ನವದೆಹಲಿ:- ಡೆಲ್ಲಿ ವಿರುದ್ಧದ ರೋಚಕ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಗೆದ್ದು ಬೀಗಿದೆ. ದೆಹಲಿ ಕ್ರೀಡಾಂಗಣದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ಮುಂಬೈ 20 ಓವರ್‌ಗೆ 5 ವಿಕೆಟ್‌ ನಷ್ಟಕ್ಕೆ 205 ರನ್ ಗಳಿಸಿತು. 206 ರನ್ ಗುರಿ ಬೆನ್ನತ್ತಿದ ಡೆಲ್ಲಿ 19 ಓವರ್‌ಗೆ 193ಕ್ಕೆ ಆಲೌಟ್‌ ಆಗಿ ಮೊದಲ ಸೋಲೊಪ್ಪಿಕೊಂಡಿತು.
ಈ ರಾಶಿಯವರು ಎಲೆಕ್ಟ್ರಿಕಲ್ ಕೆಲಸ ಹೊಂದಿದವರು ನಿರೀಕ್ಷೆಗೂ ಮೀರಿದ ಸಂಪಾದನೆ: ಸೋಮವಾರದ ರಾಶಿ ಭವಿಷ್ಯ14 ಏಪ್ರಿಲ್ 2025!
ಮುಂಬೈ ಪರ ತಿಲಕ್‌ ವರ್ಮಾ ಅರ್ಧಶತಕ ಗಳಿಸಿ (59 ರನ್, 33 ಬಾಲ್‌, 6 ಫೋರ್‌, 3 ಸಿಕ್ಸರ್) ಗಮನ ಸೆಳೆದರು. ರಯಾನ್ ರಿಕೆಲ್ಟನ್ 41, ಸೂರ್ಯಕುಮಾರ್‌ ಯಾದವ್‌ 40, ನಮನ್ ಧೀರ್ 38 (ಔಟಾಗದೇ) ರನ್ ಗಳಿಸಿದರು. ರೋಹಿತ್‌ ಶರ್ಮಾ (18 ರನ್) ಎಂದಿನಂತೆ ಬ್ಯಾಟಿಂಗ್‌ ವೈಫಲ್ಯ ಅನುಭವಿಸಿದರು. ಹಾರ್ದಿಕ್‌ ಪಾಂಡ್ಯ ಕೂಡ ಕೇವಲ 2 ರನ್ ಗಳಿಸಿ ಕೈಕೊಟ್ಟರು. ಅಂತಿಮವಾಗಿ ಮುಂಬೈ 5 ವಿಕೆಟ್‌ ಕಳೆದುಕೊಂಡು 205 ರನ್ ಗಳಿಸಿತು
206 ರನ್ ಗುರಿ ಬೆನ್ನತ್ತಿದ ಡೆಲ್ಲಿಗೆ ಆರಂಭಿಕ ಆಘಾತ ಎದುರಾಯಿತು. ಮೊದಲ ಎಸೆತಕ್ಕೆ ಜೇಕ್ ಫ್ರೇಸರ್-ಮೆಕ್‌ಗುರ್ಕ್ ಶೂನ್ಯ ಸುತ್ತಿ ಔಟಾಗಿ ಹೊರ ನಡೆದಿದ್ದು, ಅಭಿಮಾನಿಗಳಲ್ಲಿ ಶಾಕ್ ಮೂಡಿಸಿತು. ನಂತರ ಅಭಿಷೇಕ್ ಪೊರೆಲ್ ಮತ್ತು ಕರುಣ್ ನಾಯರ್ ಜೊತೆಯಾಟ ತಂಡಕ್ಕೆ ಗೆಲುವಿನ ಭರವಸೆ ಮೂಡಿಸಿತ್ತು. ಈ ಜೋಡಿ 61 ಬಾಲ್‌ಗೆ 119 ರನ್ ಗಳಿಸಿ ಉತ್ತಮ ಪ್ರದರ್ಶನ ನೀಡಿತು.
ತಂಡದ ಮೊತ್ತ 119 ಇದ್ದಾಗ ಪೊರೆಲ್ (33) ಔಟಾಗಿ ಹೊರ ನಡೆದರು. ಈ ಮಧ್ಯೆ ಕರುಣ್ ನಾಯರ್ ಏಕಾಂಗಿ ಹೋರಾಟ ನಡೆಸಿದರು. 40 ಬಾಲ್‌ಗೆ 12 ಫೋರ್‌, 5 ಸಿಕ್ಸರ್‌ನೊಂದಿಗೆ 89 ರನ್ ಸಿಡಿಸಿ ಮಿಂಚಿದರು. ಈ ಮಧ್ಯೆ ಮಿಚೆಲ್‌ ಸ್ಯಾಂಟ್ನರ್‌ಗೆ ಕ್ಲೀನ್‌ ಬೌಲ್ಡ್‌ ಆಗಿ ಹೊರ ನಡೆದರು. ಫಿನಿಷರ್‌ ಕೆ.ಎಲ್‌.ರಾಹುಲ್‌ ಕೂಡ ಕೇವಲ 15 ರನ್‌ಗೆ ಔಟಾಗಿದ್ದು, ಡೆಲ್ಲಿ ಫ್ಯಾನ್ಸ್‌ಗೆ ಮತ್ತಷ್ಟು ಶಾಕ್ ನೀಡಿತು.
ಇದಾದ ಮೇಲೆ ಯಾವೊಬ್ಬ ಬ್ಯಾಟರ್‌ ಹೆಚ್ಚು ಹೊತ್ತು ಕ್ರೀಸ್‌ನಲ್ಲಿ ನಿಲ್ಲಲಿಲ್ಲ. ಸಾಲು ಸಾಲು ರನ್ ಔಟ್‌ಗಳು ಡೆಲ್ಲಿ ತಂಡಕ್ಕೆ ಸೋಲಿನ ಹಾದಿ ತೋರಿಸಿತು. ಬೌಲಿಂಗ್‌ ಮತ್ತು ಫೀಲ್ಡಿಂಗ್‌ನಲ್ಲಿ ಹಾರ್ದಿಕ್‌ ಪಾಂಡ್ಯ ಪಡೆ ಗಮನ ಸೆಳೆಯಿತು.
