ಇತ್ತೀಚಿನ ದಿನಗಳಲ್ಲಿ ಬಹುತೇಕ ಮಂದಿ ಚಿಕ್ಕ ವಯಸ್ಸಿನಲ್ಲಿಯೇ ಬಿಳಿ ಕೂದಲು ಹಾಗೂ ಕೂದಲು ಉದುರುವಿಕೆ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಕೇವಲ 30-35 ವರ್ಷ ದಾಟುವಷ್ಟರಲ್ಲೇ ಬಿಳಿ ಕೂದಲು ಸಮಸ್ಯೆಯನ್ನು ಎದುರಿಸುತ್ತಿದ್ದಾರೆ. ಈ ಬಿಳಿ ಕೂದಲುಗಳನ್ನು ಮರೆಮಾಚಲು ಬಹುತೇಕ ಮಂದಿ ಹೇರ್ ಕಲರ್ ಮತ್ತು ಅನೇಕ ರಾಸಾಯನಿಕ ಉತ್ಪನ್ನಗಳನ್ನು ಬಳಸುತ್ತಾರೆ. ಆದರೆ ಇವುಗಳ ದೀರ್ಘಕಾಲ ಬಳಕೆ ಕೂದಲಿಗೆ ಹಾನಿಯುಂಟು ಮಾಡುತ್ತದೆ. ಬಿಳಿ ಕೂದಲನ್ನು ಮರೆಮಾಚಲು ಹೆಚ್ಚು ಹೇರ್ ಕಲರಿಂಗ್ ಬಳಸುವುದು, ಕೂದಲು ಉದುರುವಿಕೆ ಸಮಸ್ಯೆಯನ್ನು ಉಂಟು ಮಾಡುತ್ತದೆ.
DC vs KKR: ದೆಹಲಿ ಮತ್ತು ಕೋಲ್ಕತ್ತಾ ತಂಡಗಳಿಗೆ ಶಾಕಿಂಗ್‌ ನ್ಯೂಸ್: ಗಾಯದಿಂದ ಇಬ್ಬರು ಔಟ್
ಹದಿಹರೆಯದ ವಯಸ್ಸಿನಲ್ಲಿ ತಲೆಕೂದಲು, ಗಡ್ಡ, ಮೀಸೆ ಎಲ್ಲವೂ ಕಪ್ಪಾಗಿರುತ್ತದೆ. 30 ವರ್ಷದ ಆಸುಪಾಸಿನಲ್ಲಿ ತಲೆಯಲ್ಲಿ ಅಲ್ಲೊಂದು ಇಲ್ಲೊಂದು ಬಿಳಿ ಕೂದಲು ಕಾಣಿಸಿಕೊಳ್ಳಲು ಪ್ರಾರಂಭವಾಗುತ್ತದೆ. ಅಷ್ಟಾಗಿ ಯಾರು ಅದನ್ನು ಗಮನಿಸುವುದಿಲ್ಲ. ಆದರೂ ಅದನ್ನು ಹೇಗೋ ಮಾಡಿ ಮರೆಮಾಚಿ ನನಗೆ ಇನ್ನೂ ವಯಸ್ಸಾಗಿಲ್ಲ ಎಂದು ತೋರಿಸಿಕೊಳ್ಳಬಹುದು. ಆದರೆ ಪ್ರತಿಯೊಬ್ಬರೂ ನೇರವಾಗಿ ನೋಡುವ ಮುಖದ ಮೇಲೆ ಅಲ್ಲಲ್ಲಿ ಬಿಳಿ ಕೂದಲುಗಳು ಕಂಡುಬಂದರೆ ಆಡಿಕೊಳ್ಳುವವರಿಗೆ ಇದೊಂದು ಅದ್ಭುತ ವಿಷಯವಾಗುತ್ತದೆ ಅಷ್ಟೇ
ಆದರೆ ಯಾರೂ ಕೂಡ ಇದನ್ನು ಅಪೇಕ್ಷಿಸಿರುವುದಿಲ್ಲ. ದೇಹದಲ್ಲಿ ಆದ ಕೆಲವೊಂದು ಹಾರ್ಮೋನುಗಳ ವ್ಯತ್ಯಾಸದಿಂದ ಚಿಕ್ಕ ವಯಸ್ಸಿಗೆ ಗಡ್ಡ – ಮೀಸೆ ಬೆಳಗಾಗುವ ಸಮಸ್ಯೆ ಎದುರಾಗುತ್ತದೆ. ಇದನ್ನು ಮುಚ್ಚಿಡಲು ಪ್ರತಿ ದಿನ ಶೇವಿಂಗ್ ಮಾಡಲೇಬೇಕಾದ ಅನಿವಾರ್ಯತೆ ಸೃಷ್ಟಿಯಾಗುತ್ತದೆ. ಹೇಗಾದರೂ ಮಾಡಿ ಈ ಸಮಸ್ಯೆಯಿಂದ ಹೊರ ಬಂದರೆ ಸಾಕಪ್ಪಾ ಎನಿಸುತ್ತದೆ. ಹಲವಾರು ಬಗೆಯ ಹೇರ್ ಕ್ರೀಂಗಳು ಮಾರುಕಟ್ಟೆಯಲ್ಲಿ ಲಭ್ಯವಿದ್ದರೂ, ನಿಮ್ಮಲ್ಲಿ ಸ್ವಲ್ಪ ತಾಳ್ಮೆ ಇದ್ದರೆ ಕೆಲವೊಂದು ಮನೆ ಮದ್ದುಗಳಿಂದ ಅತ್ಯಂತ ಪರಿಣಾಮಕಾರಿಯಾಗಿ ಈ ಸಮಸ್ಯೆಯನ್ನು ನೈಸರ್ಗಿಕವಾಗಿ ಮತ್ತು ಶಾಶ್ವತವಾಗಿ ಕಡಿಮೆ ಖರ್ಚಿನಲ್ಲಿ ನಿವಾರಿಸಿಕೊಳ್ಳಬಹುದು.
ಬ್ಲ್ಯಾಕ್ ಟೀ ಎಲೆಗಳು ನಿಮ್ಮ ಬೆಳ್ಳಗಾಗಿರುವ ಗಡ್ಡದ ಕೂದಲುಗಳನ್ನು ಮತ್ತೊಮ್ಮೆ ಕಪ್ಪು ಬಣ್ಣಕ್ಕೆ ತಿರುಗಿಸುವ ಅದ್ಭುತ ಗುಣಲಕ್ಷಣಗಳನ್ನು ಹೊಂದಿವೆ. ಬ್ಲಾಕ್ ಚಹಾದ ಎಲೆಗಳ ಸಹಾಯದಿಂದ ನಿಮ್ಮ ಬಳಿ ಗಡ್ಡವನ್ನು ಕಪ್ಪಾಗಿಸಿಕೊಳ್ಳುವ ಪ್ರಕ್ರಿಯೆ ಬಹಳ ಸುಲಭ ಮತ್ತು ಹೆಚ್ಚು ಸಾಮಗ್ರಿಗಳು ಬೇಕಾಗಿಲ್ಲ. ಜೊತೆಗೆ ಸಮಯದ ಉಳಿತಾಯವೂ ಕೂಡ ಆಗುತ್ತದೆ. ಬ್ಲಾಕ್ ಟೀ ಎಲೆಗಳ ಬಳಕೆಯನ್ನು ಈಗ ನೋಡೋಣ.
ಮೊದಲಿಗೆ ಬ್ಲಾಕ್ ಟೀ ಎಲೆಗಳನ್ನು ನೀರಿನಲ್ಲಿ ಹಾಕಿ ಕೆಲವು ನಿಮಿಷಗಳ ಕಾಲ ಚೆನ್ನಾಗಿ ಕುದಿಸಬೇಕು
ಸ್ವಲ್ಪ ಸಮಯದ ನಂತರ ಇದು ಉಗುರು ಬೆಚ್ಚಗಿನ ವಾತಾವರಣಕ್ಕೆ ಬರುವವರೆಗೂ ಕಾಯಬೇಕು
ಈಗ ಈ ಎಲೆಗಳಿಂದ ನೀರನ್ನು ಚೆನ್ನಾಗಿ ಹಿಂಡಿ ತೆಗೆದು ಇದನ್ನು ಗಡ್ಡದ ಕೂದಲುಗಳ ಮೇಲೆ ಅಪ್ಲೈ ಮಾಡಬೇಕು
ಚೆನ್ನಾಗಿ ಒಣಗಿದ ಮೇಲೆ ಅರ್ಧ ಅಥವಾ ಒಂದು ಗಂಟೆಯ ನಂತರ ತಣ್ಣನೆಯ ನೀರಿನಲ್ಲಿ ಚೆನ್ನಾಗಿ ತೊಳೆದುಕೊಳ್ಳಬೇಕು.
ವಯಸ್ಸಾಗುವ ಮುಂಚೆ ಬಿಳಿ ಗಡ್ಡ ಹೊಂದಿರುವವರಿಗೆ ಬಿಳಿ ಎಳ್ಳು ಚಮತ್ಕಾರವನ್ನೇ ಮಾಡುತ್ತದೆ. ಜೊತೆಗೆ ಸುಲಭವಾಗಿ ಎಲ್ಲಾ ಕಡೆ ಕಡಿಮೆ ಬೆಲೆಗೆ ಲಭ್ಯವಾಗುತ್ತದೆ. ಇಲ್ಲೂ ಅಷ್ಟೇ. ಕೇವಲ ಎರಡೇ ಸಾಮಗ್ರಿಗಳಿಂದ ನಿಮ್ಮ ಗಡ್ಡದ ಮೇಲಿರುವ ಬಿಳಿಕೂದಲನ್ನು ಸುಲಭವಾಗಿ ಕಪ್ಪಾಗಿಸಿಕೊಂಡು ನಿಮ್ಮ ಸಮಸ್ಯೆಯನ್ನು ಅತ್ಯಂತ ಸುಲಭವಾಗಿ ಬಗೆಹರಿಸಿಕೊಳ್ಳಬಹುದು
ಮೊದಲಿಗೆ ನಿಮಗೆ ಬೇಕಾಗಿರುವುದು ಬಿಳಿ ಎಳ್ಳು ಮತ್ತು ಸ್ವಲ್ಪ ನೀರು
ಬಿಳಿ ಎಳ್ಳನ್ನು ನೀರಿನಲ್ಲಿ ಚೆನ್ನಾಗಿ ನೆನೆಹಾಕಿ
ಮಿಕ್ಸರ್ ಜಾರ್ ನಲ್ಲಿ ನೀರಿನ ಸಮೇತ ಬಿಳಿ ಎಳ್ಳನ್ನು ಸುರಿದು ಚೆನ್ನಾಗಿ ರುಬ್ಬಿ ಪೇಸ್ಟ್ ತಯಾರಿಸಿಕೊಳ್ಳಿ
ನಿಮ್ಮ ಗಡ್ಡದ ಯಾವ ಭಾಗದಲ್ಲಿ ಹೆಚ್ಚಾಗಿ ಬಿಳಿ ಕೂದಲು ಕಂಡು ಬರುತ್ತದೆ ಅಲ್ಲಿ ಈ ಪೇಸ್ಟ್ ಅನ್ನು ಎಲ್ಲಾ ಕಡೆ ಹರಡುವಂತೆ ಹಚ್ಚಿ
ಸ್ವಲ್ಪ ಹೊತ್ತು ಹಾಗೆ ಬಿಟ್ಟು ನಂತರ ತಂಪಾದ ನೀರಿನಿಂದ ತೊಳೆಯಿರಿ.
ಈಗಾಗಲೇ ನೀವು ನಿಂಬೆಹಣ್ಣು ಮತ್ತು ವಿನೆಗರ್ ಮಿಶ್ರಣದಿಂದ ಉಂಟಾಗುವ ಹಲವಾರು ಪ್ರಯೋಜನಗಳನ್ನು ತಿಳಿದಿದ್ದೀರಿ ಎಂದು ಭಾವಿಸುತ್ತೇವೆ. ಇವೆರಡರ ಮಿಶ್ರಣ ಗಡ್ಡದ ಬಿಳಿಕೂದಲನ್ನು ಕಪ್ಪು ಬಣ್ಣಕ್ಕೆ ತಿರುಗಿಸುತ್ತದೆ ಎಂದರೆ ನೀವು ಆಶ್ಚರ್ಯ ಪಡುತ್ತೀರಿ. ಒಮ್ಮೆ ಈ ಮಿಶ್ರಣದ ಉಪಾಯವನ್ನು ಪ್ರಯತ್ನಿಸಿ ಮತ್ತು ಆಗುವ ಚಮತ್ಕಾರವನ್ನು ನೀವೇ ನೋಡಿ.
ಮಿಶ್ರಣ ತಯಾರುಮಾಡಲು ಬೇಕಾಗಿರುವ ಸಾಮಾಗ್ರಿಗಳು
1 ಕಪ್ ಮೆಹಂದಿ ಅಥವಾ ಗೋರಂಟಿ
ಒಂದು ಟೇಬಲ್ ಚಮಚದಷ್ಟು ತಾಜಾ ನಿಂಬೆ ಹಣ್ಣಿನ ರಸ
ಅರ್ಧ ಟೇಬಲ್ ಚಮಚದಷ್ಟು ತಾಜಾ ತೆಂಗಿನ ಎಣ್ಣೆ
ಎರಡು ಟೇಬಲ್ ಚಮಚದಷ್ಟು ವಿನೆಗರ್
ಒಂದು ಟೇಬಲ್ ಚಮಚದಷ್ಟು ಸೀಗೆಕಾಯಿ
ಪುಡಿಮಿಶ್ರಣ ತಯಾರು ಮಾಡಿ ಬಳಸುವ ವಿಧಾನ
ಮೇಲಿನ ಎಲ್ಲ ಪದಾರ್ಥಗಳನ್ನು ತೆಗೆದುಕೊಂಡು ಚೆನ್ನಾಗಿ ಮಿಶ್ರಣ ಮಾಡಿ ಪೇಸ್ಟ್ ತಯಾರಿಸಿಕೊಳ್ಳಿ
ತಯಾರಿಸಿಕೊಂಡ ಪೇಸ್ಟನ್ನು ಸ್ವಲ್ಪ ಹೊತ್ತಿನ ತನಕ ಹಾಗೆ ಬಿಟ್ಟುಬಿಡಿ. ಏಕೆಂದರೆ ಈ ಸಮಯದಲ್ಲಿ ಆಕ್ಸಿಡೇಶನ್ ಪ್ರಕ್ರಿಯೆ ಉಂಟಾಗುತ್ತದೆ.
ಸ್ವಲ್ಪ ಹೊತ್ತಿನ ನಂತರ ವಿಶೇಷವಾಗಿ ಬೆಳಗಿನ ಸಮಯದಲ್ಲಿ ಈ ಪೇಸ್ಟನ್ನು ದಾಡಿಯ ಕೂದಲಿಗೆ ಹಚ್ಚಿ.
ಸ್ವಲ್ಪ ಸಮಯ ಕಳೆದ ಬಳಿಕ ಶುದ್ಧವಾದ ನೀರಿನಿಂದ ತೊಳೆದುಕೊಳ್ಳಿ.
ಇವುಗಳನ್ನು ಆಂಗ್ಲಭಾಷೆಯಲ್ಲಿ sage leafಎಂದು ಕರೆಯುತ್ತಾರೆ. ಇವುಗಳ ಬಳಕೆಯಿಂದ ಬಹಳಷ್ಟು ಪರಿಣಾಮಕಾರಿಯಾಗಿ ಬಿಳಿ ಕೂದಲನ್ನು ಕಪ್ಪಾಗಿಸಿಕೊಳ್ಳಬಹುದು ಮತ್ತು ಇನ್ನೊಮ್ಮೆ ಗಡ್ಡದ ಭಾಗದಲ್ಲಿ ಬಿಳಿ ಕೂದಲು ಬೆಳೆಯದಂತೆ ತಡೆಯಬಹುದು.ಅದಕ್ಕಾಗಿ ಈ ಕೆಳಗಿನ ವಿಧಾನವನ್ನು ಅನುಸರಿಸಿ.
ಮೊದಲಿಗೆ ಈ ಎಲೆಗಳನ್ನು ನೀರಿನಲ್ಲಿ ಚೆನ್ನಾಗಿ ಕುದಿಸಿ
ನಂತರ ಕುದಿಯುವ ನೀರಿನಿಂದ ಎಲೆಗಳನ್ನು ಹೊರತೆಗೆದು ಸ್ವಲ್ಪ ಹೊತ್ತು ಆರಲು ಬಿಡಿ
ತಣ್ಣಗಾದ ನಂತರ ಚೆನ್ನಾಗಿ ಬೆಂದಿರುವ ಈ ಎಲೆಗಳಿಂದ ಗಡ್ಡದ ಭಾಗವನ್ನು ಉಜ್ಜಿ
ಸುಮಾರು ಎರಡರಿಂದ ಮೂರು ಗಂಟೆಗಳ ಕಾಲ ಹಾಗೆಯೇ ಬಿಡಿ
ನಂತರ ಸೋಪು ಮತ್ತು ನೀರು ಉಪಯೋಗಿಸಿ ಚೆನ್ನಾಗಿ ಮುಖ ತೊಳೆದುಕೊಳ್ಳಿ
ಒಂದು ವಾರದ ತನಕ ಪ್ರತಿ ದಿನ ಹೀಗೆ ಮಾಡಿ
ಹೀರೆಕಾಯಿ ಕೇವಲ ಅಡುಗೆ ಮಾಡಿಕೊಂಡು ತಿನ್ನಲು ಮಾತ್ರ ಯೋಗ್ಯ ಎಂದು ಇನ್ನು ಮುಂದೆ ತಿಳಿದುಕೊಳ್ಳೋದು ತಪ್ಪು. ಏಕೆಂದರೆ ಹೀರೆಕಾಯಿಯಲ್ಲಿ ನಮ್ಮ ದೇಹದ ಮೆಲನಿನ್ ಎಂಬ ಅಂಶವನ್ನು ಪರಿಣಾಮಕಾರಿಯಾಗಿ ಹೆಚ್ಚಿಸುವಂತಹ ಶಕ್ತಿ ಇದೆ. ಇದರ ಜೊತೆ ಕೊಬ್ಬರಿ ಎಣ್ಣೆ ಅಥವಾ ತಾಜಾ ತೆಂಗಿನ ಎಣ್ಣೆ ಉಪಯೋಗಿಸಿದರೆ ಆಗುವ ಲಾಭಗಳು ದ್ವಿಗುಣಗೊಳ್ಳುತ್ತವೆ.
ಕನಿಷ್ಠ ಮೂರು ದಿನಗಳ ಕಾಲ ಸ್ವಲ್ಪ ಒಣಗಿದ ಹೀರೆಕಾಯಿಯನ್ನು ಕೊಬ್ಬರಿ ಎಣ್ಣೆ ಅಥವಾ ತಾಜಾ ತೆಂಗಿನ ಎಣ್ಣೆಯಲ್ಲಿ ನೆನೆ ಹಾಕಬೇಕು
ಕಪ್ಪು ಬಣ್ಣದ ಉಳಿಕೆ ಮೂಡಿ ಬರುವವರೆಗೂ ಈ ಮಿಶ್ರಣವನ್ನು ಚೆನ್ನಾಗಿ ಕುದಿಸಬೇಕು
ಬಿಳಿ ಬಣ್ಣದ ಮೀಸೆ ಮತ್ತು ಗಡ್ಡದ ಮೇಲೆ ಇದನ್ನು ಚೆನ್ನಾಗಿ ಹಚ್ಚಿ ಸುಮಾರು ಒಂದರಿಂದ ಎರಡು ಗಂಟೆಗಳ ಕಾಲ ಹಾಗೆಯೇ ಬಿಡಬೇಕು
ನಂತರ ಶುದ್ಧವಾದ ನೀರಿನಿಂದ ಮುಖ ತೊಳೆದುಕೊಳ್ಳಬೇಕು
ಬಿದ್ದರೂ ಮೀಸೆ ಮಣ್ಣಾಗಲಿಲ್ಲ ಎಂಬ ಮಾತಿದೆ. ಆದರೆ ಅದೇ ಮಣ್ಣಿನಿಂದ ಗಡ್ಡ ಮೀಸೆ ಮತ್ತೆ ಕಪ್ಪಾಗುತ್ತದೆ. ಸರಳವಾಗಿ ಇದು ಅತ್ಯಂತ ನೈಸರ್ಗಿಕ ವಿಧಾನವಾಗಿದೆ ಮತ್ತು ಇದರಲ್ಲಿ ಕೇವಲ ನಮ್ಮ ಮನೆಯ ಹಿತ್ತಲಿನ ಮಣ್ಣನ್ನು ಮಾತ್ರ ಉಪಯೋಗಿಸುತ್ತಿದ್ದೇವೆ. ಇದರ ಬಳಕೆಯಿಂದ ಬಿಳಿ ಬಣ್ಣದ ಗಡ್ಡದ ಕೂದಲುಗಳು ಕಪ್ಪಾಗಿ ದಿನಕಳೆದಂತೆ ಸಂಪೂರ್ಣವಾಗಿ ಬಿಳಿ ಕೂದಲುಗಳು ಮಾಯವಾಗುತ್ತವೆ. ಜೊತೆಗೆ ಇದರಲ್ಲಿ ಯಾವುದೇ ಅಡ್ಡಪರಿಣಾಮಗಳು ಉಂಟಾಗುವುದಿಲ್ಲ.
ಬೇಕಾಗಿರುವ ಸಾಮಾಗ್ರಿಗಳು
ಹಿತ್ತಲಿನ ಮಣ್ಣು ಮತ್ತು ನೀರ
ಮೊದಲಿಗೆ ಮಣ್ಣನ್ನು ಶುಚಿ ಮಾಡಿಕೊಂಡು ನೀರಿನೊಂದಿಗೆ ಮಿಶ್ರಣ ಮಾಡಿ ದ್ರಾವಣ ತಯಾರಿಸಿಕೊಳ್ಳಿ
ಈ ದ್ರಾವಣವನ್ನು ಒಂದು ಬಟ್ಟೆಯಿಂದ ಸೋಸಿ ಬಂದಂತಹ ನೀರಿನ ಅಂಶವನ್ನು ಗಡ್ಡದ ಭಾಗದಲ್ಲಿ ಹಚ್ಚಿ
ನಿಮಗೆ ಫಲಿತಾಂಶ ಬರುವವರೆಗೂ ಇದನ್ನು ಹಚ್ಚುವುದನ್ನು ಮರೆಯಬೇಡಿಗಮನಿಸಬೇಕಾದ ಅಂಶವಾರದಲ್ಲಿ ಒಂದು ಬಾರಿ ಮಾತ್ರ ಈ ಪ್ರಯೋಗ ಮಾಡಿ. ಇದು ಎಲ್ಲಾ ಬಗೆಯ ಕೂದಲು ಹೊಂದಿರುವವರೆಗೂ ಸೂಕ್ತ ಉಪಾಯ ಎನಿಸಿಕೊಂಡಿದೆ. ಕೂದಲು ನಯವಾಗಿ ಇದ್ದರೂ ಅಥವಾ ದೃಢವಾಗಿದ್ದರೂ ಇದು ಕೆಲಸ ಮಾಡುತ್ತದೆ
ಈ ಮೇಲೆ ಚರ್ಚೆ ಮಾಡಿದಂತೆ ಮೆಹಂದಿ, ತೆಂಗಿನ ಎಣ್ಣೆ ಮತ್ತು ನಿಂಬೆಹಣ್ಣು ಮಿಶ್ರಣ ಬಿಳಿ ಕೂದಲನ್ನು ಮಾಯವಾಗಿಸಿ ಗಡ್ಡದ ಮೇಲೆ ಕಪ್ಪು ಬಣ್ಣದ ಕೂದಲನ್ನು ಮೂಡಿ ಬರುವಂತೆ ಮಾಡುತ್ತದೆ. ಆದರೆ ಈಗ ಕೇವಲ ತೆಂಗಿನ ಎಣ್ಣೆ ಮತ್ತು ನಿಂಬೆ ಹಣ್ಣಿನ ರಸದೊಂದಿಗೆ ಈ ಚಮತ್ಕಾರವನ್ನು ಹೇಗೆ ಪಡೆಯಬಹುದು ಎಂಬುದನ್ನು ಈಗ ನೋಡೋಣ
ಮೊಟ್ಟಮೊದಲು ತೆಂಗಿನ ಎಣ್ಣೆಯನ್ನು ಸಾಧ್ಯವಾದರೆ ನೀವೇ ತಯಾರಿಸಿಕೊಳ್ಳಿ ಇಲ್ಲವೆಂದರೆ ಅಂಗಡಿಯಲ್ಲಿ ಹೋಗಿ ತನ್ನಿ
ಒಂದು ನಿಂಬೆ ಹಣ್ಣನ್ನು ತೆಗೆದುಕೊಂಡು ಅರ್ಧಕ್ಕೆ ಕತ್ತರಿಸಿ ಹೋಳುಗಳಲ್ಲಿರುವ ರಸವನ್ನು ಹಿಂಡಿ ತೆಗೆದು ಇಟ್ಟುಕೊಳ್ಳಿ
ಈಗ ತೆಂಗಿನ ಎಣ್ಣೆ ಮತ್ತು ನಿಂಬೆರಸವನ್ನು ಚೆನ್ನಾಗಿ ಮಿಶ್ರಣ ಮಾಡಿ
ನಿಮ್ಮ ಕೈಗಳನ್ನು ಶುದ್ಧವಾಗಿ ತೊಳೆದುಕೊಂಡು ನಿಮ್ಮ ಬಿಳಿಬಣ್ಣದ ಗಡ್ಡದ ಮೇಲೆ ಈ ಮಿಶ್ರಣವನ್ನು ಹಚ್ಚಿ
ಸುಮಾರು ಒಂದೆರಡು ಗಂಟೆಗಳ ಕಾಲ ಹಾಗೆಯೇ ಬಿಟ್ಟು ನಂತರ ನಿಮ್ಮ ಗಡ್ಡದ ಕೂದಲನ್ನು ಒಳ್ಳೆಯ ಹೇರ್ ಶಾಂಪೂ ಉಪಯೋಗಿಸಿ ತೊಳೆದುಕೊಳ್ಳಿ
ವಾರದಲ್ಲಿ ನಾಲ್ಕರಿಂದ ಐದು ಬಾರಿ ಈ ಪ್ರಕ್ರಿಯೆ ಮುಂದುವರೆಸಿ
ಇದರ ಫಲಿತಾಂಶ ಹೊರಬರಬೇಕಾದರೆ ಕನಿಷ್ಠವೆಂದರೂ ಎರಡರಿಂದ ಮೂರು ತಿಂಗಳುಗಳು ಬೇಕು. ಆದ್ದರಿಂದ ಅತ್ಯಂತ ಹೆಚ್ಚಾದ ತಾಳ್ಮೆಯಿಂದ ಕಾಯುವ ಮನಸ್ಥಿತಿ ನಿಮಗಿರಬೇಕು. ಇದು ನೈಸರ್ಗಿಕ ಪ್ರಕ್ರಿಯೆ ಆದ್ದರಿಂದ ಉತ್ತಮ ಫಲಿತಾಂಶಗಳು ಬರಲು ಸ್ವಲ್ಪ ಹೆಚ್ಚಿನ ಸಮಯ ತೆಗೆದುಕೊಳ್ಳುತ್ತದೆ.
