ಆರಾಮವಾಗಿ ಮಲಗಿ ನೆಮ್ಮದಿಯಾಗಿ ನಿದ್ರೆ ಮಾಡುತ್ತಿರುತ್ತೇವೆ. ಇದ್ದಕ್ಕಿದ್ದಂತೆ ಯಾರಾದರೂ ಬಂದು ಎಬ್ಬಿಸುತ್ತಾರೆ. ಆ ಸಂದರ್ಭದಲ್ಲಿ ಕಷ್ಟ ಪಟ್ಟು ಕಣ್ಣು ತೆರೆದು ನೋಡಲು ಮುಂದಾಗುತ್ತೇವೆ. ನಂತರ ಪ್ರಾರಂಭವಾಗುವುದೇ ಈ ತಲೆ ನೋವು. ಎದ್ದ ತಕ್ಷಣ ತಲೆನೋವು ಬರುವ ಸಮಸ್ಯೆ ಕೇವಲ ಒಬ್ಬರಿಗೆ ಮಾತ್ರವಲ್ಲ. ಕುಟುಂಬದಲ್ಲಿ ಹಲವರಿಗೆ ಇದೇ ರೀತಿ ಇರುತ್ತದೆ. ಪುಟ್ಟ ಮಕ್ಕಳು ಕೂಡ ಈ ಸಮಸ್ಯೆಯಿಂದ ಹೊರತಲ್ಲ. ಆದರೆ ಅತಿಯಾಗಿ ಕಾಡುವ ತಲೆ ನೋವು ಚಿಕಿತ್ಸೆಗಾಗಿ ನಿಜಕ್ಕೂ ವೈದ್ಯರ ಅವಶ್ಯಕತೆಯನ್ನು ಕೋರುತ್ತದೆ.
ಕೆಲವರು ರಾತ್ರಿ ಪೂರ್ತಿ ಸರಿಯಾಗಿ ನಿದ್ದೆ ಮಾಡಿದರೂ ಕೂಡ ಬೆಳಗಿನ ಸಮಯದಲ್ಲಿ ಎದ್ದ ತಕ್ಷಣವೇ ತಲೆನೋವು ಕಾಣಿಸಿಕೊಳ್ಳುತ್ತದೆ ಎಂದು ದೂರು ಹೇಳುತ್ತಾರೆ! ಇದರ ಹಿಂದೆ ಹಲವು ಕಾರಣಗಳಿರಬಹುದು. ಕೆಲವೊಂದು ಆರೋಗ್ಯ ಸಮಸ್ಯೆಯಿಂದಲೂ ಕೂಡ ಈ ರೀತಿ ಆಗುವ ಸಾಧ್ಯತೆ ಇರುತ್ತದೆ ಎನ್ನುತ್ತಾರೆ ತಜ್ಞರು! ಹೀಗಾಗಿ ಇಂತಹ ಸಮಸ್ಯೆಗೆ ಸರಿಯಾಗಿ ಚಿಕಿತ್ಸೆ ನೀಡದಿದ್ದರೆ, ಮುಂದಿನ ದಿನಗಳಲ್ಲಿ ಇದು ಗಂಭೀರ ಆರೋಗ್ಯ ಸಮಸ್ಯೆಗಳಿಗೆ ತಿರುಗುವ ಸಾಧ್ಯತೆ ಕೂಡ ಹೆಚ್ಚಿರುತ್ತದೆ ಎನ್ನುತ್ತಾರೆ ಆರೋಗ್ಯ ತಜ್ಞರು. ಹೀಗಾಗಿ ಇಂತಹ ಒಂದು ಸಮಸ್ಯೆಯನ್ನು ಯಾವುದೇ ಕಾರಣಕ್ಕೂ ನಿರ್ಲಕ್ಷ ಮಾಡಬಾರದು. ಹಾಗಾದ್ರೆ ಈ ಸಮಸ್ಯೆಗೆ ಕಾರಣಗಳೇನು?, ಯಾಕೆ ಈ ರೀತಿಯ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತದೆ? ನೋಡೋಣ ಬನ್ನಿ…
ಸಾಮಾನ್ಯವಾಗಿ ಈ ಸಮಸ್ಯೆ ಹೆಚ್ಚಿನವರಲ್ಲಿ ಕಾಣಿಸಿಕೊಳ್ಳುತ್ತದೆ. ಬೆಳಗ್ಗೆ ಎದ್ದ ತಕ್ಷಣ ತಲೆ ಹಿಡಿದುಕೊಂಡ ಅಥವಾ ಲೈಟ್ ಆಗಿ ತಲೆ ನೋವು ಬಂದ ಅನುಭವ ಉಂಟಾಗುತ್ತದೆ! ಕೆಲವರಿಗೆ ಈ ಸಮಸ್ಯೆ ಸ್ವಲ್ಪ ಜಾಸ್ತಿಯಾಗಿ ಕಾಣಿಸಿಕೊಂಡರೆ, ಇನ್ನೂ ಕೆಲವರಲ್ಲಿ ಈ ಸಮಸ್ಯೆ ಲೈಟ್ ಆಗಿರುತ್ತದೆ.
ಕೆಲವರು ರಾತ್ರಿ ಸಮಯದಲ್ಲಿ ಹೆಚ್ಚು ಮದ್ಯಪಾನ ಮಾಡುವುದ ರಿಂದಲೂ ಈ ರೀತಿಯ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಏನನ್ನಾದರೂ ತಿಂದರೆ, ತಲೆನೋವು ನಿವಾರಣೆಯಾಗುತ್ತದೆ.
ಅಂದಹಾಗೆ, ವೈದ್ಯರು ನಿಂಬೆ ಪಾನಕ ಅಥವಾ ಐಸ್ ಕ್ರೀಮ್ ಹ್ಯಾಂಗೊವರ್‌ಗೆ ಉತ್ತಮ ಔಷಧ ಎಂದು ಹೇಳುತ್ತಾರೆ. ಇದರ ಹೊರತಾಗಿ ನೋಡುವುದಾದರೆ ಬೆಳಗ್ಗೆ ಎದ್ದಾಗ ತಲೆನೋವು ಕಾಣಿಸಿಕೊಳ್ಳಲು ಕಾರಣ ಗಳೇನು? ಯಾವ ಕಾರಣಗಳಿಂದಾಗಿ ಈ ರೀತಿಯ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ ನೋಡೋಣ ಬನ್ನಿ
ಒಂದು ದಿನ ಅಥವಾ ಎರಡು ದಿನ ಆದರೆ ಪರವಾಗಿಲ್ಲ. ಆದರೆ ಪ್ರತಿದಿನ ಬೆಳಗ್ಗೆ ಹಾಸಿಗೆಯಿಂದ ಎದ್ದೇಳುವಾಗ ತಲೆ ನೋವು ಕಾಣಿಸಿಕೊಂಡರೆ, ಬಿಪಿ ಪರೀಕ್ಷೆ ಮಾಡಿಸಿಕೊಂಡರೆ ಒಳ್ಳೆಯದು! ಯಾಕೆಂದರೆ ಹೈಬಿಪಿ ಸಮಸ್ಯೆ ಇರುವವರಲ್ಲಿಯೂ ಕೂಡ ಈ ರೀತಿಯ ಆರೋಗ್ಯ ಸಮಸ್ಯೆಗಳು ಕಾಣಿಸಿ ಕೊಳ್ಳುತ್ತದೆ.
ಎಂಎಂಜಿ ಆಸ್ಪತ್ರೆಯ ಹಿರಿಯ ವೈದ್ಯ ಡಾ. ಅಲೋಕ್ ರಂಜನ್ ಹೇಳು ವಂತೆ, ಬೆಳಗ್ಗೆ ಎದ್ದಾಗ ತಲೆನೋವು ಬಂದರೆ, ಇದಕ್ಕೆ ಸಾಮಾನ್ಯ ಕಾರಣ ನಿದ್ರೆಯ ಕೊರತೆ. ಇದಲ್ಲದೆ, ಸ್ಲೀಪ್ ಅಪ್ನಿಯಾ ಕೂಡ ಇದಕ್ಕೆ ಕಾರಣ ವಾಗಬಹುದು. ಇದರಲ್ಲಿ ದೇಹದಲ್ಲಿ ಆಮ್ಲಜನಕದ ಮಟ್ಟ ಕಡಿಮೆ ಯಾಗುತ್ತದೆ ಮತ್ತು ತಲೆನೋವು ಉಂಟಾಗುತ್ತದೆ.
ಮೈಗ್ರೇನ್ ಸಮಸ್ಯೆಯಿಂದ ದೂರ ಬೆಳಗ್ಗೆ ಎದ್ದಾಗ ತಲೆನೋವು ಕಾಣಿಸಿಕೊಳ್ಳುತ್ತದೆ. ಕೆಲವೊಮ್ಮೆ ಇದು ಒತ್ತಡದಿಂದಲೂ ಸಂಭವಿಸುತ್ತದೆ. ಇನ್ನು ಇದನ್ನು ಹೊರತುಪಡಿಸಿ ನೋಡುವು ದಾದರೆ ನೀವು ನಿರ್ಜಲೀಕರಣ ಸಮಸ್ಯೆಯಿಂದ ಬಳಲುತ್ತಿದ್ದರೂ ಕೂಡ, ಬೆಳಗ್ಗೆ ಎದ್ದಾಗ ತಲೆನೋವು ಕಾಣಿಸಿಕೊಳ್ಳುತ್ತದೆ.ಅಷ್ಟೇ ಅಲ್ಲದೆ, ಸೈನಸ್ ಮತ್ತು ಇತರ ಕೆಲವೊಂದು ಕಾಯಿಲೆಗಳಿಂದಲೂ ಈ ರೀತಿ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆಯಂತೆ!
ಬೆಳಗ್ಗೆ ಎದ್ದಾಗ ನಿಮಗೆ ಆಗಾಗ್ಗೆ ತಲೆನೋವು ಬಂದರೆ, ಕೂಡಲೇ ವೈದ್ಯರ ಬಳಿ ಪರೀಕ್ಷೆ ಮಾಡಿಸಿಕೊಂಡರೆ ಒಳ್ಳೆಯದು ಎನ್ನುತ್ತಾರೆ ಡಾ. ಅಲೋಕ್ ರಂಜನ್ ಅವರು.ಕೆಲವೊಮ್ಮೆ ದೇಹದ ಕೆಲವು ಗಂಭೀರ ಕಾಯಿಲೆಗಳಿಂದ ಕೂಡ ಈ ರೀತಿಯ ಆರೋಗ್ಯ ಸಮಸ್ಯೆ ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆಯಂತೆ. ಒಂದು ವೇಳೆ ನಿಮಗೆ ಈ ಹಿಂದೆ ತಲೆಗೆ ಗಾಯವಾಗಿದ್ದರೆ ಕೂಡ ಈ ರೀತಿಯ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ ಎಂದು ಆರೋಗ್ಯ ತಜ್ಞರು ಹೇಳಿದ್ದಾರೆ.
