ಡ್ರೈ ಫ್ರೂಟ್ಸ್‌ಗಳ ಸೇವನೆಯು ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗುತ್ತದೆ. ಅದಕ್ಕಾಗಿಯೇ ನಾವು ಅವುಗಳನ್ನು ನಮ್ಮ ಆಹಾರದಲ್ಲಿ ಸೇರಿಸಿಕೊಳ್ಳಬೇಕು. ಡ್ರೈ ಫ್ರೂಟ್ಸ್‌ಗಳಲ್ಲಿ ಜೀವಸತ್ವಗಳು ಮತ್ತು ಖನಿಜಗಳು ಹೇರಳವಾಗಿ ಕಂಡುಬರುತ್ತವೆ. ಅವುಗಳಲ್ಲಿ ಗೋಡಂಬಿ, ಬಾದಾಮಿ, ಒಣದ್ರಾಕ್ಷಿ, ವಾಲ್‌ನಟ್ಸ್ ಮತ್ತು ಇನ್ನೂ ಹಲವು ಡ್ರೈ ಫ್ರೂಟ್ಸ್‌ಗಳು ಸೇರಿವೆ. ನಾವಿಂದು ಗೋಡಂಬಿ ಸೇವಿಸುವುದರಿಂದ ಆರೋಗ್ಯಕ್ಕಾಗುವ ಪ್ರಯೋಜನಗಳ ಬಗ್ಗೆ ತಿಳಿಯೋಣ.
ಗೋಡಂಬಿ ಮತ್ತು ದ್ರಾಕ್ಷಿಗಳು ನಮಗೆ ಸಿಕ್ಕಂತಹ ಒಂದು ಅದ್ಬುತ ನೈಸರ್ಗಿಕ ಕೊಡುಗೆ ಎಂದರೆ ತಪ್ಪಾಗಲಾರದು. ಇವುಗಳನ್ನು ರುಚಿಗೆ ಅಥವಾ ಅಡುಗೆಯಲ್ಲಿ ಬಳಸುವುದರ ಹೊರತಾಗಿ ಇನ್ನಿತರ ಹಲವಾರು ಉಪಯೋಗಗಳಿವೆ. ಮೂತ್ರ ಪಿಂಡದ ಆಕಾರದಲ್ಲಿರುವ ಅದ್ಬುತವಾದ ಈ ಗೋಡಂಬಿಯು ನಮ್ಮ ಆರೋಗ್ಯಕ್ಕೆ ಹೇಗೆ ಉಪಯೋಗಕಾರಿ ಎನ್ನುವುದರ ಬಗ್ಗೆ ವೈದ್ಯರು ಏನನ್ನುತ್ತಾರೆ ನೋಡೋಣ ಬನ್ನಿ!
ಗೋಡಂಬಿಯನ್ನು ಆಯುರ್ವೇದದಲ್ಲಿಯೂ ಉಪಯೋಗಿಸಲಾಗುತ್ತದೆ. ಇದರ ರಸ ಬಹಳ ಸಿಹಿಯಾಗಿರುತ್ತದೆ. ಇದು ಯಾವುದಾದರ ಜೊತೆಗೆ ಹಾಕಲಾಗುತ್ತದೆ. ಉಷ್ಣವನ್ನು ಉಂಟು ಮಾಡುವ ಗುಣವಿರುವ ಇದು, ಸುಲಭವಾಗಿ ಜೀರ್ಣವಾಗುವುದಿಲ್ಲ. ಕೆಲವೊಂದನ್ನು ಬಿಟ್ಟು ಸಾಮಾನ್ಯವಾಗಿ ಎಲ್ಲಾ ಡ್ರೈ ಫ್ರುಟ್ಸ್ ಗಳಲ್ಲಿಯೂ ಉಷ್ಣದ ಅಂಶವಿರುತ್ತದೆ.ಗೋಡಂಬಿ ಇದು ಒಂದು ಗುರು ಆಹಾರವಾಗಿದ್ದು, ಇದರ ವಿಪಾಕ ಸಿಹಿಯಾಗಿರುತ್ತದೆ. ಗೋಡಂಬಿಯಲ್ಲಿ ಪಿತ್ತವನ್ನು ಜಾಸ್ತಿ ಅಂದ್ರೆ ಉಷ್ಣವನ್ನು ಜಾಸ್ತಿ ಮಾಡುವ ಗುಣವಿದೆ.
ವಿಟಮಿನ್ ‘ಬಿ’ ಯಂತಹ ವಿಟಮಿನ್ ‘ ಸಿ’ ವಿಟಮಿನ್ ‘ಇ’ ಮತ್ತು ಪೊಟ್ಯಾಶಿಯಂ ಮೆಗ್ನೀಶಿಯಂ ಪಾಸ್ಪರಸ್ ಮತ್ತು ಕ್ಯಾಲ್ಸಿಯಂನಂತಹ ಆರೋಗ್ಯಕ್ಕೆ ಬೇಕಾದ ಅಂಶಗಳು ಎಲ್ಲವೂ ಈ ಗೋಡಂಬಿಯಲ್ಲಿ ಹೇರಳವಾಗಿದೆ. ಗೋಡಂಬಿಯ ಸೇವನೆಯಿಂದ ಮೂಳೆಗಳು ಸಶಕ್ತವಾಗಿರಲು ಕಾರಣವಾಗುತ್ತದೆ. ಆಸ್ಟಿಯೋಪೋರಾಸಿಸ್ ಆಸ್ಟಿಯೋಪಿನಿಯಾದಂತಹ ಸಮಸ್ಯೆಗಳನ್ನು ಬರದಂತೆ ತಡೆಗಟ್ಟುವಲ್ಲಿ ಸಹಾಯಕಾರಿಯಾಗಿದೆ
ಕೆಲವರಲ್ಲಿ ಕೂದಲಿನ ಬಣ್ಣವು ಬಿಳಿಯಾಗುವ ಭಯವಿರುತ್ತದೆ ಅಂದರೆ 50 , 60 ವರ್ಷಗಳಾದರೂ ಕೂಡ ತಮ್ಮ ಕೂದಲಿನ ಬಣ್ಣ ಕಪ್ಪಾಗಿರಬೇಕು ಎಂದು ಸಾಮಾನ್ಯವಾಗಿ ಎಲ್ಲರೂ ಬಯಸುವುದು ಸಹಜ ಅಲ್ಲವೆ ? ಹೀಗೇ ಬಯಸುವವರು ತಮ್ಮ ಆಹಾರದಲ್ಲಿ ಗೋಡಂಬಿಯನ್ನು ಉಪಯೋಗಿಸುವುದು ಒಳ್ಳೆಯದು. ಏಕೆಂದರೆ ಗೋಡಂಬಿಯಲ್ಲಿ ಕೂದಲಿನ ಬಿಳಿ ಬಣ್ಣವನ್ನು ತಡೆಗಟ್ಟುವ ತಾಮ್ರದ ಗುಣವಿದ್ದು, ಇದರ ನಿಯಮಿತ ಸೇವನೆಯಿಂದ ಕೂದಲಿ ಬಣ್ಣ ಬಿಳಿಯಾಗದಂತೆ ತಡೆಗಟ್ಟುತ್ತಾ ನಿಮ್ಮ ಯೌವ್ವನವನ್ನು ಕಾಪಾಡಲು ಸಹಾಯಕಾರಿಯಾಗಿದೆ.
ಗೋಡಂಬಿಯ ಪ್ರಮುಖವಾದ ಒಂದು ಗುಣವೆಂದರೆ ಇದು ಚರ್ಮದ ಆರೋಗ್ಯಕ್ಕೆ ತುಂಬಾ ಉತ್ತಮವಾಗಿದ್ದು ಇದರ ಸೇವನೆಯಿಂದ ಚರ್ಮರೋಗಗಳು ಬರದಂತೆ ತಡೆಗಟ್ಟುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಅದರಲ್ಲೂ ಬಿಳಿ ಮಚ್ಚೆಯ ಖಾಯಿಲೆ ಅಥವಾ ಲ್ಯೂಕೋಡರ್ಮಾದಂತಹ ಆರೋಗ್ಯದ ಸಮಸ್ಯೆಯನ್ನು ನಿಯಂತ್ರಣದಲ್ಲಿರಿಸುವಲ್ಲಿ ಸಹಾಯಮಾಡುತ್ತದೆ . ಈಗಾಗಲೇ ಬಿಳಿ ಮಚ್ಚೆಯ ಸಮಸ್ಯೆಯಿಂದ ಬಳಲುತ್ತಿರುವವರು ತಮ್ಮ ಆಹಾರದಲ್ಲಿ ಅಳವಡಿಸಿಕೊಳ್ಳಬಹುದೆಂದು ವೈದ್ಯರು ಸಲಹೆ ನೀಡುತ್ತಾರೆ.
ಗೋಡಂಬಿಯು ಹೆಚ್ಚಿನ ಆಯಾಸವನ್ನು ಹೋಗಲಾಡಿಸುವಲ್ಲಿಯೂ ಪ್ರಮುಖ ಪಾತ್ರ ವಹಿಸುತ್ತದೆ ಹಾಗೂ, ಪುರುಷರಲ್ಲಿ ಕಾಣಿಸಿಕೊಳ್ಳುವಂತಹ ಲೈಂಗಿಕ ಸಮಸ್ಯೆಗಳನ್ನೂ ಇದು ದೂರ ಮಾಡುವಲ್ಲಿ ಸಹಕಾರಿಯಾಗಿದೆ. ನಿಮ್ಮಲ್ಲಿ ಯಾರಾದ್ರೂ ಅಂಡರ್ ವೈಟ್ ಅಥವಾ ಕಡಿಮೆ ತೂಕವನ್ನು ಹೊಂದಿದ್ದಲ್ಲಿ ದಪ್ಪ ಆಗ್ಬೇಕು ಅಂದಲ್ಲಿ ಈ ಗೋಡಂಬಿ ಸೇವನೆ ಮಾಡಬಹುದು
ಹೃದಯದ ಸಮಸ್ಯೆಯ ನಿವಾರಣೆಗೆ ಗೋಡಂಬಿಯು ಪ್ರಯೋಜನಕಾರಿಯಾಗಿದೆ. ಇದು ಏಕೆಂದರೆ ಇದರಲ್ಲಿ ಕೊಲೆಸ್ಟ್ರಾಲ್ ಅಂಶವು ಅತೀ ಹೆಚ್ಚು ಇರುವುದಿಲ್ಲ. ಬಿಪಿ, ಅಥವಾ ಹೃದಯದ ಸಮಸ್ಯೆ ಇದೆ, ಬ್ಲಡ್ ಕ್ಲಾಟ್ ಆಗ್ತಾ ಇರುತ್ತದೆ ಎನ್ನುವವರು ತಮ್ಮ ಆಹಾರದಲ್ಲಿ ಗೊಡಂಬಿಯನ್ನು ಸೇರಿಸಬಹುದು.
ರಾತ್ರಿ ವೇಳೇ ನಿಮಗೇನಾದರೂ ನಿದ್ದೆ ಬಂದಿಲ್ಲ ಎಂದಾದಲ್ಲಿ ಎರಡು ಮೂರು ಒಣದ್ರಾಕ್ಷಿ , ಒಂದು ಖರ್ಜೂರ, ನಾಲ್ಕರಿಂದ ಐದು ಗೋಡಂಬಿಯನ್ನು ತಿಂದು , ಒಂದು ಲೋಟ ಬೆಚ್ಚಗಿರುವ ಹಾಲನ್ನು ಸೇವಿಸಬೇಕು. ಹೀಗೆ ಮಾಡುವುದರಿಂದ ಉತ್ತಮ ರೀತಿಯಲ್ಲಿ ನಿದ್ದೆ ಬರಲು ಪ್ರಯೋಜನಕಾರಿಯಾಗಿದೆ.
ತೂಕ ಹೆಚ್ಚಾಗಬೇಕೆಂದು ಬಯಸುವವರು , ಒಣದ್ರಾಕ್ಷಿ , ಖರ್ಜೂರ , ಗೋಡಂಬಿ , ಪಿಸ್ತಾ ಅದರ ಜೊತೆಯಲ್ಲಿ ಶೇಂಗಾ ಬೀಜ ಒಂದು ನಾಲ್ಕರಿಂದ ಐದು ತಗೊಂಡು ತಿನ್ಬೇಕು. ಹೀಗೆ ತಿಂದು ಹಾಲನ್ನು ಕುಡಿದಲ್ಲಿ , ದೇಹದ ತೂಕದಲ್ಲಿ ಹೆಚ್ಚಳ ಉಂಟಾಗುತ್ತದೆ.
ಲೈಂಗಿಕ ನಿಶ್ಯಕ್ತಿ ಅಥವಾ ಸುಸ್ತಾಗುವಿಕೆಗೆ ಅಥವಾ ವೀರ್ಯಾಣುವಿನ ಸಂಖ್ಯೆ ಕಡಿಮೆ ಇದೆ ಎಂದ ಸಂದರ್ಭದಲ್ಲಿ, ಗೋಡಂಬಿ ಹಾಗೂ ಅದರ ಜೊತೆಯಲ್ಲಿ ಒಂದರಿಂದ ಎರಡು ಅಂಜೂರದ ಹಣ್ಣು , ಒಂದು ಖರ್ಜೂರ, ನಾಲ್ಕರಿಂದ ಐದು ಒಣ ದ್ರಾಕ್ಷಿಯನ್ನು ತಿಂದು, . ಇದರ ಜೊತೆಗೆ ಬಾದಾಮಿಯನ್ನೂ ಸಹ ಸೇರಿಸಿಕೊಳ್ಳಬಹುದು. ನಂತರ ಸ್ವಲ್ಪ ಕಾಳನ್ನು ಏಲಕ್ಕಿಯನ್ನು ಜಗಿದು ತಿನ್ನಬೇಕು . ನಂತರ ಹಾಲಿಗೆ ಸ್ವಲ್ಪ ಕಲ್ಲು ಸಕ್ಕರೆ ಹಾಕಿ ಕುಡಿಯುವುದರಿಂದ ಈ ಸಮಸ್ಯೆಯು ನಿವಾರಣೆ ಆಗುತ್ತದೆ.
ಗೋಡಂಬಿಯನ್ನು ನೆನೆಸಿಟ್ಟು ತಿನ್ನುವ ಅಗತ್ಯವಿಲ್ಲದೇ ಇರುವುದರಿಂದ ಇದನ್ನು ರಾತ್ರಿಯೇ ತಿನ್ನಬೇಕು ಅಥವಾ ಬೆಳಗ್ಗೆಯೇ ತಿನ್ನಬೇಕು ಎನ್ನುವ ಸಮಸ್ಯೆ ಇಲ್ಲ ನೀವು ಯಾವಾಗ ಬೇಕಾದರೂ ತಿನ್ನಬಹುದು. ಗೋಡಂಬಿಯನ್ನು ಹಾಗೇಯೇ ತಿನ್ನಬಹುದು ಅಥವಾ ಇನ್ನಿತರ ಡ್ರೈ ಫ್ರೂಟ್ಸ್ ಗಳ ಜೊತೆ ಸೇರಿಸಿಯೂ ತಿನ್ನಬಹುದಾಗಿದೆ.
ರುಚಿಕರವಾದ ಈ ಗೋಡಂಬಿಯನ್ನು, ಸಣ್ಣವರಿಂದ ಹಿಡಿದು ದೊಡ್ಡವರವರೆಗೆ ಎಲ್ಲರೂ ತಿನ್ನಬಹುದು. ಗೋಡಂಬಿಯನ್ನು ಇನ್ನಿತರ ಡ್ರೈಫ್ರೂಟ್ಸ್ ಜೊತೆಗೆ ತಿನ್ನುವಿರಾದಲ್ಲಿ ಒಂದು ಮುಷ್ಟಿಯಷ್ಟು ಪ್ರಮಾಣದಲ್ಲಿ ತೆಗೆದುಕೊಂಡು ಸೇವಿಸಬಹುದು . ಹೀಗೆ ಸೇವಿಸುವುದರಿಂದ ಲಾಭಗಳು ಸಾಕಷ್ಟು ಇರುತ್ತವೆ.
