ಕ್ರಿಕೆಟರ್‌ ಬಿಆರ್‌ ಶರತ್‌ ಹಾಗೂ ನಟಿ ಅರ್ಚನಾ ಕೊಟ್ಟಿಗೆ ಇತ್ತೀಚೆಗಷ್ಟೇ ಅದ್ಧೂರಿಯಾಗಿ ಮದುವೆಯಾಗಿದ್ದಾರೆ. ಈ ಜೋಡಿಗೆ ಕ್ರಿಕೆಟರ್‌ ಹಾಗೂ ಸಿನಿಮಾ ತಾರೆಯರು ಶುಭ ಹಾರೈಸಿದ್ದರು. ಮದುವೆ ಬಳಿಕ ಅರ್ಚನಾ ತಮ್ಮ ಪತಿ ಜೊತೆಗಿನ ಹಳೆ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.
ಫಿಯನ್ಸಿ ಈಗ ಫೈನಾನ್ಷಿಯರ್ ಎನ್ನುವ ಕ್ಯಾಪ್ಷನ್‌ ಕೊಟ್ಟು ಶರತ್‌ ಜೊತೆಗಿನ ಓಲ್ಡ್‌ ಮೆಮೋರಿಗಳನ್ನು ಮೆಲುಕು ಹಾಕಿದ್ದಾರೆ. ಮದುವೆಗೂ ಮುಂಚೆ ಈ ಜೋಡಿ ಒಟ್ಟಿಗೆ ಸುತ್ತಾಟ ನಡೆಸಿದ್ದ ಸಂತಸದ ಕ್ಷಣಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ನಟಿ ಅರ್ಚನಾ ಡಿಯರ್‌ ಸತ್ಯ, ಫಾರೆಸ್ಟ್‌ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಶರತ್‌ ಗುಜರಾತ್‌ ಟೈಟನ್‌ ಪರ ಐಪಿಎಲ್‌ ನಲ್ಲಿ ಆಡಿದ್ದರು.
ಕಾಲೇಜಿನಲ್ಲಿ ಶರತ್‌ ಅವರಿಗೆ ಅರ್ಚನಾ ಜೂನಿಯರ್‌ ಆಗಿದ್ದರು. ಗೆಳೆಯರ ಮೂಲಕ ಪರಿಚಯವಾದ ಈ ಜೋಡಿ ಸ್ನೇಹಿತರಾಗಿ ಆ ನಂತರ ಪ್ರೀತಿಸಿ ಎಂಟು ವರ್ಷದ ಪ್ರೀತಿಗೆ ಈಗ ಮೂರು ಗಂಟಿನ ನಂಟು ಬೆಸೆದಿದ್ದಾರೆ.
