ಮುಖದ ಮೇಲೆ ನೆರಿಗೆಗಳು ಮೂಡುವುದು ವೃದ್ದಾಪ್ಯದ ಲಕ್ಷಣವಾಗಿರುವ ಕಾರಣ ಹೀಗೆ ಕಾಣಿಸಿಕೊಳ್ಳಲು ಯಾರಿಗೂ ಇಷ್ಟವಾಗುವುದಿಲ್ಲ. ಬಟ್ಟೆಗಳಿಗೇ ನೆರಿಗೆ ಮೂಡಿಸಲು ನಮಗೆ ಇಷ್ಠವಿಲ್ಲದಿರುವಾಗ ಮುಖದ ಮೇಲೆ ಇರುವುದು ಇಷ್ಟ ವಾಗುತ್ತದೆಯೇ? ಚರ್ಮದಲ್ಲಿ ಆರ್ದತೆ ಮತ್ತು ಸೆಳೆತ ಇಲ್ಲವಾದಾದ ನೆರಿಗೆ ಸಹಜವಾಗಿ ಮೂಡುತ್ತದೆ. ಇದಕ್ಕೆ ವಯಸ್ಸು, ವಾತಾವರಣ ಹಾಗೂ ಕೆಲವು ಅನುವಂಶಿಕ ಗುಣಗಳು ಕಾರಣವಾಗಿವೆ.
ಊಟದ ಬಳಿಕ ಪಾತ್ರೆಗಳನ್ನು ತೊಳೆಯದೇ ಹಾಗೆ ಬಿಡ್ತೀರಾ!? ನೀವು ನೋಡಲೇಬೇಕಾದ ಸ್ಟೋರಿ!
ಈ ಸ್ಥಿತಿಗೆ ಕಾರಣ ನಿರ್ಲಕ್ಷ್ಯ ಮತ್ತು ಸರಿಯಾದ ಆರೈಕೆಯ ಕೊರತೆ ಎನ್ನುತ್ತಾರೆ ಚರ್ಮ ತಜ್ಞರು. ಈಗ ನೀವು ಹೇಗಾದರೂ ಕೈಗಳಿಂದ ಸುಕ್ಕುಗಳನ್ನು ತೆಗೆದು ಹಾಕಲೇಬೇಕು ಎಂದು ಯೋಚಿಸುತ್ತಿದ್ದರೆ ನಾವು ನಿಮಗಿಲ್ಲಿ ಸುಲಭವಾದ ಐಡಿಯಾ ಕೊಡುತ್ತಿದ್ದೇವೆ ನೋಡಿ ಓದಿ.
ನಿಂಬೆ
- ನಿಂಬೆ ಹಣ್ಣಿನಲ್ಲಿ ವಿಟಮಿನ್ ಸಿ ಅಂಶ ಹೆಚ್ಚಾಗಿ ಕಂಡು ಬರುತ್ತದೆ. ನಿಮಗೆಲ್ಲ ಗೊತ್ತಿರುವ ಹಾಗೆ ವಿಟಮಿನ್ ಸಿ ಅಂಶ ಒಂದು ಅತ್ಯಂತ ಬಲವಾದ ಆಂಟಿ ಆಕ್ಸಿಡೆಂಟ್ ಅಂಶವಾಗಿದ್ದು, ತನ್ನ ಬ್ಲೀಚಿಂಗ್ ಗುಣಲಕ್ಷಣಗಳಿಂದ, ವಯಸ್ಸಾಗುತ್ತಿದ್ದಂತೆ ಮುಖದ ಮೇಲೆ ಕಂಡುಬರುವ ಕಲೆಗಳು ಮತ್ತು ಗೆರೆಗಳನ್ನು ಅತ್ಯಂತ ಸುಲಭವಾಗಿ ಹೋಗಲಾಡಿಸುತ್ತದೆ.
- ನಿಮ್ಮ ತ್ವಚೆಯ ಮೇಲೆ ಪ್ರತಿ ದಿನ ತಾಜಾ ನಿಂಬೆ ಹಣ್ಣಿನ ರಸ ಅನ್ವಯಿಸಿ ಸುಮಾರು ಹದಿನೈದು ನಿಮಿಷಗಳು ಹಾಗೆ ಬಿಟ್ಟು ನಂತರ ಸ್ವಚ್ಛವಾದ ನೀರಿನಿಂದ ಮುಖ ತೊಳೆದುಕೊಳ್ಳಿ.
ಸೌತೆಕಾಯಿ
- ಸೌತೆಕಾಯಿಯಲ್ಲಿ ನಿಮ್ಮ ಚರ್ಮದ ಮೃದುತ್ವವನ್ನು ಹೆಚ್ಚು ಮಾಡುವ ಗುಣವಿದೆ. ಸೌತೆಕಾಯಿಯಲ್ಲಿ ಹೆಚ್ಚಿನ ಪ್ರಮಾಣದ ನೀರಿನ ಅಂಶ ಇರುವುದರಿಂದ ಕಣ್ಣುಗಳ ಸುತ್ತಲಿನ ಕಪ್ಪು ಕಲೆಗಳನ್ನು ಹೋಗಲಾಡಿಸುವ ಜೊತೆಗೆ ಕಣ್ಣುಗಳು ಊದಿಕೊಂಡಿರುವ ಸಮಸ್ಯೆಯನ್ನು ತಪ್ಪಿಸುತ್ತದೆ.
- ನೀವು ಸೌತೆಕಾಯಿ ಜೊತೆಗೆ ಸ್ವಲ್ಪ ಮೊಸರನ್ನು ಹಾಕಿ ನಿಮ್ಮ ಮುಖದ ಚರ್ಮದ ಮೇಲ್ಭಾಗದಲ್ಲಿ ಅನ್ವಯಿಸಿದರೆ ಚರ್ಮದ ಸತ್ತ ಜೀವಕೋಶಗಳು ನಿವಾರಣೆಯಾಗುತ್ತವೆ. ಇದರಿಂದ ನಿಮ್ಮ ತ್ವಚೆ ಹೊಸದರಂತೆ ತಾಜಾ ಆಗಿ ಕಾಣುತ್ತದೆ.
ದಿನಕೊಂದು ಗ್ಲಾಸ್ ಗ್ರೀನ್ ಟೀ ಕುಡಿಯಿರಿ
- ಗ್ರೀನ್ ಟೀನಲ್ಲಿ ಕಂಡುಬರುವ anti-inflammatory ಗುಣಲಕ್ಷಣಗಳ ಜೊತೆಗೆ ಆಂಟಿಆಕ್ಸಿಡೆಂಟ್ ಅಂಶಗಳು ಚರ್ಮದ ಮೇಲಿನ ಸುಕ್ಕು ಗಳನ್ನು ನಿವಾರಣೆ ಮಾಡಿ ಸಣ್ಣ ಸಣ್ಣ ಗೆರೆಗಳಿಗೆ ಶಾಶ್ವತ ಪರಿಹಾರ ಒದಗಿಸುತ್ತದೆ.
- ಇದಕ್ಕಾಗಿ ನೀವು ಕೆಲವು ಗ್ರೀನ್ ಟೀ ಎಲೆಗಳನ್ನು ಸ್ವಲ್ಪ ಹೊತ್ತು ನೀರಿನಲ್ಲಿ ನೆನೆಹಾಕಿ ನಂತರ ಅದನ್ನು ರುಬ್ಬಿ ಪೇಸ್ಟ್ ತಯಾರು ಮಾಡಿಕೊಂಡು ಅದಕ್ಕೆ ಸ್ವಲ್ಪ ಜೇನುತುಪ್ಪವನ್ನು ಬೆರೆಸಿ ಫೇಸ್ ಮಾಸ್ಕ್ ರೆಡಿ ಮಾಡಿಕೊಳ್ಳಿ. ಮುಖದ ಮೇಲೆ ಇದನ್ನು ಸುಮಾರು 15 ನಿಮಿಷಗಳ ಕಾಲ ಅನ್ವಯಿಸಿ, ನಂತರ ತಂಪಾದ ನೀರಿನಲ್ಲಿ ಮುಖ ತೊಳೆದುಕೊಳ್ಳಿ.
ಸೀಬೆ ಮರದ ಎಲೆಗಳು
- ಇದಕ್ಕಾಗಿ ನೀವು ಒಣಗಿದ ಅಥವಾ ಹಸಿ ಸೀಬೆ ಮರದ ಎಲೆಗಳನ್ನು ತೆಗೆದುಕೊಳ್ಳಬಹುದು. ಅವುಗಳನ್ನು ಚೆನ್ನಾಗಿ ಜಜ್ಜಿ ಪುಡಿಮಾಡಿಕೊಂಡು ಅಥವಾ ಪೇಸ್ಟ್ ತಯಾರಿಸಿಕೊಂಡು ಕುದಿಯುವ ನೀರಿನಲ್ಲಿ ಹಾಕಿ ಚೆನ್ನಾಗಿ ಕುದಿಸಿ.
- ಸ್ವಲ್ಪ ಹೊತ್ತು ಕಳೆದ ಮೇಲೆ ನೀರಿನ ಬಣ್ಣ ಕಂದು ಬಣ್ಣಕ್ಕೆ ಬದಲಾಗುತ್ತದೆ. ಇದನ್ನು ಸ್ವಲ್ಪ ಹೊತ್ತು ತಣ್ಣಗಾಗಿಸಿ ಆನಂತರ ಮುಖದ ಮೇಲೆ ಹಚ್ಚಿ ಸುಮಾರು 15 ನಿಮಿಷಗಳು ಹಾಗೆ ಬಿಟ್ಟು ನಂತರ ಮುಖ ತೊಳೆದುಕೊಳ್ಳಬಹುದು. ವಾರದಲ್ಲಿ ಎರಡು ಬಾರಿ ಈ ರೀತಿ ಮಾಡುವುದರಿಂದ ಉತ್ತಮ ಫಲಿತಾಂಶವನ್ನು ನಿರೀಕ್ಷೆ ಮಾಡಬಹುದು.
ಪಪ್ಪಾಯ ಹಣ್ಣಿನ ಪೇಸ್ಟ್
- ಮೊದಲಿಗೆ ಪಪ್ಪಾಯ ಹಣ್ಣಿನ ಪೇಸ್ಟ್ ತಯಾರಿಸಿಕೊಳ್ಳಬೇಕು.
- ನಂತರ ಒಂದು ಟೀ ಚಮಚ ಪಪ್ಪಾಯ ಪೇಸ್ಟ್ ಗೆ ಅರ್ಥ ಟೀ ಚಮಚ ಅಕ್ಕಿ ಹಿಟ್ಟನ್ನು ಸೇರಿಸಿ, ಮಿಶ್ರಗೊಳಿಸಿ.
- ಮಿಶ್ರಣವನ್ನು ಮುಖಕ್ಕೆ ಹಚ್ಚಿ.
- ವೃತ್ತಾಕಾರದಲ್ಲಿ 5 ನಿಮಿಷಗಳ ಕಾಲ ಮುಖವನ್ನು ಮೃದುವಾಗಿ ಮಸಾಜ್ ಅಥವಾ ಸ್ಕ್ರಬ್ ಮಾಡಿ.
- ಸ್ವಲ್ಪ ಸಮಯ ಆರಲು ಬಿಡಿ.
- ನಂತರ ಉಗುರು ಬೆಚ್ಚಗಿನ ನೀರಿನಲ್ಲಿ ಸ್ವಚ್ಛಗೊಳಿಸಿ.
- ಉತ್ತಮ ಫಲಿತಾಂಶವನ್ನು ಪಡೆದುಕೊಳ್ಳಲು ವಾರದಲ್ಲಿ 1-2 ಬಾರಿ ಪ್ರಯತ್ನಿಸಬಹುದು.
ಜೇನುತುಪ್ಪ ಮತ್ತು ಹಾಲಿನ ಮಿಶ್ರಣದೊಂದಿಗೆ ಓಟ್ ಮೀಲ್
ಈ ಫೇಸ್ ಪ್ಯಾಕ್ ಅನ್ನು ತಯಾರು ಮಾಡಲು ಬೇಕಾಗಿರುವ ಸಾಮಗ್ರಿಗಳು: –
- ಎರಡು ಟೇಬಲ್ ಚಮಚದಷ್ಟು ಜೇನುತುಪ್ಪ
- ಒಂದು ಟೇಬಲ್ ಚಮಚದಷ್ಟು ಓಟ್ ಮೀಲ್ ಹಿಟ್ಟು
- ಒಂದು ಟೇಬಲ್ ಚಮಚದಷ್ಟು ಹಾಲು
ತಯಾರು ಮಾಡುವ ವಿಧಾನ
- ಮೊದಲಿಗೆ ಒಂದು ಬಟ್ಟಲಿಗೆ ಓಟ್ ಮೀಲ್ ಹಿಟ್ಟನ್ನು ಹಾಕಿಕೊಂಡು, ಅದಕ್ಕೆ ಜೇನು ತುಪ್ಪ ಸೇರಿಸಿ ಚೆನ್ನಾಗಿ ಕಲಸಿ. ಇದು ಗಟ್ಟಿಯಾದ ನಂತರ ಇದಕ್ಕೆ ಹಾಲನ್ನು ಸೇರಿಸಿ ಮೃದುವಾಗಿ ಒಂದು ಹದಕ್ಕೆ ಬರುವವರೆಗೆ ಮತ್ತೆ ಕಲಸಿ.
- ಹೀಗೆ ತಯಾರಾದ ಫೇಸ್ ಪ್ಯಾಕ್ ಅನ್ನು ನಿಮ್ಮ ಮುಖ ಮತ್ತು ಕುತ್ತಿಗೆಯ ಭಾಗಕ್ಕೆ ಚೆನ್ನಾಗಿ ಲೇಪನ ಮಾಡಿ ಸುಮಾರು 15 ರಿಂದ 20 ನಿಮಿಷಗಳ ವರೆಗೆ ಹಾಗೆ ಒಣಗಲು ಬಿಡಿ.
- ಸಾಮಾನ್ಯವಾಗಿ ಈ ಫೇಸ್ ಪ್ಯಾಕ್ ಒಣ ಚರ್ಮ ಹೊಂದಿರುವವರಿಗೆ ಮತ್ತು ಚರ್ಮದಲ್ಲಿ ಉರಿಯೂತದ ಸಮಸ್ಯೆ ಹೊಂದಿರುವವರಿಗೆ ಹಾಗೂ ಮುಖದಲ್ಲಿ ಸಣ್ಣ ಪ್ರಾಯದಲ್ಲಯೇ ಮೂಡುವ ಸುಕ್ಕು, ನೆರಿಗೆ ಸಮಸ್ಯೆಗೆ ಬಹಳ ಸೂಕ್ತ. ಏಕೆಂದರೆ ಈ ಮಿಶ್ರಣದಲ್ಲಿರುವ ಅಂಶಗಳು ಚರ್ಮದ ಉರಿಯೂತದ ಸಮಸ್ಯೆಯನ್ನು ನಿವಾರಣೆ ಮಾಡಿ ಚರ್ಮವನ್ನು ಮೃದುವಾಗಿಸುತ್ತದೆ.
