ಬಾಲಿವುಡ್‌ ಭಾಯಿಜಾನ್‌ ಸಲ್ಮಾನ್‌ ಖಾನ್ ಸೋಲಿನಿಂದ ಕಂಬ್ಯಾಕ್‌ ಆಗೋದಿಕ್ಕೆ ಸರ್ಕಸ್‌ ಮಾಡುತ್ತಲೇ ಇದ್ದಾರೆ. ಸಾಲು ಸಾಲು ಸೋಲುಗಳು ಸಲ್ಲುಮೀಯಾ ಅವರನ್ನು ಕಾಡುತ್ತಿದೆ. ಈ ಸೋಲುಗಳಿಗೆ ಟಕ್ಕರ್‌ ಕೊಟ್ಟು ಗೆಲುವಿನ ಹಾದಿಗೆ ಕಂಬ್ಯಾಕ್‌ ಮಾಡೋದಿಕ್ಕೆ ಟೈಗರ್‌ ರೆಡಿಯಾಗ್ತಿದೆ. ತಮ್ಮ ಮುಂದಿನ ಚಿತ್ರಕ್ಕಾಗಿ ಸಲ್ಮಾನ್‌ ಖಾನ್ ದೇಹ ಹುರಿಗೊಳಿಸುವಂತೆ ಕಾಣ್ತಿದೆ.
ಸಲ್ಮಾನ್‌ ಖಾನ್ ಸೋಷಿಯಲ್‌ ಮೀಡಿಯಾದಲ್ಲಿ ತಮ್ಮ ವರ್ಕೌಟ್‌ ಫೋಟೋ ಹಂಚಿಕೊಂಡಿದ್ದಾರೆ. ಫೋಟೋ ನೋಡಿ ಫ್ಯಾನ್ಸ್‌ ಹುಬ್ಬೇರಿಸುತ್ತಿದ್ದಾರೆ. 59ನೇ ವಯಸ್ಸಿನಲ್ಲಿಯೋ ಅದೇನ್‌ ಫಿಟ್ನೆಸ್ ಗುರು. ಟೈಗರ್‌ ಕಂಬ್ಯಾಕ್‌ ಅಂತಾ ಫ್ಯಾನ್ಸ್‌ ಹುಬ್ಬೇರಿಸುತ್ತಿದ್ದಾರೆ. ಮೋಟಿವೇಷನ್ ನೀಡಿದ್ದಕ್ಕೆ ಧನ್ಯವಾದ ಎಂದು ಎರಡು ಖಡಕ್‌ ಪೋಸ್ಟರ್‌ ಹಂಚಿಕೊಂಡಿದ್ದಾರೆ.
ಸಿಕಂದರ್‌ ಸೋಲಿನ ಬಳಿಕ ಸಲ್ಮಾನ್‌ ಖಾನ್ ಮತ್ತೆ ಸೌತ್‌ ನಿರ್ದೇಶಕರ ಜೊತೆ ಕೈ ಜೋಡಿಸುತ್ತಿದ್ದಾರೆ ಎಂಬ ಸುದ್ದಿ ಇದೆ. ಪವನ್‌ ಕಲ್ಯಾಣ್‌ ಗೆ ಗಬ್ಬರ್‌ ಸಿಂಗ್‌ ಚಿತ್ರ ನಿರ್ದೇಶಿಸಿದ್ದ ಹರೀಶ್‌ ಶಂಕರ್‌ ಸಲ್ಮಾನ್‌ ಖಾನ್ ಮುಂದಿನ ಚಿತ್ರ ನಿರ್ದೇಶಿಸಲಿದ್ದಾರೆ ಎಂಬ ಸುದ್ದಿ ಇದೆ. ಅಲ್ಲದೇ ಇತ್ತೀಚೆಗೆ ಸಲ್ಲು ಲೋಕೇಶ್‌ ಕನಗರಾಜ್‌ ಸಿನಿಮಾ ಮಾಡಲು ಉತ್ಸಾಹ ತೋರಿದ್ದಾರೆ ಎಂಬ ಸುದ್ದಿ ಕೂಡ ಇದೆ.
