ಶ್ರೀಲೀಲಾ ಡಿಮ್ಯಾಂಡ್‌ ಬಗ್ಗೆ ಹೊಸದಾಗಿ ಹೇಳೋದೇನು ಬೇಡ. ಕನ್ನಡದ ಬೆಳ್ಳಿಪರದೆಗೆ ತುಂಟ ತುಟಿಗಳ ಮೂಲಕ ಕಿಸ್‌ ಕೊಟ್ಟ ಹುಡ್ಗಿ ಅಲ್ಲು ಅರ್ಜನ್‌ ಜೊತೆ ಕಿಸ್ಸಿಕ್‌ ಎಂದು ಕುಣಿದು ಈಗ ಬಾಲಿವುಡ್‌ ನಲ್ಲಿ ಬೇಜಾನ್‌ ಬ್ಯುಸಿಯಾಗಿದ್ದಾರೆ. ಶ್ರೀಲೀಲಾ ಸದ್ಯ ಆಶಿಕಿ 3 ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಆದಾದ ಬಳಿಕ ಮತ್ತೊಂದು ಹಿಂದಿ ಚಿತ್ರಕ್ಕೂ ಸಹಿ ಮಾಡಿರುವ ಸುದ್ದಿ ಇದೆ. ಈ ನಡುವೆ ಶ್ರೀಲೀಲಾ ರಾಮ್‌ ಚರಣ್‌ ಜೊತೆ ನಟಿಸುವ ಹೊಸ ಸುದ್ದಿ ಮುತ್ತಿನ ನಗರಿಯಿಂದ ತೂರಿಬಂದಿದೆ.
ಶ್ರೀಲೀಲಾ ರಾಮ್‌ ಚರಣ್‌ ಜೊತೆ ನಟಿಸುತ್ತಿದ್ದಾರೆ. ಆದ್ರೆ ನಾಯಕಿಯಾಗಿ ಅಲ್ಲ. ಬದಲಿಗೆ ಸ್ಪೆಷಲ್‌ ನಂಬರ್‌ ನಲ್ಲಿ ಗ್ಲೋಬಲ್‌ ಸ್ಟಾರ್‌ ಜೊತೆ ಡಾಕ್ಟರಮ್ಮ ಕಾಲು ಶೇಕ್‌ ಮಾಡಲಿದ್ದಾರೆ ಎಂಬ ಸುದ್ದಿ ಹರಿದಾಡ್ತಿದೆ. ಬುಚ್ಚಿ ಬಾಬು ಸನಾ ನಿರ್ದೇಶನದ ಪೆದ್ದಿ ಸಿನಿಮಾದಲ್ಲಿ ಜಾನ್ವಿ ಕಪೂರ್‌ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಈ ಮೊದ್ಲೂ ನಾಯಕಿ ಪಾತ್ರಕ್ಕೆ ಶ್ರೀಲೀಲಾ ಅವರನ್ನೇ ಚಿತ್ರತಂಡ ಅಪ್ರೋಚ್‌ ಮಾಡಿತ್ತು ಎಂಬ ಸುದ್ದಿ ಇದೆ. ಆದ್ರೆ ಅದ್ಯಾವ ಕಾರಣ ಶ್ರೀಲೀಲಾ ರಿಜೆಕ್ಟ್‌ ಮಾಡಿದ್ರೋ ಗೊತ್ತಿಲ್ಲ. ಈಗ ಡ್ಯಾನ್ಸಿಂಗ್‌ ನಂಬರ್‌ಗೆ ಈ ಜೋಡಿ ಜೊತೆಯಾಗುತ್ತಿರುವ ಬಗ್ಗೆ ಗುಲ್ಲೆದಿದೆ.
ಅಲ್ಲು ಅರ್ಜುನ್‌ ಜೊತೆ ಕಿಸ್ಸಿಕ್‌ ಎಂದು ಕುಣಿದಿದ ಬಳಿಕ ಶ್ರೀಲೀಲಾ ಸಿಕ್ಕಾಪಟ್ಟೆ ಫೇಮಸ್‌ ಆಗಿದ್ದಾರೆ. ಹೇಳಿಕೇಳಿ ನೃತ್ಯದಲ್ಲಿ ಈಕೆ ಪ್ರವೀಣೆ, ಇನ್ನೂ ರಾಮ್‌ ಚರಣ್‌ ಕೂಡ ಅದ್ಭುತ ಡ್ಯಾನ್ಸರ್. ಈ ಜೋಡಿ ಒಂದಾಗಿ ಹೆಜ್ಜೆ ಹಾಕಿದ್ದಾರೆ ಆ ಸಿಂಗಿಂಗ್‌ ಸೆನ್ಸೇಷನಲ್‌ ಆಗೋದ್ರಲ್ಲಿ ಡೌಟ್‌ ಬೇಡ ಅಂತಿದೆ ಟಾಲಿವುಡ್.
