ಗ್ಲೋಬಲ್‌ ಸ್ಟಾರ್‌ ರಾಮ್ ಚರಣ್‌ ಐಪಿಎಲ್ ಫ್ರಾಂಚೈಸಿ ಡೆಲ್ಲಿ ಕ್ಯಾಪಿಟಲ್ಸ್‌ಗೆ ಧನ್ಯವಾದ ಅರ್ಪಿಸಿದ್ದಾರೆ. ಅರೇ ತಮ್ಮದೇ ತವರುತಂಡ ಸನ್‌ ರೈಸರ್ಸ್‌ ಹೈದ್ರಾಬಾದ್‌ ಬಿಟ್ಟು ಡೆಲ್ಲಿ ತಂಡಕ್ಕೆ ಚೆರ್ರಿ ಧನ್ಯವಾದ ತಿಳಿಸಿದಕ್ಕೆ ಕಾರಣವೂ ಇದೆ. ಇಂದು ಸನ್‌ ರೈಸರ್ಸ್‌ ಹೈದ್ರಾಬಾದ್‌ ಹಾಗೂ ಡಿಲ್ಲಿ ಕ್ಯಾಪಿಟಲ್ಸ್‌ ನಡುವೆ ಪಂದ್ಯ ನಡೆಯಲಿದೆ. ಈ ಪಂದ್ಯಕ್ಕಾಗಿ ಡೆಲ್ಲಿ ತಂಡ ರಾಮ್ ಚರಣ್‌ ನಟಿಸುತ್ತಿರುವ ಪೆದ್ದಿ ಸಿನಿಮಾ ಫಸ್ಟ್ ಶಾರ್ಟ್‌ ವಿಡಿಯೋವನ್ನು ಮರುಸೃಷ್ಟಿ ಮಾಡಿದ್ದಾರೆ.
ಇಂದು ಸನ್‌ ರೈಸರ್ಸ್‌ ಹೈದ್ರಾಬಾದ್‌ ಹಾಗೂ ಡಿಲ್ಲಿ ಕ್ಯಾಪಿಟಲ್ಸ್‌ ಪಂದ್ಯಾವಳಿ ನಡೆಯಲಿದೆ. ಹೈದ್ರಾಬಾದ್‌ ನಲ್ಲಿರುವ ರಾಜೀವ್ ಗಾಂಧಿ ಅಂತರರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಸಂಜೆ 7 ಗಂಟೆ ಪಂದ್ಯ ಆರಂಭವಾಗಲಿದೆ. ಈ ಪಂದ್ಯಕ್ಕಾಗಿ ಡೆಲ್ಲಿ ಟೀಮ್ ರಾಮ್ ಚರಣ್‌ ನಟನೆಯ ಪೆದ್ದಿ ಚಿತ್ರದ ರೀ ಕ್ರಿಯೇಟ್‌ ಮಾಡಿ ಪ್ರೋಮೋ ಶೂಟ್‌ ಮಾಡಿದೆ. ಈ ಕಾರಣಕ್ಕೆ ರಾಮ್ ಚರಣ್‌ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡಕ್ಕೆ ಧನ್ಯವಾದ ತಿಳಿಸಿದ್ದಾರೆ. ಅಲ್ಲದೇ ಸನ್‌ ರೈಸರ್ಸ್‌ ಹೈದ್ರಾಬಾದ್‌ ಇನ್ನಷ್ಟು ಬಲವಾಗಿ ಮರಳಬಹುದು ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
Thank you ❤️ @DelhiCapitals for the Massive Recreation of #PeddiFirstShot ❤️🔥🏏
Wishing you all the best for today's Match 🤝
Just be prepared @SunRisers might comeback stronger.😃💪🏼 pic.twitter.com/4s7qQNmqGW
— Ram Charan (@AlwaysRamCharan) May 5, 2025
ಬುಚಿ ಬಾಬು ಸನಾ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ‘ಪೆದ್ದಿ’ ಸಿನಿಮಾದ ಫಸ್ಟ್ ಶಾಟ್ ಗ್ಲಿಂಪ್ಸ್ ವೀಡಿಯೋ ಭಾರಿ ಸದ್ದು ಮಾಡಿತ್ತು. ಸಿಗಾರ್ ಸೇದುತ್ತಾ ಭುಜದ ಮೇಲೆ ತೂಗಾಡುವ ಬ್ಯಾಟ್ ಅನ್ನು ಸಲೀಸಾಗಿ ಹೊತ್ತುಕೊಂಡು ಕ್ರಿಕೆಟ್ ಮೈದಾನಕ್ಕೆ ರಾಮ್ ರಾಕಿಂಗ್‌ ಎಂಟ್ರಿ ಕೊಟ್ಟಿದ್ದರು. ಈ ಝಲಕ್‌ ದಾಖಲೆಯ ರೆಕಾರ್ಡ್‌ ಬರೆದಿತ್ತು.
