ಶುಕ್ರವಾರ ನಡೆದ IPL ಪಂದ್ಯದಲ್ಲಿ ಲಕ್ನೋ ತಂಡವು, ಮುಂಬೈ ವಿರುದ್ಧ ಗೆದ್ದು ಬೀಗಿದೆ. ಲಕ್ನೋ ತಂಡ ನಾಲ್ಕು ಪಂದ್ಯಗಳಲ್ಲಿ 2ನೇ ಗೆಲುವು ದಾಖಲಿಸಿದ್ರೆ, ಹಾರ್ದಿಕ್‌ ಪಾಂಡ್ಯ ನಾಯಕತ್ವದ ಮುಂಬೈ ಇಂಡಿಯನ್ಸ್‌ 4 ಪಂದ್ಯಗಳಲ್ಲಿ 3ನೇ ಸೋಲು ಕಂಡು ಭಾರೀ ಮುಖಭಂಗ ಅನುಭವಿಸಿದೆ.
ಈ ರಾಶಿಯ ಮಠದ ಸಾರಥ್ಯ ಹೊಂದಿದವರಿಗೆ ತೊಂದರೆ: ಶನಿವಾರದ ರಾಶಿ ಭವಿಷ್ಯ 05 ಏಪ್ರಿಲ್ 2025
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಲಕ್ನೋ ತಂಡ ನಿಗದಿತ 20 ಓವರ್‌ಗಳಲ್ಲಿ 8 ವಿಕೆಟ್‌ ನಷ್ಟಕ್ಕೆ 203 ರನ್ ಕಲೆಹಾಕಿತು. ಈ ಬೃಹತ್‌ ಮೊತ್ತವನ್ನು ಬೆನ್ನಟ್ಟಿದ ಮುಂಬೈ ಓವರ್‌ಗಳಲ್ಲಿ ನಿಗದಿತ ಓವರ್‌ಗಳಲ್ಲಿ 5 ವಿಕೆಟ್‌ ನಷ್ಟಕ್ಕೆ 191 ರನ್ ರನ್‌ಗಳಿಸಿ ಸೋಲು ಕಂಡಿತು. ಕೊನೇ ಓವರ್‌ ಥ್ರಿಲ್ಲರ್‌ ಕೊನೆಯ ಓವರ್‌ನಲ್ಲಿ ಮುಂಬೈ ಗೆಲುವಿಗೆ 22 ರನ್‌ಗಳ ಅಗತ್ಯವಿತ್ತು.
ಮುಂಬೈ ಪರ ಸೂರ್ಯಕುಮಾರ್ ಯಾದವ್ 43 ಎಸೆತಗಳಲ್ಲಿ 1 ಸಿಕ್ಸರ್‌, 9 ಬೌಂಡರಿ ನೆರವಿಂದ 67 ರನ್, ನಮನ್ ಧೀರ್ 24 ಎಸೆತಗಳಲ್ಲಿ 3 ಸಿಕ್ಸರ್‌, 4 ಬೌಂಡರಿ ಸಿಡಿಸಿ 46 ರನ್ ಕಲೆಹಾಕಿದರು. ತಿಲಕ್‌ ವರ್ಮ 25 ರನ್, ಹಾರ್ದಿಕ್‌ ಪಾಂಡ್ಯ 28 ರನ್ ಕೊಡುಗೆ ಕೊಟ್ಟರು.
ಕೊನೆಯ ಓವರ್‌ನಲ್ಲಿ ಮುಂಬೈ ಗೆಲುವಿಗೆ 22 ರನ್‌ಗಳ ಅಗತ್ಯವಿತ್ತು. ಅತ್ತ ಹಾರ್ದಿಕ್‌ ಪಾಂಡ್ಯ ಸ್ಟ್ರೈಕ್‌ನಲ್ಲಿದ್ದರೆ, ಅವೇಶ್‌ ಖಾನ್‌ ಬೌಲಿಂಗ್‌ನಲ್ಲಿದ್ದರು. ಕೊನೇ ಓವರ್‌ ಮೊದಲ ಎಸೆತವನ್ನೇ ಹಾರ್ದಿಕ್‌ ಪಾಂಡ್ಯ ಸಿಕ್ಸರ್‌ ಚಚ್ಚಿದಾಗ ಮುಂಬೈ ಗೆದ್ದೇ ಬಿಟ್ಟಿತು ಎನ್ನುವಂತೆ ಅಭಿಮಾನಿಗಳು ಕುಣಿದು ಕುಪ್ಪಳಿಸಿದ್ರು, ಮರು ಎಸೆತದಲ್ಲಿ 2 ರನ್ ಕದ್ದಾಗ ಈ ಹುಮ್ಮಸ್ಸು ಇನ್ನಷ್ಟು ಹೆಚ್ಚಾಯ್ತು. ಆದ್ರೆ ಪಾಂಡ್ಯನ ಪರಾಕ್ರಮಕ್ಕೆ ಬ್ರೇಕ್‌ ಹಾಕಿದ ಅವೇಶ್‌ ಖಾನ್‌ ಮುಂದಿನ ಎರಡೂ ಎಸೆತಗಳಲ್ಲಿ ರನ್ ಕೊಡದೇ ಬಿಗಿ ಹಿಡಿತ ಸಾಧಿಸಿದ್ರು. 5ನೇ ಎಸೆತದಲ್ಲಿ ಕೇವಲ 1 ರನ್ ಮುಂಬೈಗೆ ಸೇರ್ಪಡೆ ಆಯಿತು. ಕೊನೇ ಎಸೆತದಲ್ಲೂ ಯಾವುದೇ ರನ್ ಬಾರದ ಕಾರಣ ಲಕ್ನೋ ತಂಡ 12 ರನ್‌ಗಳ ಗೆಲುವು ಸಾಧಿಸಿತು.
