ಕಮಲ್ ಹಾಸನ್ ಹಚ್ಚಿದ ಕನ್ನಡ ಕಿಡಿ ಈಗ ದೊಡ್ಡ ಮಟ್ಟದ ಚರ್ಚೆ ಹುಟ್ಟುಹಾಕಿದೆ. ಕಮಲ್ ಕ್ಷಮೆ ಕೇಳಬೇಕು ಅಂತಾ ಕನ್ನಡಿಗರು ಪಟ್ಟು ಹಿಡಿದ್ರೆ ಅತ್ತ ನಾನು ಕ್ಷಮೆ ಕೇಳಲ್ಲ ಅಂತಾ ಮೋಡುತನವನ್ನು ಕಮಲ್ ಹಾಸನ್ ಪ್ರದರ್ಶಿಸುತ್ತಿದ್ದಾರೆ. ತಮಿಳಿನಿಂದ ಕನ್ನಡ ಹುಟ್ಟಿದ್ದು ಎಂಬ ವಿವಾದಾತ್ಮಕ ಹೇಳಿಕೆ ಕೊಟ್ಟಿದ್ದ ಕಮಲ್ ಹಾಸನ್ ವಿರುದ್ಧ ಟೀಕೆಗಳು ವ್ಯಕ್ತವಾಗುತ್ತಿವೆ. ಈ ನಡುವೆ ಕನ್ನಡ ವಿರೋಧಿ ಕಮಲ್‌ಗೆ ಕನ್ನಡತಿ ಪುಸ್ತಕ ಕೊಟ್ಟಿದ್ದಾರೆ.
ಕನ್ನಡತಿ ಸೀರಿಯಲ್‌ ಖ್ಯಾತಿಯ ರಂಜನಿ ರಾಘವನ್ ಕಮಲ್ ಹಾಸನ್ ಗೆ ಕನ್ನಡ ಪುಸ್ತಕ ಕೊಟ್ಟಿರುವ ಫೋಟೋ ವಿಡಿಯೋವನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ರಂಜನಿ ರಾಘವನ್ ನಟಿ ಮಾತ್ರ ಅಲ್ಲ, ಒಳ್ಳೆಯ ಬರಹಗಾರ್ತಿ ಕೂಡ ಹೌದು. ‘ಕತೆ ಡಬ್ಬಿ’ ಎಂಬ ಕಥಾಸಂಕಲನದ ಜೊತೆಗೆ ‘ಸ್ವೈಪ್ ರೈಟ್’ ರಂಜನಿ ರಾಘವನ್ ಹೊಸ ಪುಸ್ತಕ ಬರೆದಿದ್ದಾರೆ. ಈ ಪುಸ್ತಕವನ್ನು ಕಮಲ್ ಹಾಸನ್ ಗೆ ಕೊಟ್ಟಿದ್ದಾರೆ.
