ಬೇಸಿಗೆಯಲ್ಲಿ ಬಿಸಿಲಿನ ತಾಪ ನೀಗಿಸಿಕೊಳ್ಳಲು ಸದಾ ತಂಪಿನಲ್ಲೇ ಇರಬೇಕು ಅನ್ನಿಸುವುದು ಸಹಜ. ಹೀಗಾಗಿ ಸೆಖೆಯಿಂದ ಪಾರಾಗಲು ತಮ್ಮನ್ನು ತಾವು ತಂಪಾಗಿಟ್ಟುಕೊಳ್ಳಲು ಜನ ಫ್ಯಾನ್, ಎಸಿ, ಕೂಲರ್ ಮೊರೆ ಹೋಗುತ್ತಿದ್ದಾರೆ. ಎಸಿ ಬಳಸುವುದಕ್ಕಿಂತಲೂ ಫ್ಯಾನ್ ಬಳಸುವುದರಿಂದ ವಿದ್ಯುತ್ ಬಿಲ್ ಕಡಿಮೆ ಬರುತ್ತದೆ ಎಂಬುವುದು ನಿಜ, ಆದ್ರೆ ಎಷ್ಟೋ ಜನರಿಗೆ ಇದು ತಿಳಿದಿಲ್ಲ.
Rain Alert ಕರ್ನಾಟಕದ ದಕ್ಷಿಣ ಒಳನಾಡಿನ ಬಹುತೇಕ ಜಿಲ್ಲೆಗಳಲ್ಲಿ ಮಳೆ ಸಾಧ್ಯತೆ!
AC ಯಲ್ಲಿ ಟನ್ ಎಂದರೆ ಏನು? ಎಂಬ ಪ್ರಶ್ನೆ ಪ್ರತಿಯೊಬ್ಬರಿಗೂ ಕಾಡುತ್ತದೆ. ಕೆಲವೇ ಜನರಿಗೆ ಇದರ ಕುರಿತು ಉತ್ತರ ತಿಳಿದಿರುತ್ತದೆ ಮತ್ತು ಹಲವರು ಭಾವಿಸುತ್ತಾರೆ, ಕೆಲವರು AC ಯಲ್ಲಿನ ಅನಿಲವನ್ನು ಅಳೆಯುತ್ತಿದ್ದಾರೆ ಎಂದು. ಆದರೆ, ಹಾಗಲ್ಲ.
AC ಯ ಪರಿಭಾಷೆಯಲ್ಲಿ ನೋಡುವುದಾದ್ರೆ, ಟನ್‌ಗಳು ಕೋಣೆಯಿಂದ ತೆಗೆದುಹಾಕಬಹುದಾದ ಶಾಖದ ಪ್ರಮಾಣವನ್ನು ಸೂಚಿಸುತ್ತದೆ. ಒಂದು ಗಂಟೆಯಲ್ಲಿ ಕೊಠಡಿಯಿಂದ ಎಸಿ ಎಷ್ಟು ಶಾಖವನ್ನು ತೆಗೆದುಹಾಕುತ್ತದೆ ಎಂಬುದರ ಆಧಾರದ ಮೇಲೆ ಟನ್‌ಗಳನ್ನು ಲೆಕ್ಕಹಾಕಲಾಗುತ್ತದೆ.
12,000 BTU ಅನ್ನು 1 ಟನ್ ಎಂದು ಕರೆಯಲಾಗುತ್ತದೆ. BTU ಎಂದರೆ ಬ್ರಿಟಿಷ್ ಥರ್ಮಲ್ ಯೂನಿಟ್. ಇದು AC ಯ ತಂಪಾಗಿಸುವ ಸಾಮರ್ಥ್ಯವನ್ನು ಅಳೆಯುವ ಒಂದು ಮಾಪಕವಾಗಿದೆ. 1 ಟನ್ AC ಎಂದರೆ 12,000 BTU. 1.5 ಟನ್ ಎಸಿ 18,000 ಬಿಟಿಯು. ಅದೇ ರೀತಿ, 2 ಟನ್ AC 24,000 BTU ಆಗಿದೆ.
ಬೇಸಿಗೆಯ ಸುಡುವ ಬಿಸಿಲಿನಿಂದ ತಪ್ಪಿಸಿಕೊಳ್ಳಲು ಎಸಿ ಖರೀದಿಸಿ ಅದರಲ್ಲೇ ಸಿಲುಕಿಕೊಳ್ಳಬಹುದು ಎಂದು ಭಾವಿಸುವವರು ತಪ್ಪಾದ ಎಸಿ ಖರೀದಿಸುತ್ತಾರೆ. ಆದ್ದರಿಂದ, ನಿಮ್ಮ ಮನೆಯಲ್ಲಿರುವ ಕೋಣೆಗಳಿಗೆ ಸೂಕ್ತವಾದ ಎಸಿಯನ್ನು ನೀವು ಆರಿಸಿಕೊಳ್ಳಬೇಕು ಮತ್ತು ಖರೀದಿಸಬೇಕು. ಕೊಠಡಿ ಚಿಕ್ಕದಾಗಿದ್ದರೆ, ಒಂದು ಟನ್ ಹವಾನಿಯಂತ್ರಣ ಸಾಕು. ಅಂದರೆ, 1 ಟನ್ ಎಸಿ 150 ಚದರ ಅಡಿವರೆಗಿನ ಕೋಣೆಯಲ್ಲಿ ಚೆನ್ನಾಗಿ ಕೆಲಸ ಮಾಡುತ್ತದೆ.
200 ಚದರ ಅಡಿ ಕೋಣೆಗೆ 1.5 ಟನ್ ಎಸಿ ಅಗತ್ಯವಿದೆ. ಕೋಣೆಯ ಅಗಲ, ಸೀಲಿಂಗ್ ಎತ್ತರ ಮತ್ತು ಕಿಟಕಿ ಸಂರಚನೆಯನ್ನು ಗಣನೆಗೆ ತೆಗೆದುಕೊಂಡು ನಾವು AC ಅನ್ನು ಆಯ್ಕೆ ಮಾಡಬೇಕಾಗುತ್ತದೆ.
ಒಟ್ಟಾರೆಯಾಗಿ ಮನೆಗೆ ಯಾವುದೇ ವಸ್ತವನ್ನು ಖರೀದಿಸಿದರು ಕೂಡ ಅದರ ಕುರಿತು ಸಂಪೂರ್ಣ ಮಾಹಿತಿ ತಿಳಿದುಕೊಂಡಿರಬೇಕು. ಅದರಲ್ಲೂ ವಿಶೇಷವಾಗಿ, ಎಲೆಕ್ಟ್ರಿಕ್ ವಸ್ತುಗಳನ್ನು ಖರೀದಿಸುವಾಗ ಅದರ ಕುರಿತು ಪ್ರತಿಯೊಬ್ಬರೂ ತಿಳಿದುಕೊಳ್ಳುವುದು ಮುಖ್ಯವಾಗಿದೆ
