ಮಳೆಗಾಲ ಶುರುವಾಗಿರುವ ಕಾರಣ ಹಾವುಗಳು ಕೂಡ ನಿಧಾನಕ್ಕೆ ಭೂಮಿಯಿಂದ ಹೊರ ಬರುವ ಸಾಧ್ಯತೆ ಕೂಡ ಹೆಚ್ಚಿರುತ್ತದೆ. ಸಾಮಾನ್ಯವಾಗಿ ಹಳ್ಳಿಗಳಲ್ಲಿ ಮಳೆ ಶುರುವಾಗುವ ಮೊದಲೇ ಹಾವುಗಳು ಮನೆಯ ಸುತ್ತ-ಮುತ್ತ ಓಡಾಡಲು ಶುರು ಮಾಡುತ್ತವೆ. ಇಂತಹ ಸಂದರ್ಭಗಳಲ್ಲಿ ಹಾವುಗಳು ನಿಮ್ಮ ಮನೆಯಂಗಳಕ್ಕೂ ಬರಬಹುದು ಹಾಗೂ ಮನೆಯ ಒಳಗೂ ಕೂಡ ಬರುವ ಸಾಧ್ಯತೆ ಹೆಚ್ಚಿರುತ್ತದೆ! ಹೀಗಾಗಿ ಮುನ್ನೆಚ್ಚರಿಕೆಯ ಕ್ರಮವಾಗಿ ಮಳೆಗಾಲದ ಸಂದರ್ಭದಲ್ಲಿ ಹಾವುಗಳು ಮನೆಯೊಳಗೆ ಬರದಂತೆ ತಡೆಯುವ ಸರಳ ವಿಧಾನಗಳು ಯಾವುದು ಎಂಬುದನ್ನು ನೋಡುತ್ತಾ ಹೋಗೋಣ…
ಹಾವುಗಳನ್ನು ಮನೆಯಿಂದ ದೂರವಿಡಲು ಕೆಲವು ಸಸ್ಯಗಳ ಎಲೆಯನ್ನು ಮನೆಯ ಬಾಗಿಲಿನ ಬಳಿ ಕಟ್ಟಬೇಕು. ಇವುಗಳ ವಾಸನೆ ಮನೆಯ ಸುತ್ತಲೂ ಹಾವುಗಳು ಅಲೆದಾಡುವುದನ್ನು ತಡೆಯುತ್ತವೆ
ತುಳಸಿ: ತುಳಸಿ ಎಲೆಗಳನ್ನು ಪೇಸ್ಟ್‌ ಮಾಡಿ ಮನೆಯ ಬಾಗಿಲು ಮತ್ತು ಗೋಡೆಗಳಿಗೆ ಹಚ್ಚಬೇಕು. ಹಾವುಗಳಿಗೆ ತುಳಸಿ ವಾಸನೆಯನ್ನು ಇಷ್ಟವಾಗುವುದಿಲ್ಲ. ಮನೆಯ ಬಾಗಿಲ ಬಳಿ ತುಳಸಿ ಎಲೆಯನ್ನು ಇಡಬೇಕು. ಹಾವು ಓಡಿಸಲು ಇದು ಸಹಾಯಕ.
ಸ್ನೇಕ್‌ ಪ್ಲಾಂಟ್‌: ಇದರ ಉದ್ದವಾದ, ಮೊನಚಾದ ಎಲೆಗಳನ್ನು ಮನೆಯ ಮೇನ್‌ ಡೋರ್‌ ಬಳಿ ಇಡುವುದರಿಂದ ಹಾವುಗಳು ದೂರ ಹೋಗುತ್ತವೆ. ಸ್ನೇಕ್‌ ಪ್ಲಾಂಟ್‌ ನೈಸರ್ಗಿಕ ಹಾವು ನಿರೋಧಕವಾಗಿದೆ. ಸ್ನೇಕ್‌ ಪ್ಲಾಂಟ್‌ ಎಲೆಯ ವಾಸನೆಯಿಂದಲೇ ಹಾವುಗಳು ದೂರ ಹೋಗುತ್ತವೆ.
ಪುದೀನ : ಹಾವುಗಳಿಗೆ ಪುದೀನ ಎಲೆಯ ವಾಸನೆ ಕಿರಿಕಿರಿ ಉಂಟು ಮಾಡುತ್ತದೆ. ಪುದೀನ ಪೇಸ್ಟ್‌ನ್ನು ಹೊಸ್ತಿಲಿಗೆ, ಕಿಟಕಿ ಬಾಗಿಲು, ಗೇಟ್‌ಗೆ ಸವರಿ. ಹಾವುಗಳು ಮನೆಯ ಒಳಗೆ ನುಸುಳದಂತೆ ತಡೆಯಲು ಇದು ಸಹಾಯ ಮಾಡುತ್ತದೆ.
ಈರುಳ್ಳಿ: ಇದು ನೈಸರ್ಗಿಕ ಹಾವು ನಿವಾರಕವಾಗಿದೆ. ಈರುಳ್ಳಿ ಸೊಪ್ಪನ್ನು ಜಜ್ಜಿ ಮನೆಯ ಮುಖ್ಯದ್ವಾರದ ಬಳಿ ಇಟ್ಟು ಬಿಡಿ. ಹಾವುಗಳನ್ನು ಓಡಿಸಲು ನಿಮ್ಮ ಮನೆಯ ಬಳಿ ಈರುಳ್ಳಿ ಗೆಡ್ಡೆಗಳನ್ನು ನೆಡಿ.
ಚೆಂಡು ಹೂವು: ಇದರ ಪರಿಮಳ ಹಾವುಗಳನ್ನು ದೂರ ಓಡಿಸುತ್ತದೆ. ಚೆಂಡು ಹೂವು ಮತ್ತು ಎಲೆ ಎರಡನ್ನು ಪೇಸ್ಟ್‌ ಮಾಡಿ ಬಾಗಿಲ ಬಳಿ ಇಟ್ಟರೆ ಹಾವುಗಳನ್ನು ದೂರವಿಡಬಹುದು. ಹಾವುಗಳನ್ನು ದೂರವಿಡಲು ಮನೆಯ ಪ್ರವೇಶ ದ್ವಾರಗಳ ಬಳಿ ಚೆಂಡುಹೂವಿನ ಎಲೆ ಇರಿ
