ನೋಯ್ಡಾ-ಗ್ರೇಟರ್ ನೋಯ್ಡಾ ಎಕ್ಸ್‌ಪ್ರೆಸ್‌ವೇಯಲ್ಲಿ ಜೋಡಿಗಳು ತಬ್ಬಿಕೊಂಡು ಜಾಲಿರೈಡ್‌ ಹೋಗಿರುವ ವಿಡಿಯೋವೊಂದು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಯುವತಿ ಬೈಕ್‌ ನ ಮುಂಭಾಗದ ಪೆಟ್ರೋಲ್‌ ಟ್ಯಾಕ್‌ ಮೇಲೆ ಕುಳಿತು ತನ್ನ ಬಾಯ್‌ ಫ್ರೆಂಡ್‌ ನ್ನು ತಬ್ಬಿಕೊಂಡು ಕೂಳಿತುಕೊಂಡಿದ್ದಾಳೆ.
ಇಬ್ಬರು ಕೂಡ ಹೆಲ್ಮೆಟ್‌ ಧರಿಸಿಲ್ಲ. ಈ ಹುಚ್ಚಾಟದ ವಿಡಿಯೋವನ್ನು ಕಾರಿನಲ್ಲಿದ್ದ ಪ್ರಯಾಣಿಕನೊಬ್ಬ ಶೂಟ್‌ ಮಾಡಿ ಸೋಷಿಯಲ್‌ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ. ಜೂನ್ 15 ರಂದು ಚಿತ್ರೀಕರಿಸಲಾದ 19 ಸೆಕೆಂಡುಗಳ ದೃಶ್ಯ ವೈರಲ್‌ ಆಗಿದ್ದು ವ್ಯಾಪಾಟ ಟೀಕೆಗೆ ಕಾರಣವಾಗಿದೆ.
ಜೋಡಿಯು ಸಂಚಾರ ನಿಯಮಗಳನ್ನು ಸ್ಪಷ್ಟವಾಗಿ ನಿರ್ಲಕ್ಷಿಸಿದ್ದಕ್ಕಾಗಿ ಸಾಮಾಜಿಕ ಮಾಧ್ಯಮಗಳಲ್ಲಿ ಆಕ್ರೋಶ ಹೆಚ್ಚಾದಾಗ, ನೋಯ್ಡಾ ಸಂಚಾರ ಪೊಲೀಸರು ಜೋಡಿಗೆ ಶಾಕ್ ಕೊಟ್ಟಿದ್ದಾರೆ. ಮೋಟರ್‌ ವಾಹನ ಕಾಯ್ದೆಯಡಿ ಭಾರಿ ದಂಡ ವಿಧಿಸಿದ್ದಾರೆ. ರೋಡ್‌ ಮಧ್ಯೆ ಹುಚ್ಚಾಟ ಮೆರೆದ ಜೋಡಿಗೆ 53,500 ದಂಡ ವಿಧಿಸಲಾಗಿದೆ.
“ದೂರು ಸ್ವೀಕರಿಸಿ, ನಿಯಮಗಳ ಪ್ರಕಾರ ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಸಂಬಂಧಪಟ್ಟ ವಾಹನದ ವಿರುದ್ಧ ಇ-ಚಲನ್ (ರೂ. 53,500 ದಂಡ) ವಿಧಿಸಲಾಗಿದೆ” ಎಂದು ನೋಯ್ಡಾ ಸಂಚಾರ ಪೊಲೀಸರು X ಮೇಲಿನ ಕ್ರಮವನ್ನು ದೃಢಪಡಿಸಿದ್ದಾರೆ.
उक्त शिकायत का संज्ञान लेते हुए संबंधित वाहन के विरुद्ध यातायात नियमों का उल्लंघन करने पर नियमानुसार ई-चालान (जुर्माना 53500/- रुपए) की कार्यवाही की गई है। pic.twitter.com/oxFkPti07b
— Noida Traffic Police (@Noidatraffic) June 15, 2025
