ಹಲ್ಲಿಗಳನ್ನು ಸಮೃದ್ಧಿ ಮತ್ತು ಸಂಪತ್ತಿನ ದೇವತೆಯಾದ ಲಕ್ಷ್ಮಿ ದೇವಿಯ ಸಂದೇಶವಾಹಕರು ಎಂದು ಪರಿಗಣಿಸಲಾಗುತ್ತದೆ. ಮನೆಯಲ್ಲಿ ಹಲ್ಲಿಯನ್ನು ನೋಡುವುದು ಮಂಗಳಕರ ಸೂಚನೆಯಾಗಿದೆ. ಇದು ಆರ್ಥಿಕ ಲಾಭ ಮತ್ತು ಯಶಸ್ಸಿನ ರೂಪವಾಗಿ ಕಾರ್ಯನಿರ್ವಹಿಸುತ್ತದೆ. ಇದು ಜ್ಞಾನ ಮತ್ತು ಅಭಿವೃದ್ಧಿಯ ಸಂಕೇತವೆಂದೂ ಹೇಳಲಾಗುತ್ತದೆ. ಏಕೆಂದರೆ ಹಲ್ಲಿಗಳು ಹೆಚ್ಚಾಗಿ ಎತ್ತರದ ಸ್ಥಳಗಳಲ್ಲಿ ವಾಸಿಸುತ್ತವೆ, ಇದು ಆಧ್ಯಾತ್ಮಿಕ ಉನ್ನತಿಯ ಸಂಕೇತವಾಗಿದೆ. ಆದರೆ, ಕೆಲವು ನಂಬಿಕೆಗಳ ಪ್ರಕಾರ, ಹಲ್ಲಿಯು ನಕಾರಾತ್ಮಕತೆ ಮತ್ತು ದುಷ್ಟಶಕ್ತಿಗಳ ರೂಪಕವಾಗಿದೆ. ಇದರೊಂದಿಗೆ ಮನೆಯಲ್ಲಿ ಹಲ್ಲಿಯೊಂದು ಮರಣಹೊಂದಿದರೆ ಅದನ್ನು ಅಶುಭವೆಂದು ಪರಿಗಣಿಸಲಾಗುತ್ತದೆ.
Friday Tips: ಶುಕ್ರವಾರ ಈ ಒಂದು ಕೆಲಸ ಮಾಡಿದ್ರೆ ಸಾಕು ಬೇಡ ಬೇಡ ಎಂದರೂ ಹಣ ಬರುತ್ತೆ.!
ಪ್ರತಿಯೊಬ್ಬರ ಮನೆಯಲ್ಲೂ ಹಲ್ಲಿ ಸಾಮಾನ್ಯವಾಗಿ ಇದ್ದೇ ಇರುತ್ತೆ. ಮನೆಯ ಸದಸ್ಯರಂತೆ ನಮ್ಮೊಡನೆ ಅವು ಕೂಡ ಜೀವಿಸುತ್ತಿರುತ್ತೆ. ಇವು ಮನೆಯ ಗೋಡೆ ಮೇಲೆ ಹರಿಯುತ್ತಿರುತ್ತೆ. ಬಾಗಿಲು ಮತ್ತು ಕಿಟಕಿಗಳು ತೆರೆದಿದ್ದಾಗ ಇವು ಹೊರಗಡೆಯಿಂದ ನಮ್ಮ ಮನೆಗೆ ಅತಿಥಿಯಾಗಿ ಬರುತ್ತೆ. ತದನಂತೆ ಅವುಗಳ ಸಂಖ್ಯೆ ಮನೆಯಲ್ಲಿ ಹೆಚ್ಚುತ್ತಾ ಹೋಗುತ್ತದೆ. ನಮ್ಮಲ್ಲಿ ಹಲ್ಲಿ ಅಥವಾ ಪಲ್ಲಿಗೆ ಹೆದರುವವರು ಅನೇಕರಿದ್ದಾರೆ. ಇಂದಿನ ಯುಗದಲ್ಲಿ ಹಲ್ಲಿಗೆ ಸಂಬಂಧಿಸಿದ ಅನೇಕ ತಪ್ಪು ಕಲ್ಪನೆಗಳಿವೆ. ಅವುಗಳ ಕುರಿತು ಸಂಕ್ಷಿಪ್ತವಾಗಿ ತಿಳಿಯೋಣ ಬನ್ನಿ.
ಮಸುಕಾದ ಬಿಳಿ ಹಲ್ಲಿ ಸಾಮಾನ್ಯವಾಗಿ ಎಲ್ಲರ ಮನೆಯಲ್ಲಿಯೂ ಕಂಡುಬರುತ್ತದೆ. ಆದರೆ ನೀವು ಮನೆಯಲ್ಲಿ ಕಪ್ಪು ಬಣ್ಣದ ಹಲ್ಲಿಯನ್ನು ಕಂಡರೆ ಸ್ವಲ್ಪ ಜಾಗರೂಕರಾಗಿರಿ. ಇದು ನಮಗೆ ಮುಂದೆ ಆಗುವ ಕೆಲವು ಕೆಟ್ಟ ಸಂಗತಿಗಳ ಸೂಚನೆಯನ್ನು ನೀಡುತ್ತದೆ ಎಂದು ಹೇಳಲಾಗುತ್ತದೆ. ಶಕುನ ಶಾಸ್ತ್ರದಲ್ಲಿ, ಹಲ್ಲಿಯನ್ನು ಶಕ್ತಿ, ಗ್ರಹಗಳು ಮತ್ತು ಅದೃಷ್ಟದಲ್ಲಿನ ಬದಲಾವಣೆಗಳಿಗೆ ಸಂಬಂಧಿಸಿದೆ ಎಂದು ಪರಿಗಣಿಸಲಾಗಿದೆ. ಇದೀಗ ನಾವು ಮನೆಯಲ್ಲಿ ಕಪ್ಪು ಹಲ್ಲಿ ಕಂಡರೆ ಏನಾಗುತ್ತೆ. ಇದರ ಅಶುಭ ಚಿಹ್ನೆಗಳು ಯಾವವು ಎಂದು ತಿಳಿಯೋಣ ಬನ್ನಿ.
ಮನೆಯಲ್ಲಿ ಕಪ್ಪು ಹಲ್ಲಿ ಕಂಡುಬಂದರೆ, ಅದನ್ನು ನಕಾರಾತ್ಮಕತೆಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಇದು ಮನೆಯಲ್ಲಿ ಏನೋ ಸಂಭವಿಸಲಿದೆ ಎಂಬುದರ ಸಂಕೇತವಾಗಿರಬಹುದು. ಮನೆಯಲ್ಲಿ ಒಂದೇ ಸ್ಥಳದಲ್ಲಿ ಕಪ್ಪು ಬಣ್ಣದ ಹಲ್ಲಿಯನ್ನು ಪದೇ ಪದೇ ನೋಡುವುದು ಅಶುಭವೆಂದು ಪರಿಗಣಿಸಲಾಗಿದೆ
ದೇವರ ಕೋಣೆಯಲ್ಲಿ ಕಪ್ಪು ಹಲ್ಲಿಗಳು ಕಾಣಿಸಿಕೊಳ್ಳುವುದು ದೇವರು ಮತ್ತು ದೇವತೆಗಳ ಅಸಮಾಧಾನಕ್ಕೆ ಕಾರಣವಾಗಬಹುದು ಅಥವಾ ನಾವು ಮಾಡುತ್ತಿರುವ ಪೂಜೆಯಲ್ಲಿ ಏನೋ ಕೊರತೆ ಅಥವಾ ಅಶುದ್ಧತೆ ಇರಬಹುದು ಎಂದರ್ಥ.
ಶನಿಯೊಂದಿಗೆ ಕಪ್ಪು ಹಲ್ಲಿಯ ಸಂಬಂಧ: ಕಪ್ಪು ಹಲ್ಲಿ ಶನಿಗೆ ಸಂಬಂಧಿಸಿದೆ. ಕಪ್ಪು ಹಲ್ಲಿಯು ಆಗಾಗ್ಗೆ ಕಾಣಿಸಿಕೊಂಡರೆ, ಇದರರ್ಥ ಶನಿಯ ಪ್ರಭಾವ ಹೆಚ್ಚುತ್ತಿದೆ ಎಂಬುದರ ಸೂಚನೆಯಾಗಿದೆ ಎಂದು ಅರ್ಥೈಸಿಕೊಳ್ಳಬೇಕು.
ಕೋಣೆಯಲ್ಲಿ ಕಪ್ಪು ಹಲ್ಲಿಗಳು: ಮಲಗುವ ಕೋಣೆಯಲ್ಲಿ ಕಪ್ಪು ಹಲ್ಲಿಗಳನ್ನು ನೋಡಿದರೆ, ಅದು ಆರೋಗ್ಯ ಸಮಸ್ಯೆಗಳಿಗೆ ಅಥವಾ ವೈವಾಹಿಕ ಜೀವನದಲ್ಲಿ ಜಗಳಕ್ಕೆ ಕಾರಣವಾಗಬಹುದು. ಸಂಗಾತಿಯೊಂದಿಗೆ ಬಿರುಕು ಉಂಟಾಗುವ ಸಾಧ್ಯತೆಗಳು ಹೆಚ್ಚಾಗಬಹುದು.
ಸೇಫ್ ಲಾಕರ್‌ ಬಳಿ ಅಥವಾ ಹಣವಿಡುವ ಸ್ಥಳದ ಬಳಿ ಕಪ್ಪು ಹಲ್ಲಿ ಕಂಡುಬಂದರೆ, ಅದು ಹಣ ಕಾಣೆಯಾಗುವ ಸಾಧ್ಯತೆಯನ್ನು ಸೂಚಿಸುತ್ತದೆ. ಇದರರ್ಥ ನಿಮ್ಮ ಹಣ ಕಳೆದುಹೋಗಬಹುದು ಅಥವಾ ಎಲ್ಲೋ ಸಿಲುಕಿಕೊಳ್ಳಬಹುದು ಎಂದರ್ಥ.
ಅಡುಗೆಮನೆಯಲ್ಲಿ ಕಪ್ಪು ಹಲ್ಲಿ: ಅಡುಗೆಮನೆಯಲ್ಲಿ ಕಪ್ಪು ಹಲ್ಲಿ ನಿರಂತರವಾಗಿ ಕಾಣಿಸಿಕೊಂಡರೆ ಮನೆಯಲ್ಲಿ ಆಹಾರ ಸಮಸ್ಯೆಗಳಿಗೆ ಕಾರಣವಾಗಬಹುದು ಅಥವಾ ಇದು ಆರ್ಥಿಕ ಬಿಕ್ಕಟ್ಟಿನ ಸಂಕೇತವಾಗಿರಬಹುದು.
