ಚಿಕ್ಕ ವಯಸ್ಸಿನಲ್ಲಿ ಕೂದಲು ಉದುರುವುದು ಮತ್ತು ಕೂದಲು ಅಕಾಲಿಕವಾಗಿ ಬಿಳಿಯಾಗುವುದು ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯ ಸಮಸ್ಯೆಯಾಗಿದೆ. ಅದರಲ್ಲೂ ಜನರು ತಮ್ಮ ಕೂದಲನ್ನು ಕಪ್ಪಾಗಿಸಲು ಡೈ ಅಥವಾ ಮದರಂಗಿ ಬಳಸುತ್ತಾರೆ. ಇಂದಿನ ಯುವ ಪೀಳಿಗೆಯು ಬೂದು ಕೂದಲಿನ ಸಮಸ್ಯೆಯ ಬಗ್ಗೆ ತುಂಬಾ ಕಾಳಜಿ ವಹಿಸುತ್ತಿದೆ. ಮಾನಸಿಕ ಒತ್ತಡದಿಂದಾಗಿ ನಮ್ಮ ಜೀವನ ವಿಧಾನದಲ್ಲಿ ಅನೇಕ ಬದಲಾವಣೆಗಳನ್ನು ಮಾಡಲಾಗಿದೆ.
ಅನಾರೋಗ್ಯಕರ ಜೀವನಶೈಲಿಯಿಂದಾಗಿ, ಚಿಕ್ಕ ವಯಸ್ಸಿನಲ್ಲೇ ಕೂದಲು ಬಿಳಿ ಬಣ್ಣಕ್ಕೆ ತಿರುಗುತ್ತದೆ. ಜನರು ತಮ್ಮ ಕೂದಲನ್ನು ಮತ್ತೆ ಕಪ್ಪಾಗಿಸಲು ಹಲವಾರು ರಾಸಾಯನಿಕ ಉತ್ಪನ್ನಗಳನ್ನು ಬಳಸುತ್ತಾರೆ. ಹಾಗೆ ಮಾಡುವುದು ಅನೇಕರಿಗೆ ಸರಿ ಎನಿಸುವುದಿಲ್ಲಾ. ಆದರೂ ಹಾಗೆ ಮಾಡದೇ ಇರೋಕೆ ಆಗೋದೇ ಇಲ್ಲಾ ಅಂತಹ ಪರಿಸ್ಥಿತಿಯಲ್ಲಿ ರಾಸಾಯನಿಕವೂ ಅವರಿಗೆ ಮುಖ್ಯವಾಗುತ್ತದೆ.
ಮೊಸರಿನಲ್ಲಿ ಲ್ಯಾಕ್ಟಿಕ್ ಆಮ್ಲವಿದ್ದು ಇದು ನೆತ್ತಿಯನ್ನು ಪೋಷಿಸುವುದರ ಜೊತೆಗೆ ಕೂದಲಿನ ಆರೋಗ್ಯಕ್ಕೆ ಹಲವು ರೀತಿಯಲ್ಲಿ ಸಹಕಾರಿ ಆಗಿದೆ. ಮೊಸರಿನ ಬಳಕೆಯಿಂದ ಹೇರ್ ಫಾಲ್, ಡ್ಯಾಂಡ್ರಫ್, ಕೂದಲು ಜಡವಾಗುವ ಸಮಸ್ಯೆ, ಸ್ಪ್ಲಿಟ್ ಹೇರ್ ನಂತಹ ಸಮಸ್ಯೆಗಳಿಂದ ಪರಿಹಾರ ಪಡೆಯಬಹುದು.
ಮೊಸರು ಕೂದಲಿನ ಕಿರು ಚೀಲಗಳಿಗೆ ಪೋಷಣೆ ನೀಡುವ ಮೂಲಕ ಬಿಳಿ ಕೂದಲಿನ ಸಮಸ್ಯೆಗೆ ಪರಿಹಾರ ನೀಡುತ್ತದೆ. ಕೂದಲ ಬೆಳವಣಿಗೆಗೆ ಉತ್ತೇಜಕವಾಗಿರುವ ಮೊಸರು ಬುಡದಿಂದ ಕೂದಲನ್ನು ಕಪ್ಪಾಗಿಸಿ ಕಾಂತಿಯುತವೂ ಆಗಿಸುತ್ತದೆ. ಇದಕ್ಕಾಗಿ ಮೊಸರಿನ ಹೇರ್ ಪ್ಯಾಕ್ ಸಹಾಯಕವಾಗಿದೆ.
ಒಂದೆರಡು ಸ್ಪೂನ್ ಮೊಸರಿನಲ್ಲಿ ಸಾಸಿವೆ ಎಣ್ಣೆಯನ್ನು ಸರಿಯಾಗಿ ಮಿಶ್ರಣ ಮಾಡಿ. ಇದರಲ್ಲಿ ಅರ್ಧಓಳು ನಿಂಬೆ ರಸವನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಮೊಸರಿನೊಂದಿಗೆ ಸಾಸಿವೆ ಎಣ್ಣೆ, ನಿಂಬೆ ರಸವನ್ನು ಬೆರೆಸಿಟ್ಟ ಹೇರ್ ಪ್ಯಾಕ್ ಅನ್ನು ಕೂದಲಿನ ಬುಡದಿಂದ ತುದಿಯವರೆಗೂ ಹಚ್ಚಿ ಅರ್ಧಗಂಟೆ ಬಳಿಕ ಸೌಮ್ಯ ಶಾಂಪೂ, ಉಗುರುಬೆಚ್ಚಗಿನ ನೀರನ್ನು ಬೆರೆಸಿ ಹೇರ್ ವಾಶ್ ಮಾಡಿ
, ಈ ರೀತಿ ಮೊಸರಿನ ಹೇರ್ ಪ್ಯಾಕ್ ಅನ್ನು ನಿಯಮಿತವಾಗಿ ಕೂದಲಿಗೆ ಬಳಸಿದರೆ ಇದು ನಿರ್ಜೀರ್ವ ಕೂದಲಿಗೆ ಜೀವ ತುಂಬಿ, ಬುಡದಿಂದ ಕೂದಲು ಕಪ್ಪಾಗುವಂತೆ, ಹೊಳೆಯುವಂತೆ ಮಾಡುವಲ್ಲಿ ಪರಿಣಾಮಕಾರಿ ಆಗಿದೆ
