ರ್ಯಾಪರ್‌ ಚಂದನ್‌ ಶೆಟ್ಟಿ ಬದುಕಿನ ಮತ್ತೊಂದು ಚಾಪ್ಟರ್‌ ತೆರೆಯೋದಿಕ್ಕೆ ಹೊರಟ್ಟಿದ್ದಾರೆ. ನಿವೇದಿತಾ ಗೌಡರಿಂದ ವಿಚ್ಛೇದನ ಪಡೆದ ಬಳಿ ಸಿನಿಮಾ ಕೆಲಸಗಳಲ್ಲಿ ಅವರು ಬ್ಯುಸಿಯಾಗಿದ್ದಾರೆ. ಇದೀಗ ಚಂದನ್‌ ಶೆಟ್ಟಿ ಎರಡನೇ ಮದುವೆಗೆ ಸಜ್ಜಾಗುತ್ತಿದ್ದಾರೆ.
ನಿವೇದಿತಾ ಗೌಡರಿಂದ ದೂರವಾದ ಬಳಿಕ ಚಂದನ್‌ ಶೆಟ್ಟಿಗೆ ಮತ್ತೊಂದು ಮದುವೆಯಾಗುತ್ತಾರಾ? ಇಲ್ವೋ ಎಂಬ ಕುತೂಲವಿತ್ತು. ಅದಕ್ಕೀಗ ಸ್ವತಃ ಅವರೇ ಉತ್ತರ ಕೊಟ್ಟಿದ್ದಾರೆ. ಖಾಸಗಿ ಸಂದರ್ಶನದೊಂದರಲ್ಲಿ ಚಂದನ್‌ ಶೆಟ್ಟಿ, ಎಲ್ಲರಂತೆ ಅವರು ಕೂಡ ನಮಗೂ ವಯಸ್ಸಾಯ್ತು ಎಂಬ ಭಾವನಾತ್ಮಕವಾದ ಡೈಲಾಗ್‌ಗಳನ್ನು ಹೇಳುತ್ತಾರೆ. ನನಗೂ ಕೂಡ ಹೀಗೆ ಏಕಾಂಗಿಯಾಗಿ ಬದುಕಲು ಇಷ್ಟ ಇಲ್ಲ. ಸರಿಯಾದ ಹುಡುಗಿ ಸಿಕ್ಕರೆ ನಾನು ಮದುವೆಯಾಗಲು ಸಿದ್ದ ಎಂದಿದ್ದಾರೆ.
ಎಲ್ಲ ತಂದೆ ತಾಯಿಯರಿಗೆ ಇರುವಂತೆ ನನ್ನ ತಂದೆ ತಾಯಿಗೆ ಕೂಡ ನನ್ನ ವಿಚಾರದಲ್ಲಿ ಕಾಳಜಿ ಇದ್ದೇ ಇದೆ, ನಾನು ಮದುವೆಯಾಗಬೇಕು, ಜೀವನದಲ್ಲಿ ಮುಂದಕ್ಕೆ ಹೋಗಬೇಕೆನ್ನುವ ಆಸೆ ಇದೆ ಎಂದು ಚಂದನ್‌ ಶೆಟ್ಟಿ ಹೇಳಿದ್ದಾರೆ.
ಸಲಗ ಸಿನಿಮಾ ನಾಯಕಿ ಸಂಜನಾ ಆನಂದ್ ಜೊತೆ ಚಂದನ್‌ ಶೆಟ್ಟಿ ಮದುವೆಯಾಗಲಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಈ ಬಗ್ಗೆ ಸ್ವತಃ ಸಂಜನಾ ಆನಂದ್, ಚಂದನ್‌ ನನ್ನ ಸಹೋದರ ಇದ್ದಂತೆ ಎಂದು ವದಂತಿಗೆ ಸುಳ್ಳು ಸುದ್ದಿಗೆ ಗುನ್ನ ಹೊಡೆದಿದ್ದರು. ಚಂದನ್‌ ಶೆಟ್ಟಿ ನಟನೆಯ ಸೂತ್ರಧಾರಿ ಸಿನಿಮಾ ಬಿಡುಗಡೆಯಾಗಿದೆ. ಚಂದನ್‌ ಶೆಟ್ಟಿ ನಿವೇದಿತಾ ಗೌಡ ಒಟ್ಟಿಗೆ ನಟಿಸಿರುವ ಮುದ್ದು ರಾಕ್ಷಿಸಿ ಸಿನಿಮಾ ರಿಲೀಸ್‌ ಗೆ ಸಿದ್ದವಾಗಿದೆ.
