ಬೆಂಗಳೂರು:- ಪ್ರತಿನಿತ್ಯವೂ ಡಿಜಿಟಲ್ ಅರೆಸ್ಟ್ ಎಂಬ ಆನ್‌ಲೈನ್‌ ವಂಚನೆ ವರದಿಯಾಗುತ್ತಿದೆ. ಆನ್‌ಲೈನ್‌ ವಂಚಕರು ತಾವು ಪೊಲೀಸ್‌ ಅಧಿಕಾರಿಗಳು, ಸಿಬಿಐ ಏಜೆಂಟ್‌, ತೆರಿಗೆ ಅಧಿಕಾರಿಗಳೆಂಬ ಸೋಗಿನಲ್ಲಿ ಕರೆ ಮಾಡಿ ವಂಚನೆ ಮಾಡುತ್ತಾರೆ. ಅನೇಕ ಜನರು ಇಂತಹ ಕರೆಗಳಿಗೆ ಭಯಗೊಂಡು ತಕ್ಷಣ ವಂಚಕರು ಹೇಳಿದ್ದಷ್ಟು ಹಣ ಪಾವತಿ ಮಾಡಿದ್ದಾರೆ. ಕರೆ ಸ್ವೀಕರಿಸಿದವರನ್ನು ಫೋನ್‌ ಕಟ್‌ ಮಾಡಲು ಬಿಡದಂತೆ ಎಂಗೇಜ್‌ ಮಾಡುತ್ತಾ, ವಿವಿಧ ಅಧಿಕಾರಿಗಳ ಹೆಸರಿನಲ್ಲಿ ನಾನಾ ಕರೆ ಮಾಡುತ್ತಾ.. ಇವರು ಭಯಗೊಳಿಸುವುದುಂಟು. ಕರ್ನಾಟಕದಲ್ಲಿ ಪ್ರತಿನಿತ್ಯ ಇಂತಹ ಘಟನೆ ವರದಿಯಾಗುತ್ತಿದೆ.
ಇಂತದ್ದೇ ಘಟನೆಗೆ ಸಂಬಂಧಿಸಿದಂತೆ ಬೆಂಗಳೂರು ಸೈಬರ್ ಕ್ರೈಮ್ ಪೊಲೀಸರ ತನಿಖೆ ವೇಳೆ ಸ್ಪೋಟಕ ಮಾಹಿತಿ ರಿವೀಲ್ ಆಗಿದೆ. ಎಸ್, ಕೆಲ ದಿನಗಳ ಹಿಂದೆ ವೃದ್ದ ದಂಪತಿಗಳಿಗೆ ಸುಮಾರು ಎರಡು ತಿಂಗಳುಗಳ ಕಾಲ ಡಿಜಿಟಲ್ ಅರೆಸ್ಟ್ ಮಾಡಲಾಗಿತ್ತು. ನೈಜೀರಿಯಾದಲ್ಲಿ ಇಂಜಿನಿಯರ್ ಕೆಲಸ ಮಾಡಿ ನಿವೃತ್ತಿ ಹೊಂದಿದ್ದ ಮಂಜುನಾಥ ದಂಪತಿಗೆ ವಂಚನೆ ಎಸಗಲಾಗಿತ್ತು. ದಂಪತಿಗಳ ಡಿಜಿಟಲ್ ಅರೆಸ್ಟ್ ಮಾಡಿ ಸುಲಿಗೆಕೋರರು 4.79 ಕೋಟಿ ಸುಲಿಗೆ ಮಾಡಿದರು.
ಬಳಿಕ ದಂಪತಿ ಪೊಲೀಸರಿಗೆ ಘಟನೆಗೆ ಸಂಬಂಧಿಸಿದಂತೆ ದೂರು ಕೊಟ್ಟಿದ್ದರು. ದೂರಿನ ಅನ್ವಯ ಆಗ್ನೇಯ ವಿಭಾಗದ ಸೈಬರ್ ಕ್ರೈಮ್ ಪೊಲೀಸರು, ದಂಪತಿಗಳನ್ನು ರಕ್ಷಣೆ ಮಾಡಿ ಆರೋಪಿಗಳನ್ನು ಅರೆಸ್ಟ್ ಮಾಡಿದರು. ಇದೀಗ ತನಿಖೆಯಲ್ಲಿ ಸ್ಪೋಟಕ ವಿಚಾರ ಬೆಳಕಿಗೆ ಬಂದಿದೆ. ಆರೋಪಿಗಳಿಗೆ ಶ್ರೀಲಂಕಾ ಕೆಸಿನೋ ನಂಟು ಪತ್ತೆಯಾಗಿದೆ.
ಡಿಜಿಟಲ್ ಅರೆಸ್ಟ್ ನಿಂದ ಶ್ರೀಲಂಕಾದ ಕೆಸಿನೊ ಗೆ ಹಣ!
ಮೊದಲು ಕ್ರೆಡಿಟ್ ಕಾರ್ಡ್ ಬಿಲ್ ಓವರ್ ಡ್ಯೂ ಆಗಿದೆ ಎಂದು ಆರೋಪಿಗಳು ವೃದ್ಧ ದಂಪತಿಗೆ ಕರೆ ಮಾಡಿದ್ದರು. ಬಳಿಕ ನಿಮ್ಮ ಅಕೌಂಟ್ ನಲ್ಲಿ ಮನಿ ಲಾಂಡರಿಂಗ್ ಆಗಿದೆ ಎಂದು ಬೆದರಿಕೆ ಹಾಕಿದ್ದಾರೆ. ಬಳಿಕ ಇಡಿ, ಸಿಬಿಐ ನಲ್ಲಿ ಕೇಸ್ ಆಗಿದೆ ಆಗಿದೆ ಎಂದು ಹೆದರಿಸಿದ್ದಾರೆ. ನಿಮ್ಮನ್ನು ತಿಹಾರ್ ಜೈಲಿಗೆ ಹಾಕುತ್ತೇವೆ ಎಂದು ಆರೋಪಿಗಳು ವಾರಂಟ್ ಕಳಿಸಿದ್ದಾರೆ. ಇದೇ ರೀತಿ ದಂಪತಿಗಳಿಂದ ಹಂತ ಹಂತವಾಗಿ 4ಕೋಟಿ 79ಲಕ್ಷ ಕೋಟಿ ಸುಲಿಗೆ ಮಾಡಿದ್ದಾರೆ. ಈಶ್ವರ್ ಸಿಂಗ್ ಮತ್ತು ನಾರಾಯಣ್ ಸಿಂಗ್ ಚೌಧರಿ ಅಕೌಂಟ್ ಗೆ ಹಣ ಹೋಗಿತ್ತು. ಈಶ್ವರ್ ಸಿಂಗ್ ಅಕೌಂಟ್ 10 ಲಕ್ಷ ಮತ್ತು ನಾರಾಯಣ್ ಸಿಂಗ್ ಅಕೌಂಟ್ ಗೆ 1.8 ಹಣ ವರ್ಗಾವಣೆ ಆಗಿತ್ತು..ಇಬ್ಬರನ್ನು ಅರೆಸ್ಟ್ ಮಾಡಿ ತನಿಖೆ ನಡೆಸಿದ್ದ ಆಗ್ನೇಯ ವಿಭಾಗ ಸೆನ್ ಪೊಲೀಸರಿಗೆ ಸ್ಪೋಟಕ ವಿಚಾರ ಬೆಳಕಿಗೆ ಬಂದಿದೆ.
ತನಿಖೆ ವೇಳೆ ಆರೋಪಿಗಳಿಗಿದ್ದ ಶ್ರೀಲಂಕಾ ಕೆಸಿನೋ ನಂಟು ಪತ್ತೆಯಾಗಿದೆ. ಇಬ್ಬರಿಗೂ ಶ್ರೀಲಂಕಾದ ಕೆಸಿನೊ ದಿಂದ ಹಣ ಬಂದಿದೆ ಎಂದು ಮಾಹಿತಿ ಲಭ್ಯವಾಗಿದೆ. ಆರೋಪಿಗಳು ಶ್ರೀಲಂಕಾ ಗೆ ಹೋಗಿ ಕಸೀನೊದಲ್ಲಿ ಆಟವಾಡಿರೋದು ಬೆಳಕಿಗೆ ಬಂದಿದೆ. ನಂತರ ಉಳಿದ ಹಣವನ್ನು ಕಸಿನೊದವರು ಹಾಕಿದ್ದಾಗಿ ಮಾಹಿತಿ ಲಭ್ಯವಾಗಿದೆ. ತನಿಖೆ ವೇಳೆ ಕೆಸಿನೊ ಮತ್ತು ಸೈಬರ್ ವಂಚಕರು ಒಟ್ಟಾಗಿರಿರುವ ಬಗ್ಗೆ ಮಾಹಿತಿ ಬೆಳಕಿಗೆ ಬಂದಿದ್ದು, ಕೆಸಿನೊ ದವನು ತಿಳಿಸಿದ ಅಕೌಂಟ್ ಗೆ ಸೈಬರ್ ವಂಚಕರು ಹಣ ಹಾಕಿಸ್ತಿದ್ದರು. ಡಿಜಿಟಲ್ ಅರೆಸ್ಟ್ ಆಗಿರುವವರಿಗೆ ಅಕೌಂಟ್ ನಂಬರ್ ನೀಡಿ ಹಣ ಹಾಕಿಸಿರುವುದು ಪತ್ತೆಯಾಗಿದೆ. ಸಧ್ಯ ಆರೋಪಿಗಳನ್ನು ಇನ್ನೂ ಹೆಚ್ಚಿನ ತನಿಖೆಗೆ ಒಳಪಡಿಸಿದ್ದಾರೆ.
