ವಾಟ್ಸಾಪ್ ಬಗ್ಗೆ ಯಾರಿಗೆ ಗೊತ್ತಿಲ್ಲ ಹೇಳಿ, ಚಿಕ್ಕ ಮಕ್ಕಳೂ ಕೂಡ ಇಂದು ವಾಟ್ಸಾಪ್ ಬಳಕೆ ಮಾಡುವುದನ್ನು ಕಲಿತುಕೊಂಡಿರುತ್ತಾರೆ. ವಾಟ್ಸಾಪ್ ಮೆಸೇಜ್, ಗ್ರೂಪ್‌ ಚಾಟ್‌, ವಾಟ್ಸಾಪ್ ಕಾಲ್‌, ವಿಡಿಯೋ ಕಾಲ್‌ ಈಗ ವಾಟ್ಸಾಪ್‌ನಲ್ಲಿ ಹಣ ಕೂಡ ಟ್ರಾನ್ಸಾಕ್ಷನ್‌ ಮಾಡಬಹುದು. ಈ ಜನಪ್ರಿಯ ಅಪ್ಲಿಕೇಷನ್‌ ಇಂಥ ಬಹಳಷ್ಟು ಫೀಚರ್‌ಗಳನ್ನು ಹೊಂದಿದೆ. ವಾಟ್ಸಾಪ್ ಅನ್ನೋದು ಭಾರತವೂ ಸೇರಿದಂತೆ ಪ್ರಪಂಚದಾದ್ಯಂತ ಹೆಚ್ಚು ಜನರು ಬಳಸುವಂತಹ ಮೆಸೇಜಿಂಗ್ ಅಪ್ಲಿಕೇಷನ್‌ಗಳಲ್ಲಿ ಒಂದಾಗಿದೆ.
ಜಕ್ಕೇನಹಳ್ಳಿ ಜಾತ್ರೆಗೆ ಸರ್ಜಾ ಕುಟುಂಬ ಭೇಟಿ: ಅರ್ಜುನ್, ಧ್ರುವಾ ನೋಡಿ ಫ್ಯಾನ್ಸ್ ಖುಷ್!
ವಾಟ್ಸಪ್ನಲ್ಲಿ ನಿಮಗೆ ಎಷ್ಟು ಯೂಸ್ ಆಗುತ್ತೋ ಅಷ್ಟೇ ಅಪಾಯಗಳನ್ನು ತಂದೊಡ್ಡಲಿದೆ. ಸೈಬರ್ ಅಪರಾಧಿಗಳು ವಾಟ್ಸಪ್ನಲ್ಲೇ ಮೋಸ, ವಂಚನೆ, ಹ್ಯಾಕಿಂಗ್ ಕೂಡ ಮಾಡುತ್ತಾರೆ.
ಇನ್ನು, ವಾಟ್ಸಪ್ನಲ್ಲಿ ಹೆಚ್ಚು ಸ್ಕ್ಯಾಮ್ ನಡೆಯುತ್ತದೆ. ಅಪರಿಚಿತ ಸಂಖ್ಯೆಯಿಂದ ನೀವು ಲಾಟರಿ ಗೆದ್ದಿದ್ದೀರಿ ಅನ್ನೋ ಮೆಸೇಜ್ ಬರುತ್ತೆ. ನಿಮಗೆ ವಿಶೇಷ ಉಡುಗೊರೆ ಸಿಗಲಿದೆ ಎಂಬ ಸಂದೇಶಗಳು ಕಳಿಸಲಾಗುತ್ತೆ. ಈ ಮೆಸೇಜ್ ಜೊತೆಗೆ ಬರೋ ಲಿಂಕ್ ಕ್ಲಿಕ್ ಮಾಡಿದರೆ ಸೈಬರ್ ಅಪರಾಧಿಗಳಿಗೆ ನಿಮ್ಮ ಬ್ಯಾಂಕ್ ಖಾತೆ ಸಿಗುತ್ತದೆ. ಕೂಡಲೇ ನಿಮ್ಮ ಬ್ಯಾಂಕ್ ಖಾತೆಯಿಂದ ಹಣ ಲಪಟಾಯಿಸುತ್ತಾರೆ.
ಇತ್ತೀಚೆಗೆ ವಾಟ್ಸಪ್ನಲ್ಲಿ ದೊಡ್ಡ ಕಂಪನಿಗಳ ಹೆಸರಿನಲ್ಲಿ ನಕಲಿ ಉದ್ಯೋಗದ ಆಫರ್ಗಳು ಬರುತ್ತವೆ. ಹಾಗೆಯೇ ಎಷ್ಟು ಬೇಕೋ ಅಷ್ಟು ಸಾಲ ನೀಡುತ್ತೇವೆ ಎಂದು ಆಫರ್ ಕೂಡ ಕೊಡುತ್ತಾರೆ. ಹೇಗಾದ್ರೂ ಮಾಡಿ ನಿಮ್ಮ ಆಧಾರ್ ಮತ್ತು ಪಾನ್ ಕಾರ್ಡ್ ಮಾಹಿತಿ ಪಡೆಯುತ್ತಾರೆ. ನಿಮ್ಮ ವೈಯಕ್ತಿಕ ಡಾಟಾ ಸೈಬರ್ ವಂಚಕರು ಬ್ಯಾಂಕ್ ಖಾತೆ ಹ್ಯಾಕ್ ಮಾಡಲು ಬಳಸುತ್ತಾರೆ.
ಸೈಬರ್ ಕ್ರೈಮ್ನ ಭಾಗವಾಗಿರೋ ಫಿಶಿಂಗ್ ಮತ್ತು ಹ್ಯಾಕಿಂಗ್ ಭಾರೀ ಡೇಂಜರಸ್. ನೀವು ಅಪರಿಚಿತ ಲಿಂಕ್ಗಳನ್ನು ಕ್ಲಿಕ್ ಮಾಡಿದಾಗ ನಿಮ್ಮ ಫೋನ್ ಹ್ಯಾಕ್ ಆಗಲಿದೆ. ಇದರಿಂದ ನಿಮ್ಮ ಮೊಬೈಲ್ನಲ್ಲಿ ಆಟೋಮ್ಯಾಟಿಕ್ ಮಾಲ್ವೇರ್ ಡೌನ್ಲೋಡ್ ಆಗುತ್ತದೆ. ಇದರಿಂದ ಬ್ಯಾಂಕಿಂಗ್ ಪಾಸ್ವಾರ್ಡ್ ಮತ್ತು OTP ಇತ್ಯಾದಿ ಮಾಹಿತಿ ಕದಿಯಲಾಗುತ್ತದೆ
ಸೋಷಿಯಲ್ ಮೀಡಿಯಾದಲ್ಲಿ ಸುಳ್ಳುಸುದ್ದಿ ಹರಡುವುದು ಸರ್ವೇಸಾಮಾನ್ಯ. ಉದ್ದೇಶಪೂರ್ವಕವಾಗಿ ಸಮಾಜದಲ್ಲಿ ಅಶಾಂತಿ ಸೃಷ್ಟಿಸಲು ಕೋಮು ಮತ್ತು ರಾಜಕೀಯ ದ್ವೇಷ ಹರಡಲಿದ್ದಾರೆ. ನೀವು ಬ್ಲೈಂಡ್ ಆಗಿ ಶೇರ್ ಮಾಡೋದರಿಂದ ಅಪಾಯವೇ ಹೆಚ್ಚು.
ವಾಟ್ಸಪ್ ಸ್ಕ್ಯಾಮ್ನಿಂದ ಬಚಾವ್ ಆಗೋದು ಹೇಗೆ?
Unknown ನಂಬರ್ಸ್ನಿಂದ ಬಂದ ಲಿಂಕ್ಗಳನ್ನು ಕ್ಲಿಕ್ ಮಾಡಬೇಡಿ
ನಿಮ್ಮ ಬ್ಯಾಂಕ್ ಮತ್ತು ಪರ್ಸನಲ್ ಮಾಹಿತಿಯನ್ನು ಶೇರ್ ಮಾಡಲೇಬೇಡಿ
ಯಾವುದೇ ಆಕರ್ಷಕ ಹಣಕಾಸು ಆಫರ್ಗಳು ಬಂದಾಗ ಮರುಳಾಗಬೇಡಿ
ರಿಲಿಜಿಯಸ್, ವೈಲೆನ್ಸ್, ಕೋಮು ದ್ವೇಷ ಹರಡುವ ಸಂದೇಶ ಕಳಿಸಬೇಡಿ
ವಾಟ್ಸಪ್ ಸೆಟ್ಟಿಂಗ್ನಲ್ಲಿ ಪ್ರೈವಸಿಗೆ ಹೋಗಿ ಖಾಸಗಿತನ ಕಾಪಾಡಿಕೊಳ್ಳಿ
ಯಾವುದೇ ಅನುಮಾನಾಸ್ಪದ ಸಂದೇಶಗಳು ಬಂದಾಗ ರಿಪೋರ್ಟ್ ಮಾಡಿ
ಯಾರೇ ಆಗಲಿ ವಾಟ್ಸಪ್ ಬಳಸುವಾಗ ಎಚ್ಚರಿಕೆಯಿಂದ ಇರಬೇಕು. ಹ್ಯಾಕರ್ಸ್ ಇಂಟರ್ನೆಟ್ನಲ್ಲಿ ಸೈಬರ್ ಕ್ರೈಮ್ ಮಾಡಲು ಹೊಸ ದಾರಿಗಳನ್ನು ಹುಡುಕುತ್ತಲೇ ಇದ್ದಾರೆ. ನೀವು ಎಚ್ಚರಿಕೆಯಿಂದ ಇರದೆ ಹೋದಲ್ಲಿ ಕೋಟ್ಯಂತರ ಹಣ ಕಳೆದುಕೊಳ್ಳಬೇಕಾಗುತ್ತದೆ.
