ಯಾರಿಗೆ ತಾನೇ ನಾಲಿಗೆಗೆ ರುಚಿ ಅನ್ನಿಸುವ ಊಟ ಮಾಡಬಾರದು ಅಂತ ಅನ್ನಿಸುತ್ತದೆ ಹೇಳಿ? ಬಹುತೇಕರಿಗೆ ಬಾಯಿಗೆ ರುಚಿ ಅನ್ನಿಸುವ ಆಹಾರ ಪದಾರ್ಥಗಳನ್ನು ಅಥವಾ ಭಕ್ಷ್ಯಗಳನ್ನು ಹೊಟ್ಟೆ ತುಂಬಾ ತಿಂದು ಬಿಡಬೇಕು ಅಂತ ಅನ್ನಿಸುತ್ತದೆ ಮತ್ತು ಇದು ಜೀವನದ ಸರಳ ಆನಂದಗಳಲ್ಲಿ ಒಂದಾಗಿದೆ ಅಂತ ಹೇಳಿದರೆ ತಪ್ಪಾಗುವುದಿಲ್ಲ. ಆದರೆ ಭಾರಿ ಊಟ ಮಾಡಿದ ನಂತರ ಅನೇಕರ ಹೊಟ್ಟೆ ಉಬ್ಬುತ್ತದೆ, ಇದನ್ನು ಹೊಟ್ಟೆ ಉಬ್ಬರ ಅಂತ ಸಹ ಹೇಳುತ್ತಾರೆ. ರುಚಿಕರವಾದ ಮತ್ತು ಸ್ವಾದಿಷ್ಟಕರವಾದ ಊಟ ಮಾಡಿದ ನಂತರ ಹೊಟ್ಟೆ ಉಬ್ಬುವಿಕೆಯ ಅಹಿತಕರ ಪರಿಣಾಮವು ತ್ವರಿತವಾಗಿ ಆ ಊಟದ ಸಂತೋಷವನ್ನು ಕಡಿಮೆ ಮಾಡುತ್ತದೆ.
ಅಗಸೆಬೀಜ ಸೇವಿಸೋದ್ರಿಂದ ಎಷ್ಟೆಲ್ಲಾ ಬೆನಿಫಿಟ್ ಗೊತ್ತಾ!? ಶುಗರ್ , ಕೊಲೆಸ್ಟ್ರಾಲ್‌ ಕಡಿಮೆ ಆಗುತ್ತಂತೆ!
ಸಾಮಾನ್ಯವಾಗಿ ಭಾರೀ ಊಟದ ನಂತರ ಕಂಡುಬರುವ ಉಬ್ಬಿದ, ಉಬ್ಬಿದ ಹೊಟ್ಟೆ, ಎಂಡೊಮೆಟ್ರಿಯೊಸಿಸ್ ಇರುವವರಲ್ಲಿಯೂ ಕಾಣಿಸಿಕೊಳ್ಳಬಹುದು. ಇದು ಗರ್ಭಾಶಯದ ಒಳ ಪದರವನ್ನು ಹೋಲುವ ಅಂಗಾಂಶವು ಬೆಳೆಯುವ ಸ್ಥಿತಿಯಾಗಿದೆ. ಎಂಡೊಮೆಟ್ರಿಯೊಸಿಸ್ ಸಾಮಾನ್ಯವಾಗಿ ನೋವಿನಿಂದ ಕೂಡಿದ್ದು, ಸಾಮಾನ್ಯವಾಗಿ ತೀವ್ರವಾದ ಸೆಳೆತ, ಆಯಾಸ ಮತ್ತು ಬಂಜೆತನದ ಸಮಸ್ಯೆಗಳಿಂದ ಗುರುತಿಸಲ್ಪಡುತ್ತದೆ. ಕರುಳಿನ ಸಮಸ್ಯೆಗಳು ಒಮ್ಮೊಮ್ಮೆ ಕಾಣಿಸಿಕೊಳ್ಳುತ್ತವೆ.
ಹೊಟ್ಟೆ ಉಬ್ಬರ ಸಮಸ್ಯೆ ಎದುರಾದರೆ ನಾವು ಅದನ್ನು ಸಾಧಾರಣವಾಗಿ ನಿರ್ಲಕ್ಷ್ಯ ಮಾಡುತ್ತೇವೆ. ಏಕೆಂದರೆ ಇದು ಸ್ವಲ್ಪ ಹೊತ್ತು ಇದ್ದು ಆನಂತರ ಹೊರಟು ಹೋಗುತ್ತದೆ ಎನ್ನುವ ಧೈರ್ಯದ ಮೇಲೆ. ಆದರೆ ಹೊಟ್ಟೆ ಉಬ್ಬರವನ್ನು ಈ ರೀತಿ ನಿರ್ಲಕ್ಷ್ಯ ಮಾಡುವುದು ಸರಿಯಲ್ಲ ಎಂದು ಆರೋಗ್ಯ ತಜ್ಞರು ಹೇಳುತ್ತಾರೆ. ಏಕೆಂದರೆ ಇದು ಮುಂದಿನ ದಿನಗಳಲ್ಲಿ ಇರಿಟೇಬಲ್ ಬೋವೆಲ್ ಸಿಂಡ್ರೋಮ್ ಅಥವಾ ಕರುಳಿಗೆ ಸಂಬಂಧಪಟ್ಟಂತೆ ಸಮಸ್ಯೆಗಳನ್ನು ತಂದು ಕೊಡುತ್ತದೆ. ಒಂದು ವೇಳೆ ನಿಮಗೆ ಊಟದ ನಂತರ ಹೊಟ್ಟೆ ಉಬ್ಬರ ಎದುರಾಗಿದ್ದರೆ ಅಥವಾ ಮುಂಬರುವ ದಿನಗಳಲ್ಲಿ ಹೊಟ್ಟೆ ಉಬ್ಬರ ಉಂಟಾಗಬಾರದು ಎಂದಿದ್ದರೆ, ಅದಕ್ಕೆ ಸುಲಭವಾಗಿ ಹೊರಬರುವ ಪರಿಹಾರಗಳಿವೆ.
ಯಾವುದೇ ಆಹಾರವನ್ನು ನೀವು ಸೇವನೆ ಮಾಡುತ್ತಿದ್ದರೂ ಅದು ನಿಮ್ಮ ಹೊಟ್ಟೆ ಹಸಿವನ್ನು ನಿಯಂತ್ರಣ ಮಾಡುವಂತೆ ಇರಬೇಕು ಎಂಬುದನ್ನು ಮರೆಯಬೇಡಿ. ಯಾವಾಗ ಹೊಟ್ಟೆ ತುಂಬುತ್ತದೆ ಆ ಸಂದರ್ಭದಲ್ಲಿ ಆಹಾರ ತಿನ್ನುವುದನ್ನು ನಿಲ್ಲಿಸಿಬಿಡಿ.
ಜೊತೆಗೆ ಆಹಾರ ಸೇವಿಸುವಾಗ ಗಾಳಿಯನ್ನು ಒಳಗೆ ತೆಗೆದು ಕೊಳ್ಳುವುದು ಕೂಡ ನಿಮ್ಮ ಹೊಟ್ಟೆ ಉಬ್ಬರಕ್ಕೆ ಕಾರಣವಾಗ ಬಹುದು. ಬೇಗ ಬೇಗ ತಿನ್ನುವುದು ಕೂಡ ಈ ಸಮಸ್ಯೆಯನ್ನು ತಂದು ಕೊಡುತ್ತದೆ.
ಹೀಗಾಗಿ ಸಣ್ಣ ಪ್ರಮಾಣದಲ್ಲಿ ಆಹಾರ ಸೇವಿಸಿ ಮತ್ತು ಆಗಾಗ ಸೇವಿಸುವ ಅಭ್ಯಾಸ ಇಟ್ಟುಕೊಳ್ಳಿ. ಕೆಲವೊಂದು ಆಹಾರ ಪದಾರ್ಥಗಳು ನಿಮಗೆ ಹೊಟ್ಟೆ ಉಬ್ಬರ ತಂದುಕೊಡುತ್ತವೆ. ಅವುಗಳ ಬಗ್ಗೆ ಗಮನವಿರಲಿ. ಉದಾಹರಣೆಗೆ ಬೀನ್ಸ್, ಎಲೆ ಕೋಸು, ಹೂಕೋಸು, ಡೈರಿ ಪದಾರ್ಥಗಳು, ಕೃತಕ ಸಿಹಿ ಪದಾರ್ಥಗಳು ಇತ್ಯಾದಿ. ಹೊಟ್ಟೆ ಉಬ್ಬರ ಸಮಸ್ಯೆ ತಂದು ಕೊಡುವ ಇಂತಹ ಆಹಾರಗಳನ್ನು ಸ್ವಲ್ಪ ದೂರವೇ ಇಡಿ.
ನೀವು ಸೇವಿಸಿದ ಆಹಾರ ಚೆನ್ನಾಗಿ ಜೀರ್ಣವಾಗಬೇಕು ಎಂದರೆ ಜೀರ್ಣ ಪ್ರಕ್ರಿಯೆಗೆ ತಕ್ಕಂತೆ ನೀರು ಕುಡಿಯುವುದು ಕೂಡ ಬಹಳ ಮುಖ್ಯ. ಆದರೆ ಹೆಚ್ಚಿನ ಪ್ರಮಾಣದಲ್ಲಿ ನೀರು ಸೇವನೆ ಬೇಡ. ಇದು ನಿಮ್ಮ ಜೀರ್ಣಾಂಗ ವ್ಯವಸ್ಥೆಯನ್ನು ಹಾಳು ಮಾಡುತ್ತದೆ.
ಕಾರ್ಬೋನೇಟೆಡ್ ಪಾನೀಯ ಗಳನ್ನು ಅಂದರೆ ಸೋಡ ಇತ್ಯಾದಿಗಳನ್ನು ಸೇವಿಸಬೇಡಿ. ಇದು ಸಹ ನಿಮ್ಮ ಜೀರ್ಣಾಂಗ ವ್ಯವಸ್ಥೆಯಲ್ಲಿ ಗ್ಯಾಸ್ ಸೇರಿಸಿ ಹೊಟ್ಟೆ ಉಬ್ಬರ ಇನ್ನಷ್ಟು ಜಾಸ್ತಿಯಾಗುವಂತೆ ಮಾಡುತ್ತದೆ.
ಹೀಗಾಗಿ ಸಾಧ್ಯವಾದಷ್ಟು ನೀರು ಅಥವಾ ಗಿಡಮೂಲಿಕೆ ಚಹಾಗಳನ್ನು ಕುಡಿಯುವ ಅಭ್ಯಾಸ ಮಾಡಿಕೊಳ್ಳಿ. ಇದರ ಜೊತೆಗೆ ಶುಂಠಿ ಇರಲಿ. ಏಕೆಂದರೆ ಶುಂಠಿ ತನ್ನಲ್ಲಿ ಆಂಟಿ ಇಂಫ್ಲಾಮೇಟರಿ ಗುಣಲಕ್ಷಣಗಳನ್ನು ಒಳಗೊಂಡಿದ್ದು, ನಿಮ್ಮ ಹೊಟ್ಟೆ ಉಬ್ಬರ ಮತ್ತು ಅಜೀರ್ಣತೆ ಸಮಸ್ಯೆ ಯನ್ನು ದೂರ ಮಾಡುತ್ತದೆ. ಊಟಕ್ಕೆ ಮುಂಚೆ ಅಥವಾ ನಂತರದಲ್ಲಿ ಶುಂಠಿ ಚಹಾ ಕುಡಿಯುವುದು ನಿಮ್ಮ ಜೀರ್ಣಾಂಗ ವ್ಯವಸ್ಥೆಗೆ ಅನುಕೂಲಕಾರಿ.
ನೀವು ಸೇವಿಸುವ ಮೊಸರು, ಗ್ರೀಕ್ ಯುಗರ್ಟ್ ಇತ್ಯಾದಿಗಳು ಕರುಳಿನ ಭಾಗದ ಬ್ಯಾಕ್ಟೀರಿಯಗಳನ್ನು ಸಮತೋಲನ ಪಡಿಸುತ್ತದೆ. ಇದು ಜೀರ್ಣಾಂಗ ವ್ಯವಸ್ಥೆಗೆ ಸಾಕಷ್ಟು ಅನುಕೂಲಕಾರಿ ಮತ್ತು ಹೊಟ್ಟೆ ಉಬ್ಬರವನ್ನು ದೂರ ಮಾಡಬಲ್ಲ ಸಾಮರ್ಥ್ಯ ಹೊಂದಿದೆ.
ನಿಮ್ಮ ಜೀರ್ಣಾಂಗ ವ್ಯವಸ್ಥೆಯನ್ನು ಸರಿಪಡಿಸುವಲ್ಲಿ ಪೂರಕಗಳು ಅತ್ಯುತ್ತಮವಾಗಿ ಕೆಲಸ ಮಾಡುತ್ತವೆ ಎಂದು ಹೇಳಬಹುದು.
ಉದಾಹರಣೆಗೆ ಆಕ್ಟಿವೇಟೆಡ್ ಚಾರ್ಕೋಲ್ ಪೂರಕಗಳು ನಿಮ್ಮ ಹೊಟ್ಟೆಯಲ್ಲಿನ ಗ್ಯಾಸ್ ಅನ್ನು ಹೀರಿಕೊಳ್ಳುವಂತೆ ಮಾಡುತ್ತವೆ ಇದರಿಂದ ಹೊಟ್ಟೆ ಉಬ್ಬರ ಕಡಿಮೆಯಾಗುತ್ತದೆ. ಯಾವುದಕ್ಕೂ ನಿಮ್ಮ ಆರೋಗ್ಯ ತಜ್ಞರ ಬಳಿ ಒಮ್ಮೆ ಇದರ ಬಗ್ಗೆ ಮಾಹಿತಿ ಪಡೆದುಕೊಳ್ಳಿ.
ಯಾವ ಬಗೆಯ ಆಹಾರವನ್ನು ಸೇವನೆ ಮಾಡುತ್ತಿದ್ದೀರಿ ಮತ್ತು ಅದರಿಂದ ನಿಮಗೆ ಆಗುವ ಅನುಕೂಲಗಳು ಮತ್ತು ಅನಾನುಕೂಲಗಳ ಬಗ್ಗೆ ನಿಮ್ಮ ಗಮನ ಇರಲಿ. ಏಕೆಂದರೆ ಕೆಲವೊಂದು ಆಹಾರಗಳು ಕೇಳಲು ಆರೋಗ್ಯ ಕರ ಎನಿಸಿದರೂ ಕೂಡ ಹೊಟ್ಟೆ ಉಬ್ಬರ ಉಂಟು ಮಾಡುತ್ತವೆ. ಇಂತಹ ಆಹಾರಗಳಿಂದ ದೂರವಿದ್ದರೆ ಒಳ್ಳೆಯದು. ಕೇವಲ ಆರೋಗ್ಯಕರವಾದ ಮತ್ತು ಜೀರ್ಣಾಂಗ ವ್ಯವಸ್ಥೆಗೆ ಹಿತಕರವಾದ ಆಹಾರಗಳನ್ನು ಸೇವಿಸಿ.
