ಬಣ್ಣದ ಜಗತ್ತಿನಲ್ಲಿ ದಿನಕ್ಕೊಂದು ಅಂತೇ ಕಂತೇ ಸುದ್ದಿಗಳು ಹರಿದಾಡುತ್ತಲೇ ಇರುತ್ತವೆ. ಅದ್ರಲ್ಲಿಯೂ ಸೆಲೆಬ್ರಿಟಿಗಳ ಮದುವೆ ಬಗ್ಗೆಯಂತೂ ಗಲ್ಲಿ ಗಾಸಿಪ್‌ ಕೇಳ್ತಾನೆ ಇರುತ್ತವೆ. ಇದೀಗ ಈ ಮದುವೆ ಮ್ಯಾಟರ್‌ ವಿಚಾರವಾಗಿ ಮುನ್ನೆಲೆಗೆ ಬಂದಿರುವುದು ಕಾವ್ಯಾ ಮಾರನ್.
ಐಪಿಎಲ್‌ ಪ್ರಿಯರಿಗೆ ಕಾವ್ಯಾ ಮಾರನ್ ಯಾರು ಅನ್ನೋದು ಗೊತ್ತೇ ಇರುತ್ತದೆ. ಹೈದ್ರಾಬಾದ್‌ ಸನ್‌ ರೈಸರ್ಸ್‌ ಒಡತಿಯೇ ಈ ಕಾವ್ಯಾ ಮಾರನ್. ಸನ್‌ ಗ್ರೂಫ್‌ ಒಡೆಯ ಕಲಾನಿಧಿ ಮಾರನ್ ಸುಪತ್ರಿ. ಬರೋಬ್ಬರಿ 500 ಕೋಟಿ ಒಡೆತಿಯಾಗಿರುವ ಕಾವ್ಯಾ ಕಲ್ಯಾಣ ವಿಚಾರವಾಗಿ ಮುನ್ನೆಲೆಗೆ ಬಂದಿದೆ.
ಕಲಾನಿಧಿ ಮಗಳು ಕಾವ್ಯಾ ಸಪ್ತಪದಿ ತುಳಿಯಲು ಸಜ್ಜಾಗಿದ್ದಾರಂತೆ. ರಜನಿಕಾಂತ್ ಸಂಬಂಧಿ ಜೊತೆ ಕಾವ್ಯಾ ಕಲ್ಯಾಣವಂತೆ. ಅಷ್ಟಕ್ಕೂ ಯಾರು ತಲೈವ ಸಂಬಂಧಿ ಅಂತೀರಾ? ಅವ್ರೇ ಖ್ಯಾತ ಸಂಗೀತ ನಿರ್ದೇಶಕ ಅನಿರುದ್ಧ್ ರವಿಚಂದರ್. ರಜನಿಕಾಂತ್ ಅವರ ಸೋದರಳಿಯ ಅನಿರುದ್ದ್‌.
ಜೈಲರ್‌, ವಿಕ್ರಂ, ಬೀಸ್ಟ್‌, ಜವಾನ್‌ ಸೇರಿದಂತೆ ಹಲವು ಚಿತ್ರಗಳಿಗೆ ಸಂಗೀತ ನಿರ್ದೇಶನ ಮಾಡಿರುವ ಅನಿರುದ್ಧ್ ಜೊತೆ ಕಾವ್ಯಾ ಮಾರನ್ ಹಸೆಮಣೆ ಏರಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಈ ಜೋಡಿ ಬಹಳ ವರ್ಷದಿಂದ ಡೇಟಿಂಗ್‌ ಮಾಡುತ್ತಿರುವ ಬಗ್ಗೆ ಸುದ್ದಿ ಇತ್ತು. ಇದೀಗ ಕುಟುಂಬ ಇವರಿಗೆ ಮದುವೆ ಮಾಡಲು ಮುಂದಾಗಿದ್ದಾರೆ ಎನ್ನಲಾಗುತ್ತಿದೆ.
ಅನಿರುದ್ಧ್ ಮತ್ತು ಕಾವ್ಯಾ ಮಾರನ್ ವಿವಾಹದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ದೊಡ್ಡದಾಗಿ ಚರ್ಚೆಗಳು ಆಗುತ್ತಿವೆ. ಈ ಬಗ್ಗೆ ಈ ಜೋಡಿ ಏನ್‌ ಹೇಳಿದೆ ಅನ್ನೋದನ್ನು ಕಾದುನೋಡಬೇಕಿದೆ.
