ನಗರ ಪ್ರದೇಶಗಳಲ್ಲಿ ಎತ್ತರದ ಕಟ್ಟಡಗಳು ಮತ್ತು ಎತ್ತರದ ಅಪಾರ್ಟ್ಮೆಂಟ್ಗಳು ಹೆಚ್ಚು. ಆದ್ದರಿಂದ ಮೇಲಿನ ಹಂತಗಳಿಗೆ ತಲುಪಲು ಎಲಿವೇಟರ್ಗಳನ್ನು ಹೆಚ್ಚಾಗಿ ಬಳಸಲಾಗುತ್ತದೆ. ಅಲ್ಲದೇ ಲಿಫ್ಟ್ ಮೂಲಕ ನೀವು ತಲುಪಬೇಕಾದ ಸ್ಥಳಕ್ಕೆ ಬೇಗನೇ ಹೋಗಲು ಸುಲಭವಾಗುತ್ತದೆ.
ಆದರೆ ಲಿಫ್ಟ್ ಸರಿಯಾಗಿ ಕಾರ್ಯನಿರ್ವಹಿಸದೇ ಇದ್ದರೆ, ಅದು ಹಾನಿಗೊಳಗಾಗಬಹುದು. ಲಿಫ್ಟ್ನಲ್ಲಿನ ಸಮಸ್ಯೆಯಿಂದಾಗಿ ಅದು ಇದ್ದಕ್ಕಿದ್ದಂತೆ ಸ್ಥಗಿತಗೊಳ್ಳಬಹುದು. ಈ ಸಮಯದಲ್ಲಿ ಒಂದು ವೇಳೆ ನೀವು ಲಿಫ್ಟ್ನಲ್ಲಿ ಒಬ್ಬಂಟಿಯಾಗಿದ್ದರೆ ನಿಮಗೆ ಗಾಬರಿ ಆಗಬಹುದು. ಇಂತಹ ಪರಿಸ್ಥಿತಿಯಲ್ಲಿ ನೀವು ಲಿಫ್ಟ್ನಲ್ಲಿ ಸಿಲುಕಿಕೊಂಡರೆ ಏನು ಮಾಡಬೇಕು ಎಂಬುವುದರ ಬಗ್ಗೆ ಕೆಲ ಟಿಪ್ಸ್ ನಾವಿಂದು ನಿಮಗೆ ನೀಡುತ್ತೇವೆ.
ಕೆಲವೊಮ್ಮೆ ಲಿಫ್ಟ್ಗಳಲ್ಲಿ ಹೋಗುವಾಗ ತನ್ನಷ್ಟಕ್ಕೇ ಆಫ್ ಆಗುತ್ತವೆ. ಈ ಸಂದರ್ಭದಲ್ಲಿ ಹೆಚ್ಚಿನವರು ಲಿಫ್ಟ್ನಲ್ಲೇ ಸಿಕಿಕೊಳ್ಳುತ್ತಾರೆ. ಹಾಗಿದ್ರೆ ಲಿಫ್ಟ್ನಲ್ಲಿ ಸಿಕ್ಕಿಕೊಂಡಾಗ ಏನು ಮಾಡ್ಬೇಕು ಮತ್ತು ಮಾಡಬಾರದಂತಹ ವಿಷಯಗಳು ಇಲ್ಲಿವೆ ನೋಡಿ.
ಯಾವತ್ತೂ ಅಷ್ಟೇ ಲಿಫ್ಟ್ ಬಳಸುವಾಗ ಬಹಳ ಜಾಗರೂಕರತೆಯಿಂದಿರಬೇಕು. ಯಾವುದೇ ಅರ್ಜೆಂಟ್ನಲ್ಲಿ ಓವರ್ಲೋಡ್ ಮಾಡ್ಬೇಡಿ. ಲಿಫ್ಟ್ ಬಳಸೋ ಮೊದಲು ಅದರಲ್ಲಿ ಒಂದೇ ಬಾರಿ ಸಾಗಬಹುದಾದ ಜನರ ಸಂಖ್ಯೆಯ ಮೇಲಿನ ಮಿತಿಯನ್ನು ತಿಳಿದುಕೊಳ್ಳಿ.
ನೀವು ಒಂದು ವೇಳೆ ಲಿಫ್ಟ್ನಲ್ಲಿ ಸಿಲುಕಿಕೊಂಡಾಗ ಮೊದಲಿಗೆ ಅಲ್ಲಿರೋ ಅಲಾರಂ ಬಟನ್ ಅನ್ನು ಪ್ರೆಸ್ ಮಾಡಿ. ನಂತರ ಫೋನ್ನಲ್ಲಿ ನಿಮ್ಮ ಸ್ನೇಹಿತರಿಗೆ ಅಥವಾ ಅಲ್ಲಿರುವವರಿಗೆ ತಿಳಿಸಿ. ಇನ್ನು ನೀವು ಹೋಗೋ ಲಿಫ್ಟ್ ಸರಿಯಾಗಿ ಕಾರ್ಯನಿರ್ವಹಿಸುತ್ತಿದ್ಯಾ ಎಂದು ಮೊದಲು ನೋಡಿಕೊಳ್ಳಿ.
ಲಿಫ್ಟ್ನಲ್ಲಿ ಸಿಕ್ಕಿಕೊಂಡಾಗ ಮೊದಲು ಏನು ಮಾಡ್ಬೇಕು?: ನೀವು ಯಾವತ್ತಾದ್ರು ಲಿಫ್ಟ್ ಕೈ ಕೊಟ್ಟು ಸಿಕ್ಕಿಬಿದ್ದಾಗ, ತಕ್ಷಣ ಅಲ್ಲಿರುವ ಫೋನ್ ತೆಗೆದು ಭದ್ರತಾ ಸಿಬ್ಬಂದಿಗೆ ಮಾಹಿತಿ ನೀಡಿ. ಆದರೆ ಆ ಸಂದರ್ಭದಲ್ಲಿ ಯಾವತ್ತೂ ಆಫ್ ಅಥವಾ ಆನ್ ಮಾಡಲು ಪದೇ ಪದೇ ಒತ್ತಬೇಡಿ.
ಇನ್ನು ಲಿಫ್ಟ್ ಕೈಕೊಟ್ಟ ಬಗ್ಗೆ ಭದ್ರತಾ ಸಿಬ್ಬಂದಿಗೆ ಮಾಹಿತಿ ನೀಡಿದ ಮೇಲೂ ಏನೂ ಕ್ರಮ ಕೈಗೊಳ್ಳದಿದ್ದರೆ, ತಕ್ಷಣ ಪೊಲೀಸರಿಗೆ ಮಾಹಿತಿ ನೀಡಿ. ಹಾಗೆಯೇ ತರಾತುರಿಯಲ್ಲಿ ಯಾವತ್ತೂ ಲಿಫ್ಟ್ ಒಳಗಿರುವ ಬಟನ್ಗಳನ್ನು ಪ್ರೆಸ್ ಮಾಡಲು ಹೋಗ್ಬೇಡಿ. ಇದರಿಂದ ಲಿಫ್ಟ್ ಮತ್ತಷ್ಟು ಹಾನಿಯಾಗತ್ತದೆ.
ಅದೇ ರೀತಿ ಒಂದು ವೇಳೆ ನಿಮ್ಮ ಪಕ್ಕದಲ್ಲಿ ಭೂಕಂಪ, ಬೆಂಕಿ ಅವಘಡಗಳಾದಾಗ ಯಾವತ್ತೂ ಲಿಫ್ಟ್ ಬಳಸಲೇ ಬಾರದು. ಯಾಕೆಂದರೆ ಈ ಸಂದರ್ಭದಲ್ಲಿ ಲಿಫ್ಟ್ ಸರಿಯಾಗಿ ಕಾರ್ಯನಿರ್ವಹಿಸುವುದಿಲ್ಲ. ಇನ್ನು ಈ ರೀತಿಯ ಅವಘಡಗಳು ಆಗುವ ಸಂದರ್ಭಗಳಿದ್ರು ಲಿಫ್ಟ್ ಬಳಸಲೇಬಾರದು.
ಹಾಗೆಯೇ ಲಿಫ್ಟ್ ಒಳಗೆ ಎಂದಿಗೂ ಜಿಗಿಯಬಾರದು ಮತ್ತು ಜೋರಾಗಿ ಮಾತನಾಡಬಾರದು. ಇನ್ನು ಚಿಕ್ಕ ಮಕ್ಕಳನ್ನು ಒಂಟಿಯಾಗಿ ಲಿಫ್ಟ್ನಲ್ಲಿ ಬಿಡಬೇಡಿ. ಆದರೆ ಅಗತ್ಯವಾಗಿ ಹೋಗಬೇಕಂದ್ರೆ ಲಿಫ್ಟ್ ಬಳಕೆ ಬಗ್ಗೆ ಮಾಹಿತಿಯನ್ನು ನೀಡಿ ಕಳುಹಿಸಬೇಕು.
