ದಕ್ಷಿಣ ಭಾರತ ಚಿತ್ರರಂಗ ಕಂಡ ಅಪರೂಪ ನಟಿ ಅಭಿನಯ ಹೊಸ ಬಾಳಿಗೆ ಹೆಜ್ಜೆ ಹಾಕಿದ್ದಾರೆ. ತಮ್ಮ ಬಾಲ್ಯದ ಗೆಳೆಯ ಕಾರ್ತಿಕ್ ಜೊತೆ ಹಣೆಮಣೆ ಏರಿದ್ದಾರೆ. ಇಂದು ಹೈದ್ರಾಬಾದ್ ನಲ್ಲಿ ಈ ಜೋಡಿ ಹಸೆಮಣೆ ಏರಿದ್ದು, ಆತ್ಮೀಯರು, ಕುಟುಂಬಸ್ಥರು ಶುಭಾಶಯ ಕೋರಿದ್ದಾರೆ.
ಜೋರು ಮೆಹಂದಿ ಶಾಸ್ತ್ರ
ಅಭಿನಯ ಕಾರ್ತಿಕ್ ಮದುವೆ ಶಾಸ್ತ್ರಗಳು ಜೋರಾಗಿ ನಡೆದಿವೆ.
ನೇರಳೆ ಬಣ್ಣದ ಲೆಹಂಗ ಧರಿಸಿ ಅಭಿನಯ ಕಂಗೊಳಿಸಿದ್ದು, ಕಾರ್ತಿಕ್ ಜೊತೆ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಮೆಹಂದಿ ಶಾಸ್ತ್ರದಲ್ಲಿ ಈ ಜೋಡಿ ಭರ್ಜರಿಯಾಗಿ ಕುಣಿದು ಕುಪ್ಪಳಿಸಿದೆ.
ಅಭಿನಯ ಕನ್ನಡ, ತಮಿಳು, ತೆಲುಗು ಮತ್ತು ಮಲಯಾಳಂ ಭಾಷೆಗಳಲ್ಲಿ 58ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಹೆಸರೇ ಸೂಚಿಸುವಂತೆ ಅಭಿನಯ ಅದ್ಭುತ ನಟಿ. ಮಾತು ಬಾರದೆ ಇದ್ರು, ಕಿವಿ ಕೇಳದೇ ಇದ್ರು ಯಾವುದೇ ಪಾತ್ರ ಕೊಟ್ಟರು ಸೊಗಸಾಗಿ ಪಾತ್ರಕ್ಕೆ ಜೀವ ತುಂಬುತ್ತಾರೆ. ಕನ್ನಡದ ಸೂಪರ್ ಹಿಟ್ ಚಿತ್ರ ಹುಡುಗರು ಸಿನಿಮಾದಲ್ಲಿ ಪುನೀತ್ ತಂಗಿಯಾಗಿ ನಟಿಸಿದ್ದರು. ಅಭಿನಯ ನಟನೆಯ ಮಲಯಾಳಂ ಸಿನಿಮಾ ʻಪಾನಿʼ ಕಳೆದ ವರ್ಷ ತೆರೆ ಕಂಡಿತ್ತು. ಬಾಕ್ಸ್ ಆಫೀಸ್‌ನಲ್ಲೂ ಭರ್ಜರಿ ಕಮಾಯಿ ಮಾಡಿತ್ತು.
