ತೊಂಡೆಕಾಯಿಯನ್ನು ಬೀಜ ಮತ್ತು ಕಾಂಡ ಎರಡರಿಂದಲೂ ಸಸ್ಯಾಭಿವದ್ಧಿ ಮಾಡುತ್ತಾರೆ. ಹೆಚ್ಚಾಗಿ ಕಾಂಡದಿಂದಲೇ ಬೆಳೆಯುವುದು ಬಳಕೆಯಲ್ಲಿದೆ.
-ಬಲಿತ ತೊಂಡೆಕಾಯಿ 1 ಸೆಂ.ಮೀ ದಪ್ಪ ಮತ್ತು 30 ಸೆಂ.ಮೀ ಉದ್ದವಿದ್ದು, ಮೂರು ಕಣ್ಣುಗಳನ್ನು ಹೊಂದಿರಬೇಕು. ಇದನ್ನು ನೆಲದ ಆಳದಲ್ಲಿ ಕಾಂಡ ಮೇಲಕ್ಕೆ ಕಾಣುವಂತೆ ನೆಡಬೇಕು.
-ನಾಟಿ ಕಾಂಡಗಳು 15 ದಿನದೊಳಗೆ ಚಿಗುರುತ್ತವೆ. ಇದು ಬಳ್ಳಿಯ ಜಾತಿಯ ಸಸ್ಯವಾಗಿದ್ದರಿಂದ ಚಪ್ಪರದ ಅವಶ್ಯಕತೆ ಇದೆ.
-6 ವಾರದ ಒಳಗಾಗಿ ಬಳ್ಳಿ ಚಪ್ಪರದ ತುಂಬಾ ಆವರಿಸಿಕೊಳ್ಳುತ್ತದೆ. ಇದು ಬಹುವಾರ್ಷಿಕ ಸಸಿಯಾಗಿದೆ. ಒಮ್ಮೆ ಚೆನ್ನಾಗಿ ಬಂದರೆ ಅದೇ ಮತ್ತೆ ಚಿಗುರೊಡೆದು ಉತ್ತಮ ಕಾಯಿಗಳನ್ನು ನೀಡುತ್ತದೆ.
-ನಾಲ್ಕೈದು ವರ್ಷಗಳಿಗೊಮ್ಮೆ ಹಳೆ ಬಳ್ಳಿಯನ್ನು ತೆಗೆದು ಹೊಸದಾಗಿ ನಾಟಿ ಮಾಡಿದರೆ ಉತ್ತಮ.
-ತೊಂಡೆ ಬಳ್ಳಿಗೆ ಹೆಚ್ಚಿನ ನೀರಿನ ಅವಶ್ಯಕತೆ ಇರುವುದರಿಂದ 2-5 ದಿನಗಳಿಗೊಮ್ಮೆ ನೀರು ಹಾಯಿಸುವುದು ಅಗತ್ಯ.
-ಕಾಯಿಗಳಿಗೆ ಹುಳ ಹತ್ತುವ ಸಾಧ್ಯತೆ ಇರುವುದರಿಂದ ಬೂದಿಯನ್ನು ಕಾಯಿಯ ಮೇಲೆ ಚಿಮುಕಿಸಿದರೆ ಕಾಯಿಯನ್ನು ಹುಳಗಳು ತಿನ್ನುವುದು ತಪ್ಪುತ್ತದೆ.
-ಈ ಗಿಡ ಆರು ತಿಂಗಳ ಒಳಗಾಗಿ ಹೂ ಬಿಟ್ಟು, ವರ್ಷಪೂರ್ತಿ ಯಾವ ಋುತು ಎನ್ನದೇ ಕಾಯಿಯನ್ನು ಹೇರಳವಾಗಿ ಕೊಡುತ್ತದೆ.
