಳಿಂದ ಇದು ಬರುವ ಅಪಾಯಗಳು ಹೆಚ್ಚಾಗಿರುವುದು. ಬಾಯಿಯ ಗಾಯ, ಒತ್ತಡ ಮತ್ತು ಹಾರ್ಮೋನ್ ಬದಲಾವಣೆಯಿಂದ ಇದು ಬರಬಹುದು. ಕೆಲವು ಹುಣ್ಣಿನ ಸಮಸ್ಯೆಗಳು ಒಂದು ಅಥವಾ ಎರಡು ವಾರದಲ್ಲಿ ತನ್ನಿಂದ ತಾನೇ ಯಾವುದೇ ಔಷಧಿಯಿಲ್ಲದೆ ಮಾಯವಾಗುವುದು
ಹಳದಿ, ಬಿಳಿ ಮತ್ತು ಕೆಂಪು ಬಣ್ಣದ ನೋವಿನ ಹುಣ್ಣುಗಳು
ಮಸಾಲೆ, ಹುಳಿ ಮತ್ತು ಉಪ್ಪಿನಾಂಶವಿರುವ ಆಹಾರ ಸೇವನೆ ವೇಳೆ ಬಾಯಿಯಲ್ಲಿ ಕಿರಿಕಿರಿ.
ಹುಣ್ಣಿನ ಸುತ್ತಲಿನ ಚರ್ಮದಲ್ಲಿ ಊತ.
ಜಗಿಯುವಾಗ ಮತ್ತು ಬ್ರಶ್ ಮಾಡುವಾಗ ಸಮಸ್ಯೆ.
ಬಾಯಿಯ ಸುತ್ತಲು ಕೆಂಪಾಗುವುದು.
ಬಾಯಿಯಲ್ಲಿ ನೋವು ಮತ್ತು ಜಮ್ಮೆನ್ನುಸುವಿಕೆ.
ಹಸಿವು ಕಡಿಮೆ ಆಗುವುದು.
ತುಟಿ ಅಥವಾ ನಾಲಗೆಯಲ್ಲಿ ಮೂಡುವಂತಹ ಹುಣ್ಣನ್ನು ಸಾಮಾನ್ಯವಾಗಿ ಬಾಯಿಯ ಅಲ್ಸರ್ ಎಂದು ಕರೆಯಲಾಗುತ್ತದೆ. ಹೆಚ್ಚು ಆಮ್ಲೀಯವಾಗಿರುವ ಆಹಾರ ಸೇವನೆ ಮಾಡಿದರೆ ಆಗ ಇದರಿಂದ ಹುಣ್ಣು ಕಂಡುಬರಬಹುದು.
ಬಾಯಿಯಲ್ಲಿ ಹುಣ್ಣು ಕಾಣಿಸಿಕೊಂಡರೆ ಆಗ ಆಮ್ಲೀಯತೆ ಇರುವ ಆಹಾರ ಸೇವನೆ ಕಡಿಮೆ ಮಾಡಬೇಕು. ಅದರಲ್ಲೂ ಮುಖ್ಯವಾಗಿ ಆಮ್ಲೀಯ ಹಣ್ಣುಗಳನ್ನು ಕಡೆಗಣಿಸಬೇಕು. ಇದರಿಂದ ಹುಣ್ಣುಗಳು ಬೇಗನೆ ಒಣಗುವುದು ಮತ್ತು ಕಿರಿಕಿರಿ ಕಡಿಮೆ ಆಗುವುದು.
ಉಪ್ಪು ಹಾಕಿದ ನೀರು: ಉಪ್ಪು ಹಾಕಿದ ನೀರಿನಿಂದ ಬಾಯಿ ಮುಕ್ಕಳಿಸಿಕೊಂಡರೆ ಆಗ ಬಾಯಿಯ ಹುಣ್ಣಿನ ಸಮಸ್ಯೆಯು ಕಡಿಮೆ ಆಗುವುದು.
ಉಪ್ಪಿನಲ್ಲಿ ಇರುವ ಬ್ಯಾಕ್ಟೀರಿಯಾ ವಿರೋಧಿ ಗುಣವು ಬಾಯಿಯ ಯಾವುದೇ ಭಾಗದಲ್ಲಿ ಇರುವ ಸೂಕ್ಷ್ಮಾಣು ಜೀವಿಗಳನ್ನು ದೂರ ಮಾಡುವುದು. ಒಂದು ಕಪ್ ಬಿಸಿ ನೀರಿಗೆ ಒಂದು ಚಮಚ ಉಪ್ಪು ಹಾಕಿ ಸರಿಯಾಗಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ದಿನದಲ್ಲಿ ಎರಡು ಸಲ ಬಾಯಿ ಮುಕ್ಕಳಿಸಲು ಬಳಸಿದರೆ ತುಂಬಾ ಒಳ್ಳೆಯದು.
ಚಹಾದಲ್ಲಿ ಶಮನಕಾರಿ ಮತ್ತು ಸಂಕೋಚನ ಗುಣವಿದ್ದು, ಇದನ್ನು ನೇರವಾಗಿ ಹುಣ್ಣಿನ ಭಾಗಕ್ಕೆ ಇಡಬೇಕು. ಆಗ ಹುಣ್ಣಿನ ನೋವು ಕಡಿಮೆ ಆಗುವುದು.ಒಂದು ಕಪ್ಪು ಚಹಾದ ಟೀ ಬ್ಯಾಗ್ ಟೀ ಬ್ಯಾಗ್ ತೆಗೆದುಕೊಂಡು ಅದನ್ನು ಬಿಸಿ ನೀರಿನ ಒಂದು ಕಪ್ ಗೆ ಹಾಕಿ.ನೀರು ಮತ್ತು ಬ್ಯಾಗ್ ತಣ್ಣಗಾದ ಬಳಿಕ ಅದನ್ನು ಹುಣ್ಣು ಇರುವ ಭಾಗಕ್ಕೆ ಇಡಬೇಕು.
ಮೆಗ್ನೀಸಿಯಮ್ ಹಾಲಿನಿಂದ ಬಾಯಿ ಮುಕ್ಕಳಿಸಿಕೊಂಡರೆ ಆಗ ಒಸಡಿನಲ್ಲಿ ಇರುವ ಹುಣ್ಣುಗಳು ದೂರವಾಗುವುದು ಮತ್ತು ನೋವು ಕಡಿಮೆ ಆಗುವುದು. ಒಂದು ಚಮಚ ಮೆಗ್ನಿಶಿಯಾ ಹಾಲನ್ನು ಒಂದು ಕಪ್ ನೀರಿಗೆ ಹಾಕಿಕೊಂಡು ಮಿಶ್ರಣ ಮಾಡಿ ಮತ್ತು ಅದರಿಂದ ಬಾಯಿ ಮುಕ್ಕಳಿಸಿ.
ಬಾಯಿಯಲ್ಲಿರುವ ಹುಣ್ಣು ನಿವಾರಣೆ ಮಾಡಲು ಮತ್ತು ನೋವು ತಗ್ಗಿಸಲು ಲವಂಗವನ್ನು ಬಾಯಿಯಲ್ಲಿ ಇಟ್ಟುಕೊಂಡು ಜಗಿಯಬೇಕು. ಲವಂಗವು ಬ್ಯಾಕ್ಟೀರಿಯಾ ವಿರೋಧಿ ಮತ್ತು ನೋವು ನಿವಾರಕ ಗುಣ ಹೊಂದಿದೆ. ಇದು ಹುಣ್ಣಿನ ಶುಚಿತ್ವ ಕಾಪಾಡಿಕೊಂಡು ಬೇಗನೆ ಒಣಗಲು ಮತ್ತು ನೋವು ಕಡಿಮೆ ಮಾಡಲು ಸಹಕಾರಿ.
ಮೊಸರು ಸೇವನೆ ಮಾಡಿದರೆ ಆಗ ಕರುಳಿನ ಕ್ರಿಯೆಗಳು ಸರಾಗವಾಗಿ ಆಗುವುದು ಮತ್ತು ಕರುಳಿನ ಮೇಲ್ಪದರವು ಉತ್ತಮಗೊಳ್ಳುವುದು. ಇದು ದೇಹಲ್ಲಿ ಪ್ರತಿರೋಧಕ ಶಕ್ತಿ ವೃದ್ಧಿ ಮಾಡಿ ಬಾಯಿಯ ಹುಣ್ಣುಗಳು ಬೇಗನೆ ಗುಣವಾಗಲು ಸಹಕಾರಿ.
