ಅಹಮದಾಬಾದ್‌: ಬಹುನಿರೀಕ್ಷಿತ ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಣ 2023ರ ಐಸಿಸಿ ಏಕದಿನ ವಿಶ್ವಕಪ್‌ ಟೂರ್ನಿಯ ಫೈನಲ್ ಪಂದ್ಯ ಭಾನುವಾರ ಇಲ್ಲಿನ ನರೇಂದ್ರ ಮೋದಿ ಕ್ರಿಕೆಟ್‌ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಈ ಪಂದ್ಯವನ್ನು ಕಣ್ತುಂಬಿಸಿಕೊಳ್ಳಲು ಇಡೀ ಕ್ರಿಕೆಟ್‌ ಜಗತ್ತು ಎದುರು ನೋಡುತ್ತಿದೆ.
ವಿಶ್ವದ ಎರಡು ದಿಗ್ಗಜ ತಂಡಗಳ ನಡುವಣ ವಿಶ್ವಕಪ್‌ ಫೈನಲ್ ಹೈವೋಲ್ಟೇಜ್‌ ಕದನ ಯಶಸ್ವಿಯಾಗಬೇಕೆಂದರೆ ಹವಾಮಾನ ಕೂಡ ಇಲ್ಲಿ ನಿರ್ಣಾಯಕವಾಗುತ್ತದೆ. ಪಂದ್ಯದ ದಿನ ಮಳೆ ಬಂದಿಲ್ಲವಾದರೆ ಯಾವುದೇ ಅಡೆತಡೆ ಇಲ್ಲದೆ 2023ರ ಐಸಿಸಿ ಏಕದಿನ ವಿಶ್ವಕಪ್‌ ಟೂರ್ನಿ ಯಶಸ್ವಿಯಾಗಿ ಮುಗಿಯಲಿದೆ. ಆ ಮೂಲಕ ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಣ ಒಂದು ತಂಡ ಚಾಂಪಿಯನ್ ಆಗಿ ಹೊರಹೊಮ್ಮಲಿದೆ.
ಒಂದು ವೇಳೆ ಭಾನುವಾರ ಫೈನಲ್‌ಗೆ ಮಳೆ ಅಡ್ಡಿ ಉಂಟುಮಾಡಿದರೆ, ಮೀಸಲು ದಿನವಾದ ಸೋಮವಾರ ಪಂದ್ಯ ಮುಂದುವರಿಯಲಿದೆ. ಆದಾಗ್ಯೂ ಮೀಸಲು ದಿನವೂ ಮಳೆಯಿಂದ ಪಂದ್ಯ ರದ್ದಾದರೆ, ಯಾವ ತಂಡಕ್ಕೆ ಪ್ರಶಸ್ತಿ ನೀಡಲಾಗುತ್ತದೆ? ಐಸಿಸಿ ನಿಯಮಗಳು ಏನು ಹೇಳಲಿದೆ? ಎಂಬ ಬಗ್ಗೆ ಇಲ್ಲಿ ಸಂಪೂರ್ಣವಾಗಿ ವಿವರಿಸಲಾಗಿದೆ.
ಮೀಸಲು ದಿನ ಹಾಗೂ ಮುಂದುವರಿಯುವ ನಿಯಮ
ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಣ ಏಕದಿನ ವಿಶ್ವಕಪ್‌ ಫೈನಲ್ ನಿಗದಿತ ದಿನವಾದ ಭಾನುವಾರ ಮುಗಿದಿಲ್ಲವಾದರೆ, ಮೀಸಲು ದಿನವಾದ ಸೋಮವಾರ (ನ.20) ರಂದು ಮಧ್ಯಾನ 2 ಗಂಟೆಯಿಂದ ಮುಂದುವರಿಯಲಿದೆ. ನಿಗದಿತ ದಿನಾಂಕದಂದು ಪಂದ್ಯವನ್ನು ಮುಗಿಸಲು ಐಸಿಸಿ ಅಧಿಕಾರಿಗಳು ಎಲ್ಲಾ ರೀತಿಯಲ್ಲಿ ಪ್ರಯತ್ನ ನಡೆಸಲಿದೆ. ಪಂದ್ಯದ ದಿನ ಕನಿಷ್ಠ 20 ಓವರ್‌ಗಳನ್ನು ಎರಡೂ ತಂಡಗಳು ಮುಗಿಸಿಲ್ಲವಾದರೆ, ಮೀಸಲು ದಿನ ಪಂದ್ಯ ಮುಂದುವರಿಯಲಿ
ಮಳೆಯಿಂದ ಮೀಸಲು ದಿನವೂ ಪಂದ್ಯ ರದ್ದಾದರೆ ಯಾವ ತಂಡಕ್ಕೆ ಪ್ರಶಸ್ತಿ?
ಫೈನಲ್ ಪಂದ್ಯಕ್ಕೆ ಮಳೆ ಅಡ್ಡಿ ಉಂಟುಮಾಡಿದರೆ, ಡೆಕ್ವರ್ಥ್‌ ಲೂಯಿಸ್‌ ನಿಯಮ ಇಲ್ಲಿ ಪ್ರಧಾನ ಪಾತ್ರವಹಿಸಲಿದೆ. ಒಂದು ತಂಡ ಪ್ರಥಮ ಇನಿಂಗ್ಸ್‌ ಅನ್ನು ಪೂರ್ಣಗೊಳಿಸಿದ ಬಳಿಕ ದ್ವಿತೀಯ ಇನಿಂಗ್ಸ್‌ಗೆ ಮಳೆ ಅಡ್ಡಿ ಉಂಟುಮಾಡಿದರೆ, ಆಗ ಡಿಎಲ್‌ಎಸ್‌ ನಿಯಮ ಪ್ರಕಾರ ಪರಿಷ್ಕೃತ ಗುರಿಯನ್ನು ನೀಡಲಾಗುತ್ತದೆ. ಚೇಸಿಂಗ್‌ ತಂಡ ಕನಿಷ್ಠ 20 ಓವರ್‌ಗಳನ್ನೂ ಪೂರ್ಣಗೊಳಿಸದೆ, ಮೀಸಲು ದಿನವೂ ಮಳೆಗೆ ಬಲಿಯಾದರೆ ಆಗ ಐಸಿಸಿ ನಿಯಮದ ಪ್ರಕಾರ ಎರಡೂ ತಂಡಗಳನ್ನು ಜಂಟಿ ಚಾಂಪಿಯನ್ ಎಂದು ಘೋಷಿಸಲಾಗುತ್ತದೆ.
