ಗೂಗಲ್‌ ನ್ಯಾಷನಲ್‌ ಕ್ರಶ್‌ ರಶ್ಮಿಕಾ ಮಂದಣ್ಣ ಹಾಗೂ ತೆಲುಗಿನ ರೌಡಿಭಾಯ್‌ ವಿಜಯ್ ದೇವರಕೊಂಡ ಏನಿಲ್ಲ ಏನಿಲ್ಲ ನಮಿಬ್ಬರ ನಡುವೆ ಏನಿಲ್ಲ ಎನ್ನುತ್ತಲೇ ಕದ್ದು ಮುಚ್ಚಿ ಡೇಟಿಂಗ್‌ ಮಾಡುತ್ತಿದ್ದಾರೆ ಎಂಬ ಗುಲ್ಲಿದೆ. ಅದಕ್ಕೆ ಪುಷ್ಠಿ ಎನ್ನುವಂತೆ ಈ ಜೋಡಿ ಒಟ್ಟಿಗೆ ಟ್ರಿಪ್, ಶಾಪಿಂಗ್‌ ಅಂತಾ ಸುತ್ತವ ಫೋಟೋಗಳು ವೈರಲ್‌ ಆಗುತ್ತಲೇ ಇರುತ್ತವೆ. ಈಗ ಮುಂಬೈ ಹೋಟೆಲ್‌ ವೊಂದರಲ್ಲಿ ಡಿಯರ್‌ ಕಾಮ್ರೇಡ್‌ ಜೋಡಿ ಕ್ಯಾಮೆರಾ ಕಣ್ಣಿಗೆ ಸಿಕ್ಕಿಬಿದ್ದಿದ್ದಾರೆ.
ಸಿಕಂದರ್‌ ಬಿಡುಗಡೆ ಖುಷಿಯಲ್ಲಿರುವ ರಶ್ಮಿಕಾ ಮಂದಣ್ಣ ತಮ್ಮ ಗೆಳೆಯ ಎಂದು ಹೇಳಿಕೊಳ್ಳುವ ವಿಜಯ್ ದೇವರಕೊಂಡ ಜೊತೆ ಮುಂಬೈ ಖಾಸಗಿ ಹೋಟೆಲ್‌ ನಲ್ಲಿ ಲಂಚ್ ಮಾಡಿದ್ದಾರೆ. ಪಾಪಾರಾಜಿಗಳಿಂದ ತಪ್ಪಿಸಿಕೊಳ್ಳೋದಿಕ್ಕೆ ಈ ಜೋಡಿ ಮಾಸ್ಕ್‌ ಧರಿಸಿ ತಲೆಗೆ ಕ್ಯಾಪ್‌ ಹಾಕಿಕೊಂಡು ಬಂದಿದೆ. ಆದರೆ ಇಬ್ಬರು ಬೇರೆ ಬೇರೆ ಕಾರ್‌ಗಳಲ್ಲಿ ಬಂದಿದ್ದಾರೆ. ಪಾಪರಾಜಿಗಳನ್ನು ನೋಡುತ್ತಿದ್ದಂತೆ ಮಾಸ್ಕ್‌ ತೆಗೆದು ರಶ್ಮಿಕಾ ನಗುತ್ತಲೇ ಪೋಸ್‌ ನೀಡಿದ್ದಾರೆ. ಆದರೆ ವಿಜಯ್ ದೇವರಕೊಂಡ ಗುರುತೇ ಸಿಗದ ಹಾಗೆ ಮಾಸ್ಕ್‌ ಧರಿಸಿ ತಲೆಗೆ ಟೋಪಿ ತೊಟ್ಟು, ಹೋಟೆಲ್‌ ಒಳಗೆ ಹೋಗಿದ್ದಾರೆ. ಇಬ್ಬರು ಲಂಚ್ ಡೇಟಿಂಗ್‌ ಹೋಗಿರುವ ವಿಡಿಯೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿವೆ.
ಗೀತಾ ಗೋವಿಂದ, ಡಿಯರ್‌ ಕಾಮ್ರೇಡ್‌ ಸಿನಿಮಾಗಳಲ್ಲಿ ರಶ್ಮಿಕಾ ಮಂದಣ್ಣ ಹಾಗೂ ವಿಜಯ್ ದೇವರಕೊಂಡ ಒಟ್ಟಿಗೆ ನಟಿಸಿದ್ದಾರೆ. ವಿಜಯ್ ಮನೆಯಲ್ಲಿ ನಡುವೆಯುವ ಕಾರ್ಯಕ್ರಮಗಳಲ್ಲಿ ರಶ್ಮಿಕಾ ಹಾಜರಾತಿ ಇದ್ದೇ ಇರುತ್ತದೆ. ಇಬ್ಬರಿಬ್ಬರ ನಡುವೆ ಸಂಥಿಂಗ್‌ ಸಂಥಿಂಗ್‌ ಇದೆ ಅಂತಾ ಇಡೀ ಸಿನಿರಂಗ ಮಾತನಾಡಿಕೊಳ್ಳುತ್ತದೆ. ಆದರೆ ವಿಜಯ್ ರಶ್ಮಿಕಾ ಮಾತ್ರ ವಿಆರ್‌ ಜಸ್ಟ್‌ ಫ್ರೆಂಡ್‌ ಅಂತಾರೆ. ಆದ್ರೆ ರೌಡಿಬಾಯ್‌ ಫ್ಯಾನ್ಸ್‌ ಮಾತ್ರ ರಶ್ಮಿಕಾನೇ ನಮ್ಮ ಅತ್ತಿಗೆ ಅಂತಾ ಫಿಕ್ಸ್‌ ಆಗಿದ್ದಾರೆ.
