ಬೆಂಗಳೂರು:- ಬೆಂಗಳೂರಿನ ಪ್ರತಿಷ್ಟಿತ ಐಸ್ ಕ್ರೀಂ ಪಾರ್ಲರ್ ಒಂದರ ಬಳಿ ಕಿಡಿಗೇಡಿಗಳು ಗೂಂಡಾವರ್ತನೆ ತೋರಿದ್ದಾರೆ. ಶಾಪ್ ಕ್ಲೋಸಿಂಗ್ ಟೈಂನಲ್ಲಿ ಡೈನಿಂಗ್ ಬದಲಾಗಿ ಪಾರ್ಸೆಲ್ ಕೊಡ್ತೀವಿ ಅಂದಿದಕ್ಕೆ ಗಲಾಟೆ ನಡೆದಿರುವ ಘಟನೆ ಗೋವಿಂದರಾಜನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಭಾನುವಾರ ಮಧ್ಯಾಹ್ನ 1.30 ರ ವೇಳೆಯಲ್ಲಿ ಘಟನೆ ಜರುಗಿದೆ.
ವಿಜಯನಗರ ಎಂ ಸಿ ಲೇಔಟ್ ಬಳಿ ಇರುವ ಪ್ರತಿಷ್ಟಿತ ಐಸ್ ಕ್ರೀಂ ಪಾರ್ಲರ್ ನಲ್ಲಿ ನಿನ್ನೆ ಶಾಪ್ ಕ್ಲೋಸ್ ಗೆ ಸಿಬ್ಬಂದಿ ತಯಾರಿ ಮಾಡ್ತಿದ್ದರು. ಈ ವೇಳೆ ಅಲ್ಲೇ ಕೂತು ತಿನ್ನಲು ಕಿಡಿಗೇಡಿಗಳು ಶಾಪ್ ಸಿಬ್ಬಂದಿ ಬಳಿ ಕೇಳಿದ್ದಾರೆ. ಕ್ಲೋಸಿಂಗ್ ಸಮಯವಾಗಿದ್ದರಿಂದ ಪಾರ್ಸೆಲ್ ನೀಡೋದಾಗಿ ಸಿಬ್ಬಂದಿ ಹೇಳಿದ್ದಾರೆ. ಈ ವೇಳೆ ಶಾಪ್ ನ ಕಂಪ್ಯೂಟರ್ ಸಿಸ್ಟಮ್ ತಳ್ಳಿ ಕಿಡಿಗೇಡಿಗಳು ಅವಾಜ್ ಹಾಕಿದ್ದಾರೆ. ಅಲ್ಲದೇ ಕೆಲವೇ ಹೊತ್ತಲ್ಲಿ ಶಾಪ್ ಖಾಲಿ ಮಾಡಿಸಬೇಕಷ್ಟೇ ಎಂದು ಅವಾಜ್ ಹಾಕಿದ್ದಾರೆ. ಈ ವೇಳೆ ಬಿಲ್ ಕೌಂಟರ್ ನಲ್ಲಿದ್ದ ಸಿಬ್ಬಂದಿಗಳ ಮೇಲೆ ಹಲ್ಲೆಗೆ ಯತ್ನಿಸಿದ್ದಾರೆ.
ಘಟನೆಯ ದೃಶ್ಯಾವಳಿ ಶಾಪ್ ನ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಇನ್ನೂ ಘಟನೆ ಬಗ್ಗೆ ದೂರು ದಾಖಲಿಸಿಕೊಂಡಿರುವ ಪೊಲೀಸರು, ಮಾಹಿತಿ ಕಲೆ ಹಾಕ್ತಿದ್ದಾರೆ.
